Aizaia 3:26 - Edo Bible (E Baibol Ẹdo) Version 1996

²⁶ Avbe onurho ẹvbo gha khiẹ, iran ghi vbe gha viẹ, nene ore ẹvbo tobọ ẹre ghi yevbe okhuo ne ọ bannọ uan, a na mu ẹẹn tota ye otọ kẹkan.

Aizaia 3:26 ပူးပေါင်းရင်းမြစ်များ

Job 2:13

Iran keghi gu ẹe tota ye otọ vba la avan ihinrọn kevbe asọn ihinrọn vbene iran ma na guan hiehiere rhunmwuda, iran miẹn wẹ obọ ọlọghọmwa ni da ẹe ẹsẹse.

Job 2:8

E Job keghi ya tota ye otiku, ọ na rhie ebunbunmwẹhẹn ya gha hia erhọn.

Aizaia 14:31

Wa gha go, ne uwa vbe gha tu nọ iyobọ, wa ne avbe okpẹvbo e Filistin hia. Wa runran, wa hia fẹẹrẹ. Amẹ ne ọ bii ne ọ re ebubẹ, ke odẹ okuọ dee, ivbiyokuo ne avbiẹrẹ okpa i rre otu ẹre.

Aizaia 29:2

ne Osanobua si ọkhọ la rọ ighe ẹvbo nii ne a tie ẹre “ogiukpo Osanobua.” Eve kevbe irria-kọn gha rrọọ, ẹvbo nii hia ghi do yevbe Ogiukpo ne a ya esagiẹn gue ya sẹ otọ.

Aizaia 32:14

Te a ra lẹ hin uwu avbe ẹguae rre, avbe igiogbẹ hia gha khian ne emwa na lẹkua fẹẹrẹ. Avbe owa kevbe avbe owa ọkhẹ ne a bọlọe ne a na khẹ iran, gha khian itowa ẹdẹdẹmwẹdẹ. Avbe ede ọ re ọ ghi gha gbe ọgọlọbọ vbọ, avbe ohuan ghi ya gha rria vbe evba.

Aizaia 33:9

Otọe khian ne a i ghi na gbe ugbo, emwa lẹ hin ehia rre. Ẹgbo e Lebanọn luẹluẹe. Iya e Sairọn ne ọ te maa emwiokọ khian ne ọ ghi yevbe ato, ebe khakha kua vbe erhan ni rre Basian kevbe Oke Kamẹl.

Aizaia 47:1

E Nọyaẹnmwa khare wẹẹ, “E Babilọn, tuorre vbe ẹkete ruẹ ne u do tota ye ebubẹ vbe otọ. Vbe ẹghẹ ọkpa, te u te yevbe ovbialeke, ẹvbo ne a ma khọn miẹn ẹre otọ sokpan, u i ghi re ne vbukhẹ kevbe ne sọguọsọguọ ọvbehe, ọviẹn ọ re u ghi khin na.

Aizaia 6:11

Mẹ keghi nọ wẹẹ, “Inu ẹghẹ ọ re ọ ra gha ye vbenian la vbe otọe yi e Nọyaẹnmwa?” Rẹn keghi wanniẹn wẹẹ, “Rhinrin avbe okpẹvbo nii tedo rẹnkhẹn uan ne ehia vbe dihoi rua, a te do miẹn wẹ avbe owa nii khian ne ẹvbo i ghi ye, a te do miẹn wẹ avbe otọe nii hia dihoi rua, ne ehia la ọrhiae rrie.

Jerimaia 14:2

“Juda rre akhiẹ avbe okpẹvbo ẹre hia wulo khian, emwa rẹn lovbiẹ lele otọ iran gha khiẹ, e Jerusalẹm gha go gualọ iyobọ.

Jerimaia 15:8

Ikhuo ni dẹgbẹ ni rre otọe uwa, bun sẹ ekhae ni rre ọkpẹn okun. I gbele avbe igbama uwa ye isẹrre I keghi ru ẹe ne usẹ gha sẹ iye iran, I ye akhiẹ nọkhua kevbe ohan fi iran emwi vbe udomwurri.

Eve Orriara 1:1

U miẹn vbe Jerusalẹm ghi divbiẹ hẹ ẹvbo ne emwa na te hu yo hu rre! Ne otagbọn hia te go wan te ọ ghi ye vbe okhuo ne ọ dẹgbẹ; ẹvbo ne ọ te re ne ọ hin usi sẹẹ ehia do khian ne ọ ghi re ọviẹn.

Eve Orriara 1:4

A i ghi miẹn ne ọ rre do gha ga vbe Ọgua Osa nian vbe ẹdẹ iruẹmwi. Emọ ikhuo ni so ihuan vbe evba, oya iran ghi re akọn ọ re avbe ohẹn ghi re. Onurho ẹvbo dihoi rua, uwu orriara ọ re Zaiọn ghi ye.

Eve Orriara 2:10

Avbe eniwanrẹn e Jerusalẹm tota lele otọ vbe ahunwan hii, iran zẹẹ ebubẹ ye uhunmwu, iran keghi viọ ukpọn akhiẹ ye egbe. Evbokhunvbi hia hie uhunmwu ghe otọ.

Eve Orriara 2:8

E Nọyaẹnmwa wa tae nẹ wẹ te ekẹn e Zaiọn gha de guọghọ ua. Ọ keghi mwa ẹnrẹn ne a miẹn ehe na miẹn wẹ, te a fuẹn ọnrẹn fo fẹẹrẹ. Ke owa ọkhẹ kevbe ekẹn ọnrẹn, itowa ehia ghi khin.

Ezikiẹl 12:20

Avbe ore ẹvbo ni te vuọn ne ẹvbo nian, a gha dunmwu ehia a, a ghi ya ẹvbo nii khian otọe ẹgbo. Ẹghẹ nii ọ re iran gha na rẹn ighe mẹ ọrọre Nọyaẹnmwa.”

Ezikiẹl 26:16

Avbe ọba avbe uhunmwu ẹvbo nii ghi gua okọ ye okun hia, gha tuorre ke ẹkete iran rre. Iran gha kie ẹwu iran kevbe ukpọn ne a do ọghe iran, iran ghi tota lele otọ gha guọ zẹzẹzẹ. Emwi ne ọ rruan ruẹn gha mu iran ohan sẹrriọ wẹ, iran i ghi ra sẹtin dobọ uguọmwẹ yi.

Maika 1:9

A i sẹtin kpe ẹwẹn e Sameria rrie, emwi vberriọ gha mian e Juda ban, ọfuan sẹ onurho e Jerusalẹm tobọ ẹre nẹ, ehe ne emwa mwẹ ye.”

Matiu 11:17

‘Ma kpe ema irhiọha ne uwa, wa ma ku. Ma so ihuan irorinmwi ne uwa, wa ma viẹ.’

Iyẹn ne ọ Maan Ọghe Luk 19:44

Iran gha gbe uẹ ogbefo, ke uwẹ kevbe emwa ni rre uwu odin ruẹn, okuta ọkpa ne a gha sẹ rae ye ihe ẹre ẹ i rrọọ. Rhunmwuda, u ma tie ẹre emwi ẹmwata vbe Osanobua do miẹn ruẹn fan.”