Aizaia 3:23 - Edo Bible (E Baibol Ẹdo) Version 1996

²³ ẹwu iran ne a la bẹghe iran egbe, ukhiọnfọ eto ovbiohuẹ, ukpọn ne a rhie kinnọ urhu kevbe ukpọn ugbaleto ne wọọrọ.

Aizaia 3:23 ပူးပေါင်းရင်းမြစ်များ

Gẹnẹsis 24:65

Ọ na nọ ọguọmwadia nii wẹẹ, “Gha ọna khin ne ore ne ọ bu ima de na?” Ọguọmwadia nii keghi wanniẹn wẹẹ, “Arowa mwẹ nọ.” Rẹn keghi rhie ugbaleto, ọna rhie gue aro ẹre.

Gẹnẹsis 41:42

Ọba keghi yuo oroka asẹ ne ọ ya ye ẹmwẹ okhi, hin ikpinhianbọ ẹre rre, ọ keghi rhie ẹre ye ikpinhianbọ ọghe Josẹf, ọ keghi ye ukpọn etianran yiẹe, ọ keghi mu emwi urhu ọghe igoru ye ọre urhu.

I Krọnikol 15:27

Etovbiohuẹ ne sẹguẹn ọre a ya do ẹwu ne Devid yọe, erriọ vbe nọ ne iran ni kpe ema, Kienanaia ne ọkaolotu iran kevbe avbe Livai ni mu nene Ẹkpẹti. E Devid keghi rhuan adaghọ.

Ẹksọdọs 38:8

Ọ keghi ru uwawa akhuẹ oze kevbe uhe ẹre ọghe oze, ughegbe avbe ikhuo ni winna vbe onurho ne a la la Owa Ukpọn Ehe ne Nọyaẹnmwa ye ọre ọ ya ru ẹe.

Ihuan Ne Ọ Sọọ Ihuan Hia 5:7

Avbe iran ni khẹ ore ẹvbo keghi miẹn mwẹ, iran kinmwi mwẹ, iran kevbe yi mwẹ ama, iran ni khẹ onurho ẹvbo keghi kie ẹwu oni mwẹ mu fua.

Aizaia 3:22

ukpọn ne mose mose ne iran rhuan hia, ẹwu ọsotọ, ẹwu ọkodukhunmwu, ovbi ẹkpo igho;

Aizaia 3:24

Ne iran gha na te gha lo ori ne ọ winhin, iran ghi gha wia. Ne iran gha na te gha ya ugbẹkun ni mose gba, iran ghi gha lo irri ne khuarakhuara, ne iran gha na te gha mwẹ eto ne ọ mose, iran ghi gbe akpan, ne iran gha na te rhuan ukpọn ne ọ mose, iran ghi silo osọnmwẹ ukpọn ye egbe, a ghi fi ose iran werriẹ khian emwiekhue!

Aizaia 47:2

Werriẹ olọ nii, wiẹn ọka nii! Ban ugbaleto ruẹ fua. Bannọ avbe ukpọn ruẹn ne mose mose kua kie ẹwu ruẹ ghe odukhunmwu, ne u ya fian ẹzẹ rra.

Ezikiẹl 16:10

I viọ ẹwu ne a do emwi lele ne uẹn yọ, I keghi viọ ibata ye uẹ owẹ, ibata ọghe ohian ne ọ maa sẹẹ. I rhie ugbaleto etovbiohuẹ ne uẹn deba ẹwu ne a mu yan egbe ọghe esiliki.

Zẹkaraia 3:5

Rẹn keghi tama avbe ọkpọmwa rẹn wẹ ne iran ye ukpọn ne ọ huanrẹn gbalọ e Jọsua uhunmwu. Iran keghi ru ẹe vberriọ, iran keghi vbe sirra odibosa e Nọyaẹnmwa nii viọ ukpọn ọgbọn nii yọ e Jọsua.

Iyẹn ne ọ Maan Ọghe Luk 16:19

“Okpia ne ọ fe ọkpa kegha rrọọ, ogiukpọn ọre ọ ya haan vbe ẹghẹ hia, ọ ghi vbe gha lo emwi hia wọrhọwọrhọ ẹdẹgbegbe.

Arhie Maan 19:14

Ivbiyokuo ẹrinmwi keghi lele ẹe, iran keghi hin ẹsin ni fua, ẹwu ne iran hia yọe keghi re ọghe eto ovbiohuẹ nọfua ne ọ huanrẹn.

Arhie Maan 19:8

A fan obọ ẹre nẹẹn nẹ, ne ọ ya ukpọn eto ovbiohuẹ ne ọ huanrẹn kevbe ne ọ fi wainwain haan.” (Ukpọn eto ovbiohuẹ ọrọre uyinmwẹ ẹmwata ọghe emwa Osanobua.)

Ebe Rut 3:15

Ẹre Boaz na khama rẹn wẹẹ, “Mu ẹwu ọkokhunmwu ne u yọe rre ne u rhan rẹn yotọ.” Rẹn keghi gele ru vberriọ. Rẹn keghi rhurhẹ ọka ne ọ sẹ omwa uwan ekigbesiyeha yọọ, ọ na mu nẹẹn, rẹn na mu gha rrie owa.