Aizaia 3:17 - Edo Bible (E Baibol Ẹdo) Version 1996

¹⁷ I gha rri iran oya, I gha khiokhio iran uhunmwu, I ghi vbe gie iran gha re emwa ne eto i ghi rrọ ẹre uhunmwu.”

Aizaia 3:17 ပူးပေါင်းရင်းမြစ်များ

Ihuan Ne Ọ Sọọ Ihuan Hia 3:11

Wa ne ikhuo e Zaiọn, wa do ghe Solomọn. Ọ mu ẹde ne iyẹe mu ye ọ re uhunmwu rhuẹ, vbe ẹdẹ ne ọ rhie ọha vbe oghọghọ kevbe ọyẹnmwẹ ọghọe.

Aizaia 20:4

Ọgbaisi ọghe Asiria gha viọ avbe oghunmwu ne ọ munọ ẹn vbe ẹvbo eveva na gha rrie vbe irhunmwuirhun. Ke ibiẹka kevbe eniwanrẹn, iran gha ya owẹ mama otọ, iran ghi vbe gha khian vbe irhunmwuirhun, iran ghi munọ ikebe yotọ, ne iran fa Igipt rua.

Aizaia 3:16

E Nọyaẹnmwa khare wẹẹ, “Ghe vbene ikhuo e Jerusalẹm hio hẹ. Iran ghi gha tọn ukpihue mu khian. Iwinna ọghe ọ re ọ mu iran. Iran ghi gha zẹ owẹ gain gain, emwiobọ ne iran ya te egbe ghi gha tu giẹin giẹin.

Aizaia 3:18

Ẹdẹ dee ne Nọyaẹnmwa gha miẹn ikhuo e Jerusalẹm emwi ne iran ya hio hia, avbe emwi itegbe ne iran viọ ye obọ vbe owẹ, ne iran viọ ye uhunmwu, ẹyaẹn

Jerimaia 13:22

U gha nọ emwi ne ọ si ẹe ne emwi na hia na sunu vbe egbe ruẹ, emwi ne ọ si ẹe ne ukpọn na yanghan ye uwẹ ẹkun, kevbe ne emwa na ye ẹtin mu ẹẹn guẹ gha ru emwi, emwi ne ọ sii ẹe ọrọre wẹ orukhọ ruẹ mu ohan gbe.

Levitikọs 21:20

Ne ọ suke ra ni re akpo ra ne ọ khuọnmwi emianmwẹ aro ra ikpakpa egbe ra deghẹ ẹ i tie okhuo.

Maika 1:11

Wa ne ivbi Siafa, wa gha rrie iwe, vbe irhunmwuirhun kevbe ekhue. Ohan i ghi gie iran ni rre Zaanan ladian hin ore ẹvbo iran rre. Wa gha họn vbene ivbi Betezẹl ya khiẹ hẹ, wa gha wa rẹn wẹ, ehe ne a lẹre yi i ghi rre evba.

Nahum 3:5

E Nọyaẹnmwa ne Oghodua khare wẹẹ, “I gha rriọ oya, Ninevi, I gha bannọ ọn uan, I ghi vbe gie avbe uhunmwu ẹvbo miẹn ọn, iran gha miẹn ọn vbe uwu emwiekhue ruẹ.

Diuteronomi 28:27

E Nọyaẹnmwa gha tue uruvba ku uwa, zẹ vbene ọ ru ivbi Igipt. Ọ ghi gie ẹtẹ gha salọ ladian vbe egbe uwa. Egbe uwa hia ghi gha bolo ikpakpa. Otọlọ ghi la uwa egbe sokpan a i ra miẹn ukhunmwu ẹnrẹn.

Arhie Maan 16:2

Odibosa ne okaro kegha khian, ọ na ya hihiẹ ọkpa ọghọe yan agbọn. Ẹtẹ ni mu ohan kevbe ne ọ balọ keghi ladian vbe egbe iran ne a vinnọ ẹre ama aranmwẹ oha nii, deba iran ni ya uhunmwu rhanmwẹ otọ ne amazẹ ọre.