Aizaia 3:14 - Edo Bible (E Baibol Ẹdo) Version 1996

¹⁴ E Nọyaẹnmwa ra do buohiẹn avbe ediọn kevbe avbe ọkaolotu emwa irẹn, ọ baa iran ifi ẹzọ wẹẹ, “Wa ya de rhu avbe ogba azara, owa ọghe uwa vuọn ne emwi ne uwa miẹn avbe ivbiogue re.

Aizaia 3:14 ပူးပေါင်းရင်းမြစ်များ

Job 22:4

Ẹ i re ne u na mu ohan Osanobua ọ re ọ si ẹe ne ọ na zẹ okan muẹn, ọ na tie ruẹ ye erhan ezọ?

Job 24:14

Ẹdẹ gha da gbe, izigha ghi kpaegbe, ọ ghi ladian ya gbe ovbiogue ua, asọn gha rre, ọ ghi gha rha.

Job 24:9

“Emwa dan ghi gha ya emobọ ne ẹ i mwẹ erha ru eviẹn, ọ ghi viọ ivbi ovbiogue ya ha osa.

Job 34:23

Osanobua i vbe bu ẹdẹ yọ ne emwa ya rre ne irẹn bu ohiẹn iran.

Psalm 10:9

Ọ ghi rhuẹ ye ehe ne ọ lẹre yi zẹ vbe oduma, Ọ ghi lẹre khẹ ovbiogue. Ọ gha ghi ya ifi ẹre munọ iran nẹ, ọ ghi silo iran gha rriẹ.

Psalm 14:4

E Nọyaẹnmwa keghi nọ wẹẹ, “Iran ma rẹn ra? Te iran ni ru emwi dan na ma gele rẹn ne a ye ra? Emwa mwẹ ọ re iran rha ya koko egbe iran. Iran i vbe na erhunmwu gha mwẹ.”

Psalm 143:2

Ghẹ danmwẹ imẹ ne ọguọmwadia ruẹ ghe; a i miẹn ọmwa ne ọ fo na vbe odaro ruẹ.

Itan 30:14

Emwa eso rrọ ne obọ ẹre wa rhanmwẹ ivbogue kevbe ne ẹ i mwẹ, ọnii ọ re iran wa ya re.

Aizaia 10:1

Ọghe uwa fo nẹ! Wa ni yi uhi dan ne a ya gha wọ avbe emwa mwẹ uhunmwu.

Aizaia 10:2

Erriọ ọ re uwa ru ẹe ne uwa i na gie emwi ne ọ khẹke avbe ivbiogue sẹ iran obọ, wa i gie a bu ohiẹn ẹmwata ne iran. Erriọ ọre uwa vbe ya viọ ukhu ne ọ sẹ ẹgbẹ kevbe emọ ne ẹ i mwẹ erha obọ.

Aizaia 11:4

ọ gha bu ohiẹn ẹmwata ne ivbiogue ọ ghi mu ẹzọ iran ne ẹ i mwẹ gui ọ ghi yi iyi wẹ ne a rri avbe emwa nii oya, avbe emwa dan gha vbe wulo.

Aizaia 14:30

E Nọyaẹnmwa gha ru ọsuohuan avbe emwa rẹn ne ivbiogue, ọ ghi vbe gie iran gha rrọọ vbe a i mwẹ ẹbe. Sokpan, ọ gha gie ukhunmwu nọkhua gie uwa ne ivbi e Filistin, ẹ i ra vbe sẹ okpa rae ye agbọn vbe uwu uwa.

Aizaia 26:6

Te iran ne a te wọ ẹre uhunmwu ghi khian lae gberra nian iran ghi gha ya ọwẹ mamaẹn ginna otọ.

Aizaia 29:19

Avbe ivbiogue kevbe avbe emwa ni mu egberriotọ gha vbe dọlegbe miẹn ọyẹnmwẹ ne Nọyaẹnmwa ne ọmwa nọhuanrẹn Izrẹl rhie ne ọmwa.

Aizaia 30:12

Sokpan, vbenian ọ re Osanobua nọhuanrẹn ọghe Izrẹl khare, “Wa fi iyeke gbe ẹmwẹ ne I tama uwa, wa na mu ẹtin yan ọkhọ kevbe erẹrẹ ọghe uwa.

Aizaia 5:7

Izrẹl ọrọre ogba azara ọghe Nọyan ne Oghodua; emwa e Juda ọrọre azara ne ọ kọ yọ. Rẹn te rhie aro yọ ne iran gha ru emwi ne ọ maa, sokpan, iran kegha do izigha. Rẹn te rhie aro yọ ne iran gha ru emwi ne ọ gbae, sokpan, emwa ne obọ iran vbare kegha tu wẹ ne a bu ohiẹn ẹmwata.

Aizaia 58:4

Aguẹ ne uwa ye ghi do ya uwa khian emwa ọkhọ, wa ghi gha gui, wa ghi gha gbinna. Wa yayi wẹ egbe aguẹ vberriọ gha ye imẹ gha zẹye erhunmwu uwa ra?

Jerimaia 12:10

Avbe enikhaemwisẹ ni re orhunmwuyẹn, dunmwu ogba azara mwẹ uan nẹ; iran ye owẹ guọghọ ugbo mwẹ ginna otọ iran ye owẹ ye otọe esiesi mwẹ khian ato.

Jerimaia 5:27

Zẹ vbene ohuẹ viọ ahianmwẹ vuọn okhuae ẹre, erriọ ọ re iran viọ emwi ne iran furu vuọn owa iran. Ọnii ọ sii ẹe ne iran na fee kevbe ne iran na vbe mwẹ ẹtin.

Ezikiẹl 18:12

Ọ gbe ivbiogue rhu, ọ rha, ọ wa rhie emwi ne ọmwa ne ọ mọmọ ẹre emwi rhie ne ẹẹn dayi. Ọ yo avbe aro ẹbọ iran ni ga ẹbọ, ọ vbe ga avbe ẹbọ osọnnọ.

Ezikiẹl 20:35

I gha viọ uwa gha dee ‘Ato agbọn ẹvbo Nibun,’ evba nii ọ re I gha na ta ku uwa.

Ezikiẹl 20:36

I gha bu ohiẹn gbe uwa vbene I vbe bu ohiẹn gbe avbe erha uwa vbe Ato Sainai,” erriọ ọ re Nọyaẹnmwa ne Udazi khare.

Levitikọs 25:14

Rhunmwuda ọnii, u gha khiẹn otọ ne ovbi Izrẹl ne ihua, ra te uwẹ guẹe de otọ, ghẹ yin ẹre ọghe ẹkpe.

Levitikọs 25:17

Ghẹ mu ovbi Izrẹl ne ihua ru. Sokpan mu ohan e Nọyaẹnmwa Osanobua ruẹ.

Emọs 2:7

Iran ye owẹ rrilo ovbiogue kevbe ne ẹ i mwẹ ginna otọ, iran keghi vbe sua ovbiogue hin urodẹ rre. Ọmọ kevbe erha ẹe ghi gha gu ọmọ okhuo ọviẹn ọkpa ru emwi, iran na la ekpa ọnii ya iruẹn ye eni mwẹ nọhuanrẹn.

Emọs 4:1

Wa danmwehọ ẹmwẹ na, wa ne ikhuo e Sameria, ni ti ye egbe vbe ẹmila ne a koko vbe Basian, ni ru emwa ni ma wegbe khọ, ni wọ avbe ivbiogue uhunmwu, ni nọ wẹ ne avbe ọdafẹn iran gha dẹ ayọn gie iran.

Maika 2:1

Umiẹn vbe ọ gha ba so iran hẹ ighe iran ne ẹ i miẹn ovbe vbe iran a lovbiẹ rhunmwuda emwi dan ne iran mwamwa vbe ekhọe! Iran gha wa miẹn ẹkpotọ ọwarọkpa vbe owiẹ, iran ghi ru emwi ne iran mwamwaẹn.

Maika 2:2

Iran gha gualọ ako oha, iran ghi ya ẹtin vbe iwegbe mu ẹẹn, iran gha gualọ owa, iran ghi mu ẹẹn. Ẹgbẹe ọmwa ra ẹfe ọmwa ne egbe rọkhọ ẹe ẹ i ghi rrọọ.

Maika 3:3

Wa rri avbe emwa mwẹ, wa zẹ iran ohian, wa guọghọ ugboloko iran, wa keghi giagia iran ye otọ zẹ vbene a giagia emiowo hẹ ye uwọnmwẹ.

Maika 6:10

Ẹfe ne a la odẹ dan miẹn rre uwu owa emwa dan. Iran ya omwa ne ọ ta ohoghe mwa emwi, emwi ne ọ wa sọnnọ mwẹ.

Matiu 21:33

Jesu keghi khama iran wẹẹ, “Wa vbe danmwehọ itan ọvbehe: okpia ọkpa rrọọ ne ọ mwẹ otọ, ọ keghi mu ẹre ugbo emwiokọ, ọ gba ogba ga ẹre, ọ keghi vbe fian okọ ne a na ru ẹdin yọọ, ọ keghi vbe bọọ owa ọbodẹ ne ọ yo yọọ, ọ keghi mu uẹn ne emwa vbe agbeghae, ọ na gha rrie ehe.

Jems 2:6

Sokpan, wa i ya ọghọ ne ivbiogue! De emwa ni zẹ uwa owẹ yi, ni vbe silo uwa gie enibuohiẹn? Ẹ i re iran ni fee nọ.