Aizaia 3:12 - Edo Bible (E Baibol Ẹdo) Version 1996

¹² Iran ni rhie igho isu ne emwa mọmọ gha wọ emwa mwẹ uhunmwu, iran ni rri iran osa kevbe gha mu iran ru. Wa ne emwa mwẹ avbe ọkaolotu uwa bibi uwa odẹ sẹrriọ wẹ, wa ma ghi rẹn odẹ ne uwa ghẹ ghi la.

Aizaia 3:12 ပူးပေါင်းရင်းမြစ်များ

II Ọba 11:1

Ọwarọkpa vbe Atalia ne iye Ahazaia ne ọba ghi wa họn ighẹ iran de ovbi ẹre izigha, ọ na wẹ ne iran gbele emwa ni ghi re ẹgbẹe ọba hia fẹẹrẹ ua.

Job 30:13

Iran khui ehe ne I gha la lẹfua, iran na wẹ ne iran wa fuẹn mwẹ uan; a i miẹn ọmwa ne ọ wẹ iran dobọyi.

Itan 28:16

Enọkhaemwisẹ ne ẹ i wan, ọmwa ne ọ rre asẹ ne ekhọe azẹn khian gha nọ. Ọmwa ne uyinmwẹ ero i yẹ, gha tọ vbe egie.

Asan-Ibo 10:16

Ẹvbo nii la ẹmwẹ, a dẹghe igbama ọrọre ne ọ khaemwisẹ yan rẹn, kevbe wẹ avbe ọkaolotu ni rrọ gha wa gha ye asọn hia rri evbare eghọ.

Aizaia 19:14

E Nọyaẹnmwa ru ẹe ne iran gha bu iran ude ne ọ ye emwi lighi ye ọmwa aro, emwi ne ọ ghi lae rre ọrọre wẹ te Igipt ba emwi hia ku ru, te ọ ghi zẹ owẹ ahanmwahan zẹvbe ọdayọn ne ekpa ne ọ kpae miọnghọn ẹre owẹ.

Aizaia 3:4

E Nọyaẹnmwa gha ru ẹe ne a miẹn wẹ ibiẹka ikpia ni ma rẹn ne a ye ọ re ọ ra gha khaemwisẹ yan iran.

Aizaia 51:22

E Nọyaẹnmwa ne Osanobua uwa mu ẹzọ uwa gui nẹ wẹẹ, “I gha miẹn uwa ukpu mwẹ ne I mu ne uwa vbe ẹghẹ ne ohu na gha mu mwẹ. Wa i ghi dọlegbe da ayọn ne ọ ya uwa kpigogo nii.

Jerimaia 5:31

Avbe akhasẹ i ta ẹmwẹ ọvbehe gberra ohoghe, vbene avbe akhasẹ khare ọ re avbe ohẹn ya khaemwisẹ yan emwa, emwa mwẹ i vbe wẹ hẹn. Sokpan, ena hia ghẹ ghi fo nia, vbe iran gha ru hẹ?”

Maika 3:5

Emwa mwẹ khian ne avbe akhasẹ mu rẹrẹ, iran ghi bọ ọmọma ne iran ni rhie igho ne iran, sokpan ne ọ ma rhie igho ne iran, iran ghi wẹ re mu egbe khẹ okuo. E Nọyaẹnmwa tama avbe akhasẹ na nian wẹẹ,

Nahum 3:13

Avbe ivbiyokuo ruẹ yevbe ikhuo, ẹvbo ruẹ keghi khian ne ẹ i ghi mwẹ ogba ne a gba ga ẹre, vbe odaro avbe eghian ruẹn. Erhẹn gha giẹn ogba ne a mu gbe onurho ruẹ.

Matiu 15:14

Ghẹ zẹ ye iran re. Arọndẹ ni rhu aro iran khin. Arhuaro gha rhie arhuaro la odẹ uye iran eva ra kharha yi.”

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [