Aizaia 3:11 - Edo Bible (E Baibol Ẹdo) Version 1996

¹¹ Sokpan, ọghe avbe emwa dan fo nẹ. Emwi ne iran ka ru emwa ọvbehe re, ọ re a ghi ra vbe ru iran re na.

Aizaia 3:11 ပူးပေါင်းရင်းမြစ်များ

Gẹnẹsis 18:25

Vbe na i na gbe awẹawẹ u i ra gbe ni ma rukhọ ba eni rukhọ. Ọnii i gia ru wẹ i sẹtin ru vberriọ. Ẹghẹ nii, a ghi rri eni ma rukhọ oya zẹ vbe eni rukhọ. Ọnii i gia ru, enọbuohiẹn otọ agbọn hia, te ọ gha ru emwi nọkere.”

II Samuẹl 3:39

A gha rhe miẹn wẹ mẹ ọrọre ọba ne Osanobua hannọ zẹ, egbe wa wọ mwẹ yotọ ẹrẹna. Ẹtin mwẹ isẹ ẹmwẹ ọkpankpan ivbi Zeruaia na. Te Nọyaẹnmwa gha ru avbe izigan na emwi ne ọ ma iran.”

I Ọba 21:21

Ẹre Nọyaẹnmwa na tama ruẹn wẹẹ, ‘I gha zẹ ọkhọ rruan ruẹn. I gha mu ẹẹn fua, I ghi vbe gbele ikpia ni rre ẹgbẹe ruẹ fo, ibiẹka kevbe eniwanrẹn.

II Krọnikol 6:23

E Nọyaẹnmwa, danmwehọ vbe ẹrinmwi, ne u bu ohiẹn eguọmwadia ruẹ. Ru enọ rria abe emwi oya ne ọ maẹn, ne u vbe bu asẹ ne enọ ma rri abe.

Job 10:15

I gha fidọn kherhe, I la ẹmwẹ vbe obọ ruẹ. I gha gbe ẹse, a i wẹ mwẹ ọbevbaru, egbe wọ mwẹ, emwi ekhue gba mwẹ egbe.

Psalm 28:4

Rria iran ikhi ye emwi ne iran ru, kevbe emwi dan ne iran ru, rria iran ikhi ye emwi ne iran ru hia ru iran emwi ne ọ ma iran!

Psalm 62:12

Kevbe wẹ aho irẹn i beghe. Nọyaẹnmwa, wẹ ọ re ọ tobọruẹ hae ne dọmwadẹ ọghọe vbene iwinna rẹn khare.

Itan 1:31

Rhunmwuda ọnii nian, wa miẹn emwi ne ọ ke ne uwa, uyinmwẹ uwa ọ re ọ ra si emianmwẹ ye uwa egbe.

Itan 11:31

Te a wa san iran ni maa ẹse vbe agbọn na, wẹ ghi la evba rẹn wẹ te a gha rria emwa dan kevbe emwa orukhọ ikhi.

Itan 12:14

Ẹmwẹ ne u guan, kevbe emwi ne u ru, ọ re a vbe lele ya san ruẹn ẹse, emwi ne ọ khẹke uẹ ọ re ọ gha vbe sẹ uẹ obọ.

Itan 26:27

Emwa ni khuẹn ifi khẹ ẹrrẹe, ọ re ọ de ye nene ifi. Iran ni rrua ekẹn, ọ re ekẹn rẹnkhẹn uan.

Asan-Ibo 8:13

Sokpan ẹ i ra dunna ne ọmwa dan. Te ẹdagbọn iran ye vbe aghọnghọn, te iran ra wulo ye isẹrre, rhunmwuda iran i họn ẹmwẹ ne Osanobua.”

Aizaia 13:11

E Nọyaẹnmwa khare wẹẹ, “I gha fian ọfuan fi otọ agbọn, I ghi vbe rria avbe emwa dan hia ikhi ye orukhọ iran. I gha vbokho iran hia uhunmwu rri otọ ighe avbe iran ni tọn egbe mu. I gha rria iran ikhi ighe iran ni hio kevbe emwa dan.

Aizaia 48:22

“Egberọkhọmwẹ i rrọ ne emwa orukhọ,” erriọ Nọyaẹnmwa khare.

Aizaia 65:20

Ibiẹka i ra gha wulo ye emọ obọ, agbọn hia gha sẹ ẹdẹ ne ẹhi khare. Ọmwa ne ọ rre ukpo iyisẹn, a ghi ye gha kae ba igbama. Ọmwa gha wu ọ te sẹ vberriọ, ọnii rhie ma wẹ te I rri iran oya.

Aizaia 65:6

“I mwamwa oya ne I gha rri iran re yotọ nẹ. Avbe gbẹn abe ne a bu gbe iran yotọ nẹ. Mẹ i ra fi aro ua vbe emwi ne iran ru, I gha ha ẹre werriegbe ne iran

Aizaia 65:7

ighẹ orukhọ iran kevbe orukhọ avbe erha iran odede. Iran giẹẹn eturari vbe uhunmwu oke ẹbọ, iran kevbe gha ya ukpe sakan mwẹ. Rhunmwuda ọnii, I gha rri iran oya zẹ vbene ọ khẹke orukhọ ne iran ru gberra.”

Jerimaia 21:14

Sokpan, I gha rrio oya ye emwi ne u ru. I gha mu erhẹn ye ẹguae ruẹ, erhẹn ni gha giẹn emwi ni lẹga ẹre hia sotọ. Mẹ ne Nọyaẹnmwa ọ re ọ tae.”

Jerimaia 31:30

Sokpan, enian ghi nọ wẹ ọmwa ikọmwa ne ọ rri alimo ne ọ kaẹn. Ọ re akọn gha khẹkhẹ, enọru orukhọ, ọ re ọ ghi gha wu ye orukhọ ẹre.”

Ezikiẹl 16:59

E Nọyaẹnmwa ne Udazi khare wẹẹ, “I gha ru uwẹ emwi ne ọ ma uwẹ. Rhunmwuda u yangbe eyan ne u yan rẹn, u ke mu ile ne a tae fua.

Ezikiẹl 18:20

Ọmwa ne ọ ru orukhọ ọ re ọ gha wu. Ọmọ i rrioya ye orukhọ erha ẹe, ra ne erha rri oya ye orukhọ ne ọmọ ru. A gha san ọmwa esi ẹse ye emwi esi ne ọ ru, ọmwa dan gha vbe rrioya ye emwi dan ne ọ ru.

Ezikiẹl 2:10

Obọ nii keghi rhan ebe ohian nii, I keghi miẹn wẹ te a gbẹnnẹ ọre aro kevbe iyeke — emwi ne a gbẹnnẹ yọ kegha re eve akhiẹ, ugomwẹ kevbe irriakọn.

Ezikiẹl 24:14

Mẹ ne Nọyaẹnmwa guaan nẹ. Ẹghẹ sẹẹ nẹ ne I gha ya guan yọ. I ra ghi fi aroa vbe orukhọ ruẹ ọvbehe, ra ne I mwẹ itohan ra ẹnina. A gha rri ọ oya ye emwi ne u ru.” E Nọyaẹnmwa ne Oghodua guan nẹ.

Ezikiẹl 33:8

I gha kha ighe ọmwa orukhọ gha wu ighe wẹ ma tama rẹn ne ọ fi obọ werriẹ, ne ọ miẹn ehe na miẹn uhunmwu, vbe ẹghẹ nii ọ gha gele wu, ọ ghi ye gha re ọmworukhọ, wẹ ọ re I ra kha ighe ọ gbe ẹe.”

Maika 3:4

Ẹghẹ dee ne uwa gha na datu tie Nọyaẹnmwa sokpan rẹn i ra zẹ ye uwa ẹre. Rẹn i ra vbe họn erhunmwu ne uwa na rhunmwuda wa ru emwi dan nẹ.

Maika 7:13

Sokpan otọ agbọn gha khian ato rhunmwuda uyinmwẹ dan ọghe emwa ni rrọọ.

Nọmbas 32:23

Sokpan deghẹ wa na mu eyan uwa sẹ, ne I gie uwa rẹn nian wẹ wa gha rukhọ ghe Nọyaẹnmwa, wa ghi vbe rẹn nian wẹẹ a gha vbe rri uwa oya ye orukhọ uwa.

II Kọrinti 5:10

Rhunmwuda, ẹ i mwẹ ma hia ma mudia ye odaro Kristi, ne ọ miẹn ehe na bu ohiẹn mwa. ne dọmwadẹ ọghọe miẹn ehe na miẹn emwi ne ọ khẹ kẹe rhie, zẹ vbene ọ ye obọ ru vbe ọ rre agbọn, deghẹ ne ọ maa nọ ra ne ẹ i maa.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.

Giọgis 9:57

Osanobua keghi vbe gie emwa Siẹkẹm rri oya ye ekhọe dan iran zẹ vbene Jotam ne ovbi Gidiọn khare wẹ ọ gha sunu vbe ẹghẹ ne ọ na tie ẹbọ ne iran.