Aizaia 3:10 - Edo Bible (E Baibol Ẹdo) Version 1996

¹⁰ Emwa ẹmwata gha ghọghọ, emwi ghi wa vbe gha dunna ne iran. Iran gha rriere ẹsọn ne iran miẹn.

Aizaia 3:10 ပူးပေါင်းရင်းမြစ်များ

Gẹnẹsis 18:25

Vbe na i na gbe awẹawẹ u i ra gbe ni ma rukhọ ba eni rukhọ. Ọnii i gia ru wẹ i sẹtin ru vberriọ. Ẹghẹ nii, a ghi rri eni ma rukhọ oya zẹ vbe eni rukhọ. Ọnii i gia ru, enọbuohiẹn otọ agbọn hia, te ọ gha ru emwi nọkere.”

Psalm 58:11

Emwa ghi gha kha wẹẹ, “A gele san emwa esi ẹse vbẹmwata; Osanobua ne ọ bu ohiẹn agbọn na gele rrọọ.”

Ẹksọdọs 1:20

Osanobua kegha ru ikhuo ni mu emwi ubiẹmwẹ nii ẹse, ivbi Izrẹl kegha muan yọ, iran na vbe wo vbe egbe.

Itan 10:6

Erhunmwu ọ re ọmwa esi miẹn. Ẹmwẹ ne ọmwa dan guan, ọkhọ ọ re ọ gbalọ yọ.

Itan 12:14

Ẹmwẹ ne u guan, kevbe emwi ne u ru, ọ re a vbe lele ya san ruẹn ẹse, emwi ne ọ khẹke uẹ ọ re ọ gha vbe sẹ uẹ obọ.

Itan 13:21

Te orueghe lele emwa orukhọ la ehe hia, sokpan, a gha ye emwi esi san emwa esi ẹse.

Itan 18:21

Ẹmwẹ ne u tae sẹtin sinmwi ọmwa, ọ vbe sẹtin gbe ọmwa, rhunmwuda ọnii, u ghi mu egbe ne u ye egbe miẹn emwi ne ẹmwẹ ne unu ruẹn si rre.

Asan-Ibo 8:12

Ọmworukhọ sẹtin wa ru orukhọ iyisẹn, ọ ghi ye gha rre agbọn. Erriọ nọ, I rẹn ẹmwẹ ne iran ta wẹẹ, “U gha ya ọghọ ne Osanobua, emwi hia ghi gha dunna nuẹn.

Aizaia 54:17

Sokpan, emwi igbinna ọkpa ne ọ gha sẹtin kuan ruẹn egbe i rrọọ; te u gha miẹn ẹmwẹ zẹ wanniẹn ọmwa ne ọ rhirhi ba ruẹ ifi ẹzọ. I gha gbinna ne eguọmwadia mwẹ. I ghi gie iran khọnmiotọ.” E Nọyaẹnmwa taa ẹe nẹ.

Jerimaia 15:11

E Nọyaẹnmwa, adeghẹ ma ma ga uwẹ ẹse, gie ihẹn ne iran tie sẹ mwẹ egbe. I ma he do rinmwian an ne avbe eghian mwẹ ẹdẹ vbe iran rre uwu ibaro kevbe akhiẹ.

Jerimaia 21:14

Sokpan, I gha rrio oya ye emwi ne u ru. I gha mu erhẹn ye ẹguae ruẹ, erhẹn ni gha giẹn emwi ni lẹga ẹre hia sotọ. Mẹ ne Nọyaẹnmwa ọ re ọ tae.”

Jerimaia 22:15

U gha bọlọ owa isida, ne ọ mose sẹ ọghe emwa ọvbehe. Onii gha ya uwẹ khian ọba ne ọ maa sayọ ra? Te erha a wa rrii orhiẹnrhiẹn agbọn rẹn sẹ omwa. Te irẹn wa gha taa ẹmwata, ọ vbe gha ru emwi vbene ọ kei yi, emwi ne ọ ru hia, te ehia wa dunna ne ẹẹn.

Jerimaia 7:23

Sokpan, I wa tama iran wẹ ne iran gha họn ẹmwẹ mẹ, ne I miẹn ehe na gha ru Osanobua iran, kevbe ne iran vbe gha re emwa mwẹ. I keghi vbe tama iran wẹ ne iran gha ru vbene I tama iran, ne emwi miẹn ehe na gha dunna ne iran.

Ezikiẹl 18:20

Ọmwa ne ọ ru orukhọ ọ re ọ gha wu. Ọmọ i rrioya ye orukhọ erha ẹe, ra ne erha rri oya ye orukhọ ne ọmọ ru. A gha san ọmwa esi ẹse ye emwi esi ne ọ ru, ọmwa dan gha vbe rrioya ye emwi dan ne ọ ru.

Ezikiẹl 9:4

“Wa ya la e Jerusalẹm hia gaa, ne u vinnọ ama ye uharo avbe iran ni viẹ egbe viẹ ẹhi ye ẹmwẹ uyinmwẹ ne ọ zughu ọmwa ẹko ne iran yin vbe ore ẹvbo.”

Maika 7:13

Sokpan otọ agbọn gha khian ato rhunmwuda uyinmwẹ dan ọghe emwa ni rrọọ.

Zẹfanaia 2:3

Wa fiwerriẹ bu e Nọyaẹnmwa gha dee, wa hia ni mwẹ amuegberriotọ ni rre otọe na, wa ni vbe ru vbene ọ khare. Wa gha ru vbene ọ kere, ne uwa vbe mu egbe rriotọ vbe odaro e Nọyaẹnmwa, ughaghe, ọ gha la uwa ban ighẹ irrioya nii, vbe ẹdẹ ne Nọyaẹnmwa gha rhie izohu ẹre maa.

Malakai 3:18

Ẹghẹ nii, emwa ni gha dọlegbe miẹn alughaẹn ne ọ rre emwi ne ọ sunu vbe egbe ọmwata kevbe ọmwa dan. Vbe egbe ọmwa ne ọ ga mwẹ kevbe ọmwa ne ẹ i ga mwẹ.”

Iyẹn ne ọ Maan Ọghe Luk 19:19

Ọ keghi tama rẹn, ọ wẹẹ, ‘I gha mu ẹvbo isẹn nuẹn gha gbe aro ghe.’

Diuteronomi 12:25

A deghẹ wa họn ẹmwẹ ne ẹn ẹko gha rhiẹnrhiẹn e Nọyaẹnmwa, agbọn ghi ma uwa kevbe avbe ivbi uwa.

Hibru 6:10

Osanobua i re ọmwa ne ẹ i ru emwi ẹse. Ẹ i ra mianmian iwinna ne uwa winnaẹn, ra vbene uwa ya rhie maa hẹ ighẹ wa ho ẹmwẹ ọnrẹn, vbe ekpa iyobọ ne uwa gha rhie ne ivbi iyayi ne iho uwa, kevbe ne uwa ye rhie ne iran do sẹ banbanna.