Aizaia 29:9 - Edo Bible (E Baibol Ẹdo) Version 1996

⁹ Gie obọ kẹe ne u wa gha zurọ khian! Gie obọ kẹe, ne uwa rhu aro vbe uhunmwu. Wa gie ayọn gha gbe uwa, vbene uwa ma na da ayọn wa gha dobidokpannọ khian vbe ne uwa ma na da ayọn rhọkpa.

Aizaia 29:9 ပူးပေါင်းရင်းမြစ်များ

Aizaia 1:2

E Nọyaẹnmwa khare wẹẹ, “Otọe vbe ukhunmwu, wa danmwehọ ẹmwẹ ne I ra ta na! Emọ ne I biẹlẹe sọtẹ mwẹ.

Aizaia 19:14

E Nọyaẹnmwa ru ẹe ne iran gha bu iran ude ne ọ ye emwi lighi ye ọmwa aro, emwi ne ọ ghi lae rre ọrọre wẹ te Igipt ba emwi hia ku ru, te ọ ghi zẹ owẹ ahanmwahan zẹvbe ọdayọn ne ekpa ne ọ kpae miọnghọn ẹre owẹ.

Aizaia 29:1

Ọghe Jerusalẹm tobọẹre, ne ọ vbe re Ogiukpo Osanobua fo vbe otọ. Ọghe ẹvbo nii ne Devid bu agọ yi fo vbotọ. Gie ukpo okpa ra eva ọvbehe deba ugie kevbe emwi ukpo ne a ru vbọ vbe rre ne ọ vbe rrie,

Aizaia 29:10

E Nọyaẹnmwa ru ẹe nẹ, ne uwa gha vbiẹhunde, te ovbe ghi ra gbele uwa kua na. Avbe akhasẹ ọ re ọ te kei ne ọ gha re aro emwa nii, sokpan, Osanobua rhu iran aro nẹ.

Aizaia 49:26

I gha ru ẹe ne iran ni wọ ruẹ uhunmwu gha gbele egbe; ayọn izigha kevbe okuosu ghi gha gbe iran iran an. Ẹghẹ nii, emwa ne agbọn hia gha rẹn wẹ, mẹ ọrọre Nọyaẹnmwa ọmwa ne ọ miẹn ruẹn fan, ọ na fan an fua. Iran gha rẹn wẹ mẹ ọrọre Osanobua ne ọ mwẹ ẹtin ọghe Izrẹl.”

Aizaia 51:17

E Jerusalẹm, rhiọrre vbe ovbe! Huẹn egbe ruẹ ne u kpaegbe! U wọọn ukpu irrioya nẹ ne Nọyaẹnmwa mu nuẹn wọn vbe ohu mu irẹn u sii ẹe wọn kan otọ ukpu, u na ghi gha kpigogo.

Aizaia 56:10

Ọ wẹẹ, “Avbe emwa hia ne a te wẹ ne iran gha gie odẹ ma emwa mwẹ ehia rhu aro. Iran ma rẹn emwirhọkpa. Iran yevbe avbe ekita abodẹ ne ẹ i gbọọ, iran ghi lovbiẹ fua iran ghi gha mina. U miẹn vbene ovbe rhiẹnrhiẹn iran hẹ!

Aizaia 6:10

Rẹn keghi vbe tama mwẹ wẹẹ, “Gie ekhọe iran ne emwa na gbin, gie ehọ iran yin, ne aro iran vbe rhu. Ne iran ghẹ bẹghe ra ne iran họn, ra ne iran rẹn emwi ne a yae kha. Ọ gha gie iran ru, iran sẹtin fiwerriẹ bu mwẹ gha dee, mẹ ghi mu iran egbe rran.”

Aizaia 63:6

Vbe uwu ne ohu na mu mwẹ nii, I keghi, ya owẹ rrilo avbe uhunmwu ẹvbo ginna otọ I keghi duẹ iran an, I keghi hihiẹẹ, esagiẹn arrọọ iran yotọ.”

Jerimaia 13:13

U ghi khama iran ẹghẹ nii wẹ, mẹ ne Nọyaẹnmwa ra ye ayọn vuọn emwa otọe na hia a te do miẹn wẹ, te ayọn ghi gbe iran hia, avbe ọba ni re ivbi uniẹn e Devid, avbe ohẹn avbe akhasẹ kevbe ivbi e Jerusalẹm hia.

Jerimaia 2:12

Ọ re I na wẹ ne iso mu rueghe ọghe ugborrirri ne ọ yan iran unuan, ne afianma fian iran,

Jerimaia 23:9

A guọghọ mwẹ udu, te I ghi guọ zighazigha. Rhunmwuda e Nọyaẹnmwa, rhunmwuda ẹmwẹ ọnrẹn nọhuanrẹn I ye vbe ọmwa ne ọ da ayọn gbe egbe. Ọmwa ne ọ da ayọn ne ọ bun gbe.

Jerimaia 25:27

Ẹre Nọyaẹnmwa na tama mwẹ wẹẹ, “Tama avbe emwa nii wẹ mẹ ne Nọyaẹnmwa ne Oghodua ne Osanobua Izrẹl, mẹ ọ re ọ tama iran wẹ ne iran da rhinrin ọ te do gha gbe iran ne iran gha bi, iran te do dele gbotọ vbe ne iran i ghi na sẹtin kpaegbe ọvbehe, rhunmwuda okuo ne I gie bu iran dee.

Jerimaia 4:9

E Nọyaẹnmwa khare wẹẹ, “Ẹdẹ ne ẹdẹrriọ, egbe gha wọ avbe ọba kevbe avbe ekhaẹmwẹ, orrirri gha gbe ku avbe ohẹn, ọ gha yan avbe akhasẹ unu uan.”

Jerimaia 51:7

“Te Babilọn te ye vbe ukpu igoru vbe obọ mwẹ, ọ kegha ya ayọn ne otọ agbọn hia da ne ọ gha gbe iran. Avbe uhunmwu ẹvbo da ayọn rẹn, ẹrherhe iran keghi kulo.

Eve Orriara 4:21

Wa gha giẹ ivbi Idom kevbe Uz; wa gha ghọghọ vbe ẹghẹ ne uwa ya sẹtin, ọkhọ ne ọ ra rruan uwa vbe dee. Wa tobọ uwa gha vbe dobidokpannọ wa ghi bannọ uan vbe uwu ekhue.

Habakọk 1:5

E Nọyaẹnmwa tama emwa rẹn wẹẹ, “Wa gbe aro ke otọ vbe egbe ẹvbo ni lẹga uwa, emwi ne uwa miẹn gha wa yan uwa unu uan. I khian ru emwi eso ne uwẹ i ra yayi vbe u gha họn ẹn.

Matiu 26:45

Rẹn keghi dọlegbe bu avbe erhuanegbe gha dee, ọ tama iran wẹẹ, “Te uwa ye gbe ẹkun sẹ otọ gha vbiẹ? Ghe ighẹ a ra rhie Ovbi Ọmwa ye ẹtin emwa orukhọ obọ.

Iyẹn ne ọ Maan Ọghe Mak 14:41

Ọ ghi dọlegbe rre vbe ne ukpogieha, ọ tama iran wẹẹ, “Te uwa ye gbe ẹkun sẹ otọ gha vbiẹ? Ọ sẹe! Ne ẹghẹ sẹ nẹ! Wa ghe ighe a rhie Ovbi Ọmwa yan ẹtin avbe emwa orukhọ obọ.

Arhie Maan 17:6

I keghi miẹn wẹ ayọn esagiẹn emwa Osanobua wa gbe okhuo na, kevbe esagiẹn avbe emwa ne a gbele ba ẹmwẹ iran mu uhunmwu kọ ẹmwẹ Jesu. Ugbẹn vbe i ghi bẹghe ẹre, ọ keghi yan mwẹ unu uan.