Aizaia 29:8 - Edo Bible (E Baibol Ẹdo) Version 1996

⁸ Avbe uhunmwu ẹvbo hia ni si koko ne iran gu e Jerusalẹm gbinna, gha yevbe okpia ne ohanmwẹ gbe ne ọ minaẹn wẹ rẹn wa rri evbare, sokpan ọ keghi rhiọrre vbene ohanmwẹ na gbẹe, ra zẹvbe okpia ne ovbamẹ ra gbe ua, ne ọ minaẹn wẹ rẹn wọn amẹ, sokpan, ọ ghi rhiọrre, ẹho ẹre kakae.

Aizaia 29:8 ပူးပေါင်းရင်းမြစ်များ

II Krọnikol 32:21

E Nọyaẹnmwa keghi gie odibo Osa, ọ na ya gbele avbe ivbiyokuo kevbe avbe ekaokuo ivbiyokuo Asiria. Ẹre ọgbaisi Asiria na rhie ukpọn efa rhuan werriegbe gha rrie Asiria. Ẹdẹ ọkpa, ọ ghi rre aro ẹbọ ẹre, eso vbe uwu avbe ivbi ẹre ni ikpia keghi ya umozo gbe ẹe rua.

Psalm 129:5

Te obọ gha gba iran ni khuiwu e Zaiọn, ne a khulo iran werriegbe.

Psalm 73:20

Iran yevbe imina ne ọ fo vbe owiẹ, wẹ gha guakpao Osanobua a ghi ho iran bẹkun.

Aizaia 41:11

“Iran ni gu uwa mu ohu gha rẹn emwiekhue a khọn miẹn ọmwa otọ. I ran ni gu uwa gbinna gha wulo.

Aizaia 41:12

A gha ho iran bẹkun vbe otọ agbọn.

Aizaia 44:12

Avbe ogun ematọn ghi rhie ematọn, ọ ghi mu ẹẹn ye erhẹn gha winna yan. Obọ ẹre ne ọ wegbe ghi gha fi umọmọ ne ọ miẹn ehe na dunmwu ematọn ye ama vbene ọ gha na gha mwẹ ona. Vbe ẹghẹ ne ọ ya ru ẹe nii, ovbamẹ ghi gbẹe, ohanmwẹ amẹ ghi gbẹe, egbe ghi wọ ẹre.

Aizaia 54:17

Sokpan, emwi igbinna ọkpa ne ọ gha sẹtin kuan ruẹn egbe i rrọọ; te u gha miẹn ẹmwẹ zẹ wanniẹn ọmwa ne ọ rhirhi ba ruẹ ifi ẹzọ. I gha gbinna ne eguọmwadia mwẹ. I ghi gie iran khọnmiotọ.” E Nọyaẹnmwa taa ẹe nẹ.

Nahum 1:15

Ghe vbe odibo ọkpa rhie iyẹn ne ọ maa ke avbe uhunmwu oke ni yo dee! Ọ dee do na iyẹn akhọnmiotọ! Wa ne ivbi e Juda, wa do ugie emwiukpo uwa ne uwa ha emwi ne uwa ye ekhọe uwa ve ne Nọyaẹnmwa. Emwa dan i ghi dọlegbe mu okuo la otọ uwa ọvbehe. A fuẹn iran an nẹ fẹẹrẹ.

Nahum 2:1

E Ninevi, ghe vbe iran hẹ rhu uẹ! Ẹtin ne ọ ra duẹ ruẹ ua rre nẹ! Viọ emwa ye ogba ikhẹegbe ruẹ; mu egbe khẹ okuo!