Aizaia 29:7 - Edo Bible (E Baibol Ẹdo) Version 1996

⁷ ẹkpo nii, avbe ivbiyokuo hia ọghe avbe ẹvbo ni gu ẹvbo Ogiukpo Osanobua gbinna, gha khian ne a ho bẹkun, emwi igbinna iran hia ke emwi ikhẹgbe, kevbe emwi hia fẹẹrẹ, gha khian ne a ho bẹkun zẹ vbe imina, zẹ vbe emwi ne a gha mu idandan rẹn vbe asọn.

Aizaia 29:7 ပူးပေါင်းရင်းမြစ်များ

Job 20:8

Te a ra ho ẹre bẹkun vbe imina zẹ vbe umian ne a miẹn vbe asọn. A i ghi dọlegbe miẹn ọẹn ọvbehe.

Psalm 73:20

Iran yevbe imina ne ọ fo vbe owiẹ, wẹ gha guakpao Osanobua a ghi ho iran bẹkun.

Aizaia 17:14

Iran si ohan rre vbe ẹghẹ ota, sokpan, ọ gha sẹ owiẹ, iran kpao nẹ. Erriọ ọ ra rruan iran hia ni fu emwi viọ vbe ẹvbo mwa.

Aizaia 37:36

Odibosa e Nọyaẹnmwa keghi la agọ ivbi Asiria, ọ keghi gbele ivbiyokuo arriaisẹn isẹn yan iyi ihinrin (185,000). Ẹdẹ ghi gbe vbe owiẹ ne ọ lelẹe, ehia keghi wulo lele otọe bẹẹrẹ!

Aizaia 40:17

Avbe uhunmwu ẹvbo ma sẹ emwi vbe aro ẹre.

Nahum 1:15

Ghe vbe odibo ọkpa rhie iyẹn ne ọ maa ke avbe uhunmwu oke ni yo dee! Ọ dee do na iyẹn akhọnmiotọ! Wa ne ivbi e Juda, wa do ugie emwiukpo uwa ne uwa ha emwi ne uwa ye ekhọe uwa ve ne Nọyaẹnmwa. Emwa dan i ghi dọlegbe mu okuo la otọ uwa ọvbehe. A fuẹn iran an nẹ fẹẹrẹ.

Nahum 2:1

E Ninevi, ghe vbe iran hẹ rhu uẹ! Ẹtin ne ọ ra duẹ ruẹ ua rre nẹ! Viọ emwa ye ogba ikhẹegbe ruẹ; mu egbe khẹ okuo!

Zẹkaraia 12:9

Ọ gha se ẹghẹ ne a kha na, I gha fuẹn iran an ighe ẹvboikẹvbo ne ọ ho ne ọ gu e Jerusalẹm gbinna.