Aizaia 29:2 - Edo Bible (E Baibol Ẹdo) Version 1996

² ne Osanobua si ọkhọ la rọ ighe ẹvbo nii ne a tie ẹre “ogiukpo Osanobua.” Eve kevbe irria-kọn gha rrọọ, ẹvbo nii hia ghi do yevbe Ogiukpo ne a ya esagiẹn gue ya sẹ otọ.

Aizaia 29:2 ပူးပေါင်းရင်းမြစ်များ

Aizaia 1:14

Emwiukpo Uki Ọgbọn ọghe uwa wa sọnnọ mwẹ kẹe kevbe avbe ẹdẹ ugie, ihẹ iran khin mwẹ re, egbe iran wọ mwẹ ne ẹ.

Aizaia 10:32

Vbe ẹdẹnẹrẹ na, avbe eghian wa rre Nob nian, iran gha ke evba niẹn obọ ye Oke Zaiọn aro, deba ore nọkhua e Jerusalẹm.

Aizaia 17:14

Iran si ohan rre vbe ẹghẹ ota, sokpan, ọ gha sẹ owiẹ, iran kpao nẹ. Erriọ ọ ra rruan iran hia ni fu emwi viọ vbe ẹvbo mwa.

Aizaia 3:26

Avbe onurho ẹvbo gha khiẹ, iran ghi vbe gha viẹ, nene ore ẹvbo tobọ ẹre ghi yevbe okhuo ne ọ bannọ uan, a na mu ẹẹn tota ye otọ kẹkan.

Aizaia 34:6

Esagiẹn kevbe efun egbe iran gha gba umozo ẹre aro kevbe iyeke, zẹvbe esagiẹn kevbe efun ivbiohuan kevbe ẹwe ne a ya zọ ese. E Nọyaẹnmwa gha zọ ese na vbe Bozra; ọ gha ru ẹe ne obọ ugbemwẹ ọnrẹn dotọ ẹsẹse vbe otọe Idọm.

Aizaia 36:22

Ẹre Eliaikim, Siebna kevbe Joa na yanghan ukpọn iran an, iran na ya tama Hẹzekaia, ẹmwẹ ne avbe ivbiyokuo Asiria tae.

Aizaia 37:3

Vbene ọ wẹ ne iran tama Aizaia ọ re ọna khin: “Ẹdẹ irrioya ọ re ẹdẹnẹrẹ na wa khin, a wa rri ima oya, a fa ima an. Ma ye vbe okhuo ne ọ te ra biẹ, sokpan orhiọn i rrọ ẹre re ne ọ gha ya biẹ ọe.

Eve Orriara 2:5

E Nọyaẹnmwa fuẹn Izrẹl rua nẹ zẹ vbe oghian ọ ye avbe odin kevbe ẹguae ẹre khian itowa ọ keghi vbe sii akhiẹ ne ẹ i fo ye ivbi Jerusalẹm egbe.

Ezikiẹl 22:31

ghi vbe fuẹn iran an vbene erhẹn fuẹn emwi uan rhunmwuda emwi dan ne iran ru.” E Nọyaẹnmwa ne Udazi guaan nẹ.

Ezikiẹl 39:17

E Nọyaẹnmwa ne Udazi keghi tama mwẹ wẹẹ, “Ovbi ọmwa, tie avbe ahianmwẹ hia kevbe avbe aranmwẹ hia ne iran ke igienenẹ gha dee do rri emwi izọese ne i viọ ye otọ khẹ iran. Evbare ọbọbọtizọ khian gha nọ vbe uhunmwu oke Izrẹl, ehe ne iran gha na sẹtin rri emiowo, iran ghi vbe wọn esagiẹn.