Aizaia 28:7 - Edo Bible (E Baibol Ẹdo) Version 1996

⁷ Uhin ighe avbe akhasẹ kevbe avbe ohẹn daa ayọn gbe egbe sẹrriọ wẹ te iran ghi dobidokpannọ khian. Iran daa ayọn, iran kevbe wọọn emwi hia bun sẹrriọ wẹ, te iran ghi dekun emwi hia vbe ne emwi ghi tighi sẹ. Avbe akhasẹ daa ayọn bun sẹrriọ wẹ iran i ghi rẹn umian ne Nọyaẹnmwa rhie ma iran, avbe ohẹn vbe daa ayọn sẹrriọ wẹ iran i ghi rẹn ohiẹn ẹmwẹ ne a viọ bu iran yo ya bu.

Aizaia 28:7 ပူးပေါင်းရင်းမြစ်များ

Psalm 107:27

Iran rrua owẹ te iran ghi zẹ owẹ ahanmwahan vbe ọdayọn iguemwi iran hia ma ghi gha mwẹ esa ne ọ ye.

Itan 20:1

U gha da ayọn gbe u ghi gha vannọ ọghe ọzuọ. Ukọnmwẹ wa nọ ne ọmwa da ayọn gbe egbe.

Asan-Ibo 10:17

Sokpan, uwa ọ re ẹvbo nii ye adeghẹ iran mwẹ ọba ne ọ tobọ ẹre ta vbene irẹn gha ru emwi hẹ kevbe avbe ọkaolotu ni rri evbare ye ẹghẹ, Emwa ni mu egbe iran yọghọ kevbe ne ẹ i da ayọn gbe egbe.

Aizaia 19:14

E Nọyaẹnmwa ru ẹe ne iran gha bu iran ude ne ọ ye emwi lighi ye ọmwa aro, emwi ne ọ ghi lae rre ọrọre wẹ te Igipt ba emwi hia ku ru, te ọ ghi zẹ owẹ ahanmwahan zẹvbe ọdayọn ne ekpa ne ọ kpae miọnghọn ẹre owẹ.

Aizaia 22:13

Sokpan, ne uwa gha na te ru vberriọ, wa keghi gha giẹ, wa na gha gbe iza-bọbọ, wa na gha gbele ẹmila kevbe ohuan re, wa kegha da ayọn wa keghi kha wẹẹ, “Ma sẹtin gha re ne a vbe gha da! Akhuẹ, ma gha wulo.”

Aizaia 24:2

Emwi ọkpa ọ ra rruan emwa hia, ke avbe ohẹn kevbe avbe emwa kẹkan. Eviẹn kevbe avbe arowa, iran ni dẹ kevbe iran ni khiẹn, iran ni rhie ne emwa mọmọ kevbe iran ni mọmọ vbe obọ emwa, iran ni fe kevbe avbe ivbiogue.

Aizaia 24:20

Agbọn tobọ ẹre ghi gha ya owẹ fi otọ dọn, zẹ vbe Ọdayọn. Ọ ghi gha han yo han rre zẹ vbene irhu ne a gbae ru vbe okpẹhoho a gha hoho. Ihe orukhọ agbọn yẹnyẹn ọẹn mu otọ nẹ, ọ gha de guo, ẹ i ghi vbe kpaegbe ọvbehe.

Aizaia 28:1

Arriọba Izrẹl khian rhie nẹ! O Uyi ẹre hia fafaa zẹvbe ẹde obobo vbe uhunmwu avbe ọkaolotu ẹre ni da ayọn gbe egbe. A te wa ya ori ne ọ winhin wo iran uhunmwu, sokpan, ya ghe vbe ehia lovbiẹ lele otọ, ayọn gbele iran kua.

Aizaia 29:11

A i ra gie uẹ rẹn emwi ne a ya umian avbe akhasẹ kha; te ọ ra yevbe ebe ohian ne a vbuẹ re a keghi gbae gbua. U gha tọn ẹẹn mu, u na bu ọmwa ne ọ guara tie wẹ ne ọ tie ẹre nuẹn, ọ ghi tama ruẹn wẹ rẹn i ra sẹtin, rhunmwuda te a gbae gbua.

Aizaia 3:12

Iran ni rhie igho isu ne emwa mọmọ gha wọ emwa mwẹ uhunmwu, iran ni rri iran osa kevbe gha mu iran ru. Wa ne emwa mwẹ avbe ọkaolotu uwa bibi uwa odẹ sẹrriọ wẹ, wa ma ghi rẹn odẹ ne uwa ghẹ ghi la.

Aizaia 43:27

Avbe erha uwa nikaro ru orukhọ, iran ni khaemwisẹ yan uwa rukhọ ghe mwẹ,

Aizaia 5:11

Ọghe uwa fo nẹ! Wa ghi wa rhiọrre vbe owiẹ vbirrivbirri ya suẹn ayọn ne a da, wa ghi ya ota hia gha re emwa ne ayọn gbe.

Aizaia 5:22

Ọghe uwa fo nẹ! Wa ni re asukpekhae vbe egbe ọgọ ayọn. Emwa ni din kevbe ne ohan i mu vbe ọ gha sẹ egbe ayọn ne a gua.

Aizaia 5:23

Sokpan, wa gha rri igho odieke kherhe nẹ, wa ghi fannọ emwa ni rri abe kua, wa ighi gie ne ọ ma rukhọ miẹn ibuohiẹn ẹmwata ne ọ khẹke ẹe.

Jerimaia 14:14

Sokpan, e Nọyaẹnmwa ke wanniẹn wẹẹ, “Te avbe akhasẹ nii ta ohoghe vbe eni mwẹ, I ma gie iran, ama ghi wẹ ne I tama iran wẹ ne iran ta ẹmwẹ okpa ma iran. Umian ne iran kha nii ẹ i re ehe ne I ye ọ re iran ke rre, emwi ne ọ mwa ma ne iran zẹ iro ẹre vbe ekhọe iran, ọ re ẹmwẹ ne iran ta yotọ khin.

Jerimaia 23:13

I miẹn orukhọ ne avbe akhasẹ e Sameria ru nẹ eni e Baal ọ re iran ya guan yotọ, iran keghi bibi avbe emwa mwẹ odẹ.

Jerimaia 23:16

E Nọyaẹnmwa ne Oghodua tama ivbi e Jerusalẹm, “Wa ghẹ danmwehọ ẹmwẹ ne avbe akhasẹ ta, idaehọ ohoghe ọre iran ya koko uwa. Emwi ne ọrre iran ekhọe ọre iran tama uwa, ẹ i re ẹmwẹ ne imẹ tae.

Eve Orriara 2:4

Ọ ya uhanbọ kọn mwa zẹ vbene eghian ru ẹe; ọ gbele iran hia ne ima ya zowẹ ughanmwẹ ma wa họn obọ ugiẹnmwẹ ohu ẹre vbe egbe vbe Jerusalẹm vbe emwa na.

Ezikiẹl 13:7

I tama iran wẹẹ: Wa khare wẹ ẹmwẹ imẹ ọre eni khin, sokpan, I ma ta ẹmwẹ rhọkpa ma uwa hiehiere.”

Ezikiẹl 44:21

Ọ ma kee ne avbe ohẹn da ayọn rhọkpa iran ke la uwu Ọgua ne ọ ke uwu ẹre.

Hozia 7:5

Ẹdẹ ne ọba do ugie, iran ghi ye ayọn ne ọba kevbe ekhaẹmwẹ ọnrẹn da sẹrriọ wẹ iran ghi do gha zurọ.

Maika 2:11

“Egbe akhasẹ ne iran na ho ọrọre ne ọ talọ ohoghe kevbe ne ọ rẹrẹ emwa, ne ọ vbe kha wẹẹ, ‘I ta ẹe zẹ vbe akhasẹ wẹ ayọn kevbe emwi ne a da gha kpọkua ne uwa!’

Habakọk 2:15

Ọghuẹ fo! Vbe uwu ohu ruẹ, wẹ keghi si avbe ẹdogbo ruẹ sẹ otọ, u keghi fa iran an. U keghi ya iran gha ya owẹ fi otọe dọn khian zẹ vbe ọmwa ne ọ daa ayọn.

Habakọk 2:16

Erriọ ọ re a gha vbe ya ekhue yọ uwẹ ẹwu ye ihe uyi ne a gha te rhie ne uẹn, wẹ tobọ ruẹ gha da ayọn, u ghi gha ya owẹ fi otọe dọn khian. E Nọyaẹnmwa gha mu ukpu irri oya ọwuẹ ne uẹn wọn, a gha fi uyi ruẹ werriẹ ghe efaa.

Matiu 24:29

“Avbe ọlọghọmwa na hia ghẹ ghi da obọ yi, owẹn ghi so ebiebi, uki i ghi ra ba ọvbehe, avbe orhọnmwẹ ghi gha ke iso kharha ku otọ, a ghi mu ẹtin ni re ideghedeghe iso rueghe.

Iyẹn ne ọ Maan Ọghe Luk 21:34

“Wa gha begbe! Wa ghẹ gie iwinna evbare ne a re, ayọn ne ọ wegbe ra osi ẹmwẹ agbọn na mu uwa, ne Ẹdẹ nẹdẹrriọ ghẹ do hẹ rhu uwa vbe udomwirri.

Ẹfisọs 5:28

Te ọ kere ne ikpia gha ho ẹmwẹ amwẹ iran, zẹ vbene iran ho ẹmwẹ ikinnegbe iran. Okpia ne ọ ho ẹmwẹ amwẹ ọnrẹn, egbe ẹre ọ re ọ ho ẹmwẹ ọnrẹn. (