Aizaia 28:22 - Edo Bible (E Baibol Ẹdo) Version 1996

²² Ghẹ giẹ ye obọ ne I ya sa ekhae ne uwa, wa gha danmwẹ ọẹn ru vberriọ, ọ gha baa gbe wa ke miẹn uhunmwu. I họn ẹn vbe Nọyaẹnmwa ne Oghodua tae wẹ te irẹn ra fuẹn otọe ẹvbo nii hia a.

Aizaia 28:22 ပူးပေါင်းရင်းမြစ်များ

II Krọnikol 30:10

Iran na gie ẹre uhunmwu keghi wa la ẹvbo ni rre otọ Ifreim kevbe Manasẹ fo, kevbe ya sẹ Zẹbulọn vbe odẹ Okuọ, sokpan emwa nii kegha giẹ iran, iran na gha ya iran gbogiẹ.

II Krọnikol 33:11

Rhunmwuda ọnii, e Nọyaẹnmwa keghi fan obọ ẹre ne ivbiyokuo Asiria ne iran mu okuọ la e Juda. Iran keghi khọn mu e Manasẹ, iran na halọ ẹghọ ye ọre egbe, iran na ya ọgiọrọ rrọ ẹre, iran na muẹn gha rrie Babilọn.

II Krọnikol 36:16

Sokpan, iran kegha ya emwa ne Osanobua gie ẹre uhunmwu gbogiẹ, iran ma zẹ ye ẹmwẹ ne iran ta, iran na vbe gha giẹ avbe akhasẹ ọre, rhinrin a ke do miẹn wẹ ohu Osanobua ghe emwa rẹn kpọlọ sẹrriọ wẹ, emwi ne a gha ya rhanmwẹ ọẹn re, ẹ i ghi rrọ.

Psalm 107:16

Ọ guọghọ ẹkhu oze kua, ọ keghi vbe vbiolo avbe ogba ematọn kua.

Ẹksọdọs 8:25

Ẹre ọba na tie Mosis kevbe Errọn, ọ wẹẹ, “Wa gha khian ya zọ ese ghe Osanobua uwa vbe ore ẹvbo na”

Itan 19:29

Ọzuọ ne ọ ye obọ rra ẹwẹe, ẹ i mwẹ obọ ma rhanmwẹ ọẹn.

Itan 29:1

Adeghẹ te u wa dọlegbe zevbudu yọ ẹghẹikẹghẹ ne a ya guẹ gui ne a dia ruẹ ye odẹ, ẹdẹ ọkpa, emwi gha degbe uẹ, u i ra vbe miẹn uhunmwu vbọ.

Aizaia 10:12

Sokpan, I gha ru emwi ne I ru vbe Oke Zaiọn kevbe Jerusalẹm nẹ, I gha rri ọgbaisi Asiria oya ye orhuọ hia ne ọ rhuọ kevbe uhiomwẹ ne ọ hio.

Aizaia 28:23

Danmwehọ ẹmwẹ ne I ta, rhie ehọ ye emwi ne I tama ruẹn.

Jerimaia 15:17

I ma lo ẹghẹ mwẹ ya tota ke emwa ọvbehe, ne a gba gha giẹ ra ne avbe gha zọmọ. Zẹ vbene u tama mwẹ, I keghi hẹko tota, mẹ ọkpa vbe ẹhi mwẹ, ohu keghi gba mwẹ ẹko.

Jerimaia 20:7

E Nọyaẹnmwa, u mu mwẹ rẹrẹ nẹ, mẹ keghi khian ne a mu rẹrẹ. U wegbe sẹ mwẹ, obọ ruẹ keghi ke ukhunmwu mẹ. Te emwa hia ghi ya mwẹ gbe ogie te iran ghi gie mwẹ ne ebi ro.

Jerimaia 25:11

A gha ya otọe na hia khian itowa, ọ ghi vbe gha re ughe ne ọ ye egbe ku ọmwa ohiọnhiọn, avbe uhunmwu ẹvbo ni diake ẹe, gha ya ga ọba e Babilọn la ukpo ekigbe siyenẹ.

Jerimaia 36:23

Ọwarọkpa vbe Jehudi ghi tie ọgbagba eha ra enẹ nẹ, ọba keghi ye ovbi abẹe ne ọ guee giagiae ọ na hẹ ku erhẹn erriọ ọ re ọ wa gha ru ẹe khian, a te do miẹn wẹ ebe nii hia giẹn uan.

Jerimaia 39:7

Vbe iyeke ọnii, ọ keghi wọlọ e Zedekaia aro kua, ọ na ya ọgiọrọ rrọ ẹre wẹ ne a do mu ẹẹn gha rrie Babilọn.

Eve Orriara 1:14

“Te ọ wa yi orukhọ mwẹ hia ẹro ọ na sele ehia kugbe; ọ mu ẹẹn fi la mwẹ urhu obọ ukhuamwẹ ọnrẹn keghi da mwẹ. E Nọyaẹnmwa rhie mwẹ yan avbe eghian mwẹ obọ, I ma sẹtin ru iran emwi rhọkpa.

Ezikiẹl 22:14

Te uwa ro ighe orhiọn gha ye gha rre uwa re, ra ne uwa ye miẹn orhiọn ya tọn obọ mu vbe i a ghi ru uwa emwi nẹ? Mẹ ne Nọyaẹnmwa ọ re ọ guan, I gha taa ẹmwẹ nẹ, te I ru ẹe.

Nahum 1:9

De uma ne uwa si ghe Nọyaẹnmwa yi? Ọ gha fuẹn uwa a. A i miẹn ne ọ sẹtin gbe odan ghe ẹre gberra uhukpa.

Matiu 27:39

Avbe ilavbodẹ kegha fieghe uhunmwu iran, iran keghi vbe gha ya ukpẹ sakan Jesu wẹẹ,

Matiu 27:44

Erriọ zẹẹ, avbe izigan ne a kan mu ugbugbe ba ẹre vbe gha ye ukpẹ sakan ẹn.

Iyẹn ne ọ Maan Ọghe Luk 21:24

A gha ya umozo gbele iran eso ua, a ghi viọ iran eso oghunmwu gha rrie agbọn ẹvbo hia, iran ni ma yayi ghi gha gbe ọgọlọbọ vbe adesẹ ore Jerusalẹm rhinrin ẹghẹ iran te vbe do gba.

Iwinna 17:32

Ugbẹn vbe iran ghi họn vbe Pọl ya unu kan ẹmwẹ arhiọkpaegbe vbe idin orinmwi, eso kegha yae gbe ogiẹ, sokpan eso vbọ keghi vbe kha wẹ, “Ma gha ho ne u dọlegbe guan kan ẹmwẹ na.