Aizaia 28:2 - Edo Bible (E Baibol Ẹdo) Version 1996

² E Nọyaẹnmwa mwẹ ọmwa ne ọ wegbe ke ne ọ mwẹ ẹtin, ọ mu egbe ne ọ dekun iran, ọmwa ne ọ gha rre zẹvbe ẹhoho ọgbẹgbẹ, zẹvbe amẹ okpẹhoho, zẹvbe amẹ ọgbẹgbẹ ne ọ lẹ deyan emwa hia, te ọ ra lẹ rhu otọe nii hia.

Aizaia 28:2 ပူးပေါင်းရင်းမြစ်များ

Job 22:16

Sokpan, orogho lẹ iran gha rrie, vbe ọ ma he sẹ ẹghẹ iran.

Aizaia 25:4

Ivbiogue kevbe iran ne ẹ i mwẹ iyobọ lẹẹ bu ruẹ rre iran kegha rrọ vbe a i mwẹ ẹbe vbe ẹghẹ ibaro. U rhie ehe ne iran lẹre yi vbe ẹghẹ okpẹhoho, kevbe irhu vbe ẹghẹ owowo ne ọ tọn. Emwa dan gbinna zẹ vbe ẹhoho okhuakhua

Aizaia 27:1

Ọ gha sẹ ẹdẹ ne ẹdẹrriọ, ẹ Nọyaẹnmwa gha ya umozo ẹre ne ọ mwẹ ẹtin ke ne ọ gbe emwi ya rri e Leviatan oya, nene Ugbogiorinmwi ne ọ gbe a kinnọ khiẹn yo khiẹn rre nii, ọ ghi vbe gbe Ugbogiorinmwi ne ọ rre uwu ẹzẹ okun.

Aizaia 29:6

e Nọyaẹnmwa ne Oghodua gha ya okpẹhoho ne ọ wegbe kevbe ighohiotọ miẹn uwa fan, ọ gha gie ẹhoho amẹ kevbe erhẹn ne ọ to khian,

Aizaia 30:28

Ọ ghi gie ẹhoho ke odaro irẹn zẹ vbe orogho amẹ ne ọ kpolo emwi hia rrie. Ọ kpolo avbe uhunmwu ẹvbo ya fuan, ọ ghi gie iro dan ne iran zẹẹ fo ye evba.

Aizaia 30:30

E Nọyaẹnmwa gha gie emwa hia họn urhu ẹre ne ọ la ne iran vbe rẹn vbene ohu ẹre ye hẹ. Ogidi erhẹn gha rrọọ, okuku amẹ ne ọ mu waa, okpẹhoho kevbe okpamẹ.

Aizaia 32:19

(Sokpan okpẹhoho dan gha la uwu ẹgbo, a ghi vbe siẹn ore nọkhua sotọ.)

Aizaia 40:10

E Nọyaẹnmwa ne Udazi dee ra do ya ẹtin khaemwisẹ. Ọ ghi viọ avbe emwa ne irẹn miẹnfan mwẹ obọ gha dee.

Aizaia 8:6

Ọ wẹẹ, “Rhunmwuda ighe avbe emwa na he amẹ Ẹzẹ Siloa ne ẹ i si ọfọ yotọ, iran na gha guọ zighazigha vbe odaro Ọba Rẹzin kevbe Ọba Pẹka,

Ezikiẹl 13:11

Tama avbe akhasẹ ighe ekẹn iran gha de. I gha si okpamẹ, avbe isan avan gha dele gbe ẹe, okpẹhoho gha vbe bi ẹe.

Ezikiẹl 38:9

Ke irẹn kevbe ivbiyokuo ẹre deba avbe uhunmwu ẹvbo nibun ni gue ẹe gha mu okuo yo zẹ vbe okpẹhoho, iran ghi vbe gue otọe ni muotọ zẹ vbe ubimwẹ amẹ.”

Daniẹl 9:26

Ọ gha sẹ ufomwẹ ẹghẹ na, iran gha gbe ẹe rua ighe ọkaolotu ne Osanobua zẹe na vbene ẹ i na mwẹ emwi ne ọ ru. Ivbiyokuo ọmwa ne ọ wegbe ọkpa ne ọ rre asẹ gha mu okuo la ẹvbo, iran gha dunmwu avbe idunmwu nii kevbe Ọgua Osa rua. Ufomwẹ gha rre, orogho okpamẹ ne ọ lẹẹ gha rre, ọ ghi viọ okuo kevbe ọfuan gha dee zẹ vbene Osanobua mwamwaẹn yotọ.

Nahum 1:8

Ọ fuẹn avbe eghian rẹn uan fẹẹrẹ, zẹ vbe orogho nọkhua ne ọ khọn khian, iran ni gbe odan ghe ẹre, ọ gha wa viọ iran la uwu.

Jọsua 10:11

Ehe ne iran na lẹ ne ivbiyokuo Izrẹl ni ghe odẹ Bẹt-horọn ya sẹ Azẹka, e Nọyaẹnmwa keghi filo okuta avannukhunmwu ke odukhunmwu rre yan iran, a keghi gbele iran an. Iran ne okuta avannukhunmwu gbele keghi bun sẹ iran ne ivbi Izrẹl gbele.

Arhie Maan 18:8

Rhunmwuda ọnọna, okpe emianmwẹ ọnrẹn gha kinmwi ẹn ẹdẹ ọkpa, emianmwẹ irhia ẹko kevbe ukhunmwu. A gha ya erhẹn giẹn ọnrẹn uan rhunmwuda, Nọyaẹnmwa Osanobua ne ọ bu ohiẹn ọnrẹn, ne ọ mwẹ ẹtin nọ.”

Arhie Maan 8:7

Odibosa ne okaro keghi kpe okpe ọghọe, erhẹn kevbe ẹyin ne a ya esagiẹn gua, keghi rhurhẹ yan otọ agbọn. Obọ ọkpa vbe a gha wa otọ agbọn ye ihe eha, keghi wa giẹn uan. Obọ ọkpa vbe a gha wa avbe erhan ye ihe eha, keghi vbe giẹn uan, ebe irunmwu hia ni rre oha na giẹn uan.