Aizaia 28:16 - Edo Bible (E Baibol Ẹdo) Version 1996

¹⁶ Vbe ne Nọyaẹnmwa ne Udazi ghi kha hẹ ọ re ọna khin nian, “I ra mu ẹyotọ ọkpa ne ọ deziẹn kevbe ne ọ wegbe ye Zaiọn. I ra vbe mu okuta ẹyotọ ọkpa ne ọ wegbe yọ, a keghi gbẹnnẹ ẹmwẹ vbenian yan rẹn, ‘Iyayi ne ọ deziẹn, te ọ vbe ziengbe.’

Aizaia 28:16 ပူးပေါင်းရင်းမြစ်များ

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

Gẹnẹsis 49:24

sokpan uhanbọ irẹn ma bẹghe, a ya ekuabọ iran wegbe vbekpa ẹtin ọghe Osanobua Noghodua ọghe Jekọb, vbe obọ Osanobua nii, ọmwa ne ọ degue Izrẹl.

II Krọnikol 20:20

Owiẹ vbirrivbirri vbe ẹdẹ ne ọ lelẹe, emwa nii hia kegha rrie uwu ẹgbo ne ọ rre ọkpẹn Tẹkoa. Iran ghi ra wa ladian gha khian, e Jehosiafat keghi tama iran wẹẹ, “Ivbi e Juda kevbe Jerusalẹm, wa mu ẹtin yan e Nọyaẹnmwa ne Osanobua uwa, wa ghi vbe mudia gbain. Wa ya avbe ẹmwẹ ne akhasẹ ẹre tama uwa yi, ọ gha vbe dinnodẹ ne uwa.”

Psalm 118:22

Okuta ne iran ni bọ owa he ighe ẹ i maa, keghi werriegbe do khian amamiẹn a i ru ne ọ rrọọ.

Psalm 87:1

E Nọyaẹnmwa bọ owa ẹre yan oke ne ọ huanrẹn nii,

Aizaia 14:32

Vbe ima ra ya wanniẹn ọre ẹmwẹ hẹ yi ighe ọmwa ne iran gie ẹre uhunmwu ke Filistia gie ima? Ma gha tama rẹn wẹ e Nọyaẹnmwa gbe Zaiọn ẹkun sotọ nẹ kevbe wẹ emwa rẹn ni sẹ usẹ gha di evba ya vbe a i mwẹ ebe.

Aizaia 30:18

Sevba e Nọyaẹnmwa ye mudia ne ọ tohan uwa. Ọ mu egbe ne ọ ya tohan uwa, rhunmwuda emwi ne ọ gbae ọ re irẹn ru vbe ẹghẹ hia. Ọmakin iran ni mu ẹtin yan e Nọyaẹnmwa.

Aizaia 54:11

E Nọyaẹnmwa khare wẹẹ, “E Jerusalẹm wẹ ne ẹvbo ne u sẹsẹ kevbe ne egbe wọre. Vbe ne a i na vbe miẹn ne ọ fu ruẹ ẹko rre, I gha ya okuta ighobioye dọlegbe gbe ẹyotọ ruẹ.

Daniẹl 2:45

Wẹ miẹn vbene okuta ọkpa kpẹngiẹn vbe uhunmwu oke ne ọ yo ọkpa hẹ vbene ọmwa rhọkpa ma na ya obọ kan rẹn, kevbe vbene ọ dekun ọmwa ne a ya ematọn oze, obuẹ, esiliva kevbe igoru ma nii. Te Osanobua Nọkhua tama ruẹ emwi ne ọ gha sunu ẹdẹ nakhuẹ, Umogun. I tama ruẹn nẹ nian, emwi ne u mina miẹn zẹẹ, I vbe ta emwi ne a gele yae kha ma ruẹn nẹ.”

Zẹkaraia 10:4

Uwu iran ọ re avbe nikhaemwisẹ gha ke zọ ladian, avbe ọkaolotu kevbe ọkaokuo ni iran gha khaemwisẹ yan emwa mwẹ.

Zẹkaraia 3:9

I ra mu okuta ne ọ mwẹ aro ihinrọn ye odaro Jọsua. I gha gbẹn emwi yọ, I gha viọ orukhọ otọe na kua vbe ikpẹdẹ ọkpa kẹkan.

Matiu 21:42

Jesu tama iran wẹẹ, “Wa ma he tie emwi ne Ebe tae? “ ‘Okuta ne iran ni bọ owa he wẹ ẹ i ma ọre ọ ghi do khian a ma miẹn a i ru. Nọyaẹnmwa ọre ọ ru emwi na, emwi ne ọ yan ọmwa unu uan ọ na khin.’ ”

Iyẹn ne ọ Maan Ọghe Mak 12:10

Mẹ yayi ighẹ wa tie ebe na nẹ, ne ọ khare wẹẹ: “ ‘Okuta ne eni bọ ọwa he wẹ ẹ i maa, ọre ọ ghi do khian a ma miẹn a i ru,

Ebe ne Pọl gbẹẹn gie emwa Rom 10:11

Rhunmwuda ebe tae wẹ, “Ọmwaikọmwa ne ọ yaeyi, ẹ i ra gbe I ma rẹn.”

Ebe ne Pọl gbẹẹn gie emwa Rom 9:33

Ne ebe ta ẹmwẹ ọnrẹn wẹẹ: “Ghe, I mu okuta ne ọ rrua ọmwa owẹ ọkpa ye Zaiọn okuta nọkhua ne ọ gha rrua iran gbe otọ. Sokpan ọmwa ne ọ mu ẹtin ya rẹn, ẹ i ra gbe I ma rẹn.”

I Kọrinti 3:11

Rhunmwuda Osanobua ya Jesu Kristi ru ẹyotọ ẹre nẹ, a i ghi vbe gbe ẹyotọ ọvbehe yan ọnii.

Ẹfisọs 2:20

Wa tobọ uwa, ẹyotọ ne a vbe ukọ kevbe avbe akhasẹ gbe, ọre a bọ uwa yan, okuta ne a bọ ẹe yan keghi re Kristi Jesu tobọ ẹre.

II Timoti 2:19

Sokpan, a i sẹtin mu ẹyotọ ne gbain ne Osanobua gbe rueghe, a keghi gbẹnnẹ avbe ẹmwẹ na yan rẹn wẹẹ, “Nọyaẹnmwa rẹn iran ni re ọghọe” kevbe wẹẹ, “ọmwaikọmwa ne ọ ghi tie egbe ẹre ọghe Nọyaẹnmwa nẹ, te ọ kere ne ọ zobọ vbe emwi dan ne a ru.”