Aizaia 27:9 - Edo Bible (E Baibol Ẹdo) Version 1996

⁹ Sokpan, a gha ya orukhọ Izrẹl bọ ẹe vbe iran a lọ Ogiukpo okuta ọghe avbe ẹbọ iran ni ru ẹbọ nẹ zẹ vbe ebubẹ, ra a ghi miẹn wẹ a i ghi dọlegbe miẹn amazẹ ẹbọ okhuo ne iran tie ẹre Asiẹrra, ra ne Ogiukpo ne iran na giẹn eturari ye kẹe.

Aizaia 27:9 ပူးပေါင်းရင်းမြစ်များ

II Ọba 10:26

Iran keghi mu ukhurhẹ ne ọ rre evba ladian iran na giẹn ọnrẹn uan.

II Ọba 23:14

E Josaia ne ọba keghi rẹnkhẹn orre okuta ne ọ rrọ, ọ na giagia amazẹ Asiẹrra ne ẹbọ ne okhuo, ọ na he ugboloko ọmwa vuọn ehe ne a te mu iran yi.

II Ọba 25:9

Ọ keghi giẹn Ọgua Osa a, kevbe ẹguae, kevbe owa emwa ni hin usi hia ni rre Jerusalẹm.

II Krọnikol 14:5

Rhunmwuda ne ọ na wabọ avbe aro ẹbọ hiaa, kevbe aka ne a na giẹn eturari vbe otọ e Juda hia, ọfumwegbe kegha rre otọe nii vbe ẹghẹ ne ọ ya ẹe vbe ẹkete.

II Krọnikol 34:4

Zẹ vbene ọ gie iran, avbe emwa rẹn keghi guọghọ aro e Baal, iran dunmwu Ogiukpo ne a na giẹn eturari ni dekẹe hia a. Iran keghi lọkọ amazẹ Asiẹrra kevbe avbe amazẹ nekpa hia rẹnkhẹn rẹnkhẹn iran na bọnmwẹ ọẹn lele idin iran ni vbe gha gho iran.

II Krọnikol 36:19

Ọ keghi giẹn Ọgua Osa kevbe ẹvbo ni sẹ otọ.

Psalm 119:67

Vbe u te do gbe mwẹ hin ọkhọ rre, te I te ba odẹ ku, sokpan, banbanna nian, te I ghi họn ẹmwẹ ne uẹn.

Psalm 119:71

Ọ ma mẹ vbe a gbe mwẹ hin ọkhọ rre, rhunmwuda, ọ ya mwẹ ruẹ iyi ruẹ.

Ẹksọdọs 34:13

Ye ihe ọnii, u ghi rẹnkhẹn aka iran an, u ghi guọghọ okuta iruemwi iran an, u ghi tọnnọ erhan iruemwi ẹbọ ne okhuo iran ighẹ Asiẹrra kua.

Itan 20:30

Ugbẹnso, emwi ma kakabọ hie ima aro nẹ, ai sẹtin dọlọ uyinmwẹ yi.

Aizaia 1:29

U gha gbe I ma rẹn ye ẹmwẹ avbe erhan kevbe ogba iruẹbọ ne u gha ghoo.

Aizaia 17:8

Iran i ghi ra dọlegbe mu ẹtin yan avbe Ogiukpo ne iran ya obọ iran ma, ra ne iran mu ẹtin yan iwinna obọ iran, avbe amazẹ ọghe Asiẹrra ne ẹbọ nokhuo kevbe avbe Ogiukpo ne a na giẹn eturari.

Aizaia 30:22

Wa gha viọ avbe amazẹ uwa ne a ya esiliva rhu, kevbe avbe amazẹ ne a ya igoru rhu, wa ghi viọ ehia kua zẹ vbe iku, wa ghi datu wẹẹ, “Wa kpahin odaro mwẹ rre!”

Aizaia 4:4

E Nọyaẹnmwa gha ya ẹtin ẹnrẹn bu ohiẹn, ọ ghi vbe kpe ẹe huan hin rre ighe orukhọ uhunmwu ẹvbo na, kevbe esagiẹn ne a gbe yotọ vbọ.

Aizaia 40:2

Wa rhie igiọdu ne ivbi e Jerusalẹm wa khama iran ighẹ iran rrii oya kpee sẹ nẹ, ighẹ a ya orukhọ iran bọọ iran nẹ nian. I rrii iran oya sọkẹn ye orukhọ iran hia nẹ.”

Aizaia 48:10

I danmwẹ uwa ghe nẹ vbe erhẹn irrioya zẹ vbene a kpe esiliva vbe uwu erhẹn sokpan, I keghi miẹn wẹ akpa ọmwa i rre uwa egbe hiehiere.

Ezikiẹl 11:18

Iran gha dọlegbe rre, iran ghi viọ avbe ẹbọ iruẹn ne ọ zughu ọmwa ẹko ne iran a rhirhi miẹn kua.

Ezikiẹl 20:38

I gha viọ iran ni sọtẹ kevbe ni ru orukhọ. I gha viọ iran hin otọe ne iran ye na rre sokpan mẹ i ra gie iran werriegbe gha rrie otọ Izrẹl. Ẹghẹ nii, wa gha na rẹn ighe mẹ ọrọre Nọyaẹnmwa.”

Ezikiẹl 6:4

A gha siẹn avbe Ogiukpo ni rrọ sotọ, a gha vbe dunmwu avbe Ogiukpo eturari hẹ kua. A gha gbele emwa hia ni rre evba ye odaro ẹbọ nii.

Daniẹl 11:35

A gha gbele eso ua vbe uwu iran ne ọkaolotu ni wan nii, sokpan, a gha la ekpa emwi vberriọ khue avbe emwa nii huan. Erriọ ọ re ọ na ra wa gha khian vbe otọ, ọ te do sẹ ufomwẹ, ẹghẹ ne Osanobua mwa mwa yọ.

Hozia 14:8

A i ghi ra dọlegbe tie ivbi Izrẹl ye ẹmwẹ ẹbọ ọvbehe. I gha họn erhunmwu iran, I ghi vbe gha gbearoghe iran I gha mu irhu gue iran zẹ vbe erhan ne ẹ i khuọn ebe kua. Obọ mwẹ ọ re afiangbe iran ke rre.”

Levitikọs 26:30

I gha guọghọ ehe ne uwa na ga vbe uhunmwu oke hia, I ghi dunmwu aka ne uwa na giẹn eturari hia sẹ otọ. I ghi filo ikun orinmwi uwa yan amazẹ uwa ni dele. Vbe uwu ne emwi hia na khan mwẹ.

Maika 5:11

I gha guọghọ avbe okpẹvbo ni rre otọe rua, I ghi vbe rẹnkhẹn avbe emwi ne uwa ya khẹ egbe ua.

Zẹkaraia 13:2

Vbe ẹghẹ ne a kha na, I gha viọ eni avbe ẹbọ hin otọe na rre, a i ghi miẹn ọmwa ne ọ gha ye iran rre ọvbehe. I gha rhie ẹre fua ighe ọmwaikọmwa ne ọ rhirhi kha ighe akhasẹ rẹn khin, I gha vbe gbe ukhu ẹre ua ighe ne a na ho ne a gha gho ẹbọ.

Ebe ne Pọl gbẹẹn gie emwa Rom 11:27

I gha gu iran ta ile na, vbe I gha ghi rhie orukhọ iran hin rre nẹ.”

I Kọrinti 11:32

Sokpan te Nọyaẹnmwa bu ohiẹn ima, ọ ghi vbe rri ima oya ne a ghẹ miẹn ehe na bu abe uwu gbe ima, deba emwa ne agbọn.

Diuteronomi 12:3

Wa guọghọ aka iran sẹ otọ, ne uwa dunmwu orre okuta iruẹbọ iran rẹnkhẹnrẹnkhẹn. Wa ya erhẹn giẹn erhan iruẹbọ iran an, ne uwa wiẹn avbe amazẹ iran ye otọ sẹrriọ wẹ a i ghi dọlegbe gho iran vbe evba ẹdẹ.

Hibru 12:6

Rhunmwuda ne Nọyaẹnmwa ho ẹmwẹ ọnrẹn, ọre ọ gbe hin ọkhọ rre. Ne ọ tie ẹre ovbi ẹre, ọre ọ gbe ẹre asan.”