Aizaia 27:7 - Edo Bible (E Baibol Ẹdo) Version 1996

⁷ E Nọyaẹnmwa ma he rri Izrẹl oya ne obọ da ẹe zẹ vbene avbe eghian rẹn ye, emwa ni bun vbe ọghe iran ma he vbe wulo vbọ.

Aizaia 27:7 ပူးပေါင်းရင်းမြစ်များ

Aizaia 10:12

Sokpan, I gha ru emwi ne I ru vbe Oke Zaiọn kevbe Jerusalẹm nẹ, I gha rri ọgbaisi Asiria oya ye orhuọ hia ne ọ rhuọ kevbe uhiomwẹ ne ọ hio.

Aizaia 10:17

Osanobua ne uwanmwẹ Izrẹl gha khian erhẹn, Osanobua Nọhuanrẹn ọghe Izrẹl gha khian ogidi erhẹn ne ọ gha giẹn emwi hia a vbe ẹdẹ ọkpa, ya sẹ egbe ogigban kevbe ọkọsọ.

Aizaia 17:14

Iran si ohan rre vbe ẹghẹ ota, sokpan, ọ gha sẹ owiẹ, iran kpao nẹ. Erriọ ọ ra rruan iran hia ni fu emwi viọ vbe ẹvbo mwa.

Aizaia 17:3

Izrẹl ghi khian ne ẹ i ghi mwẹ ne ọ degue ẹre, e Damaskọs ghi do khian ne ọ ma ghi yan egbe ẹre. Avbe ivbi e Siria ni ghi miẹn uhunmwu vbọ ghi do gha re emwa ne a faraa zẹ vbene ivbi Izrẹl ye. Mẹ mwẹ ne Osa ne Udazi tae ne.”

Aizaia 30:31

Ivbi Asiria gha runran vbe iran a họn urhu e Nọyaẹnmwa, ighẹ obọ udamwẹ oya ne ọ rri emwa re sẹ iran egbe.

Aizaia 31:8

A gha fuẹn Asiria a vbe okuo, sokpan ẹ i re ẹtin ọmwa nagbọn ọ re ọ ra ru ẹe. Ivbi Asiria gha lẹkua vbe okuo, a ghi munọ avbe igbama iran oghunmwu.

Aizaia 31:9

Ọgbaisi iran gha ya ohan lẹ fua. Ohan gha vbe mu avbe ọkaokuo iran sẹrriọ wẹ iran gha lẹ sẹ afiala okuo iran rae ye okuo.” E Nọyaẹnmwa guan nẹ. E Nọyaẹnmwa ne a ga vbe Jerusalẹm kevbe ne erhẹn ne a ya zọ ese ne ẹẹn, baa vbe evba.

Jerimaia 50:40

Emwi ne ọ rruan e Sọdom kevbe Gomorra, ọ re ọ ra vbe rruan e Babilọn, ẹghẹ ne I na fuẹn iran kevbe ẹvbo ni lẹga iran an. Ọmwa i ghi ra dọlegbe yin evba nii ọvbehe. Mẹ ne Nọyaẹnmwa taa ẹe nẹ.

Jerimaia 51:24

E Nọyaẹnmwa khare wẹẹ, “Wa gha miẹn ọẹn vbe I a gha ha e Babilọn osa emwi dan ne iran ru vbe Jerusalẹm.

Nahum 1:14

Ẹmwẹ ne Nọyaẹnmwa ye ẹre iyi vbe ekpa Asiria ọ re ọna khin: “Iran i ra miẹn ivbi uniẹn iran ne ọ gha khuẹnniẹn eni iran khian, I gha guọghọ ehia ighe avbe amazẹ ni rre aro ẹbọ iran. I fian idin ye otọ khẹ ivbi Asiria nẹ. Ọ ma kei ne iran di agbọn ya.”

Nahum 3:19

Ẹwẹn ruẹn i mwẹ ukhunmwu, a i vbe sẹtin kpe ẹwẹn ruẹn ne ọ rrie. Emwa hia ni họẹn ighe a fuẹn ruẹn uan, gha kpe obọ ne oghọghọ, ọmwa ne uyinmwẹ ekhọe dan ruẹn ne ẹ i fo la ban rrọ ra?