Aizaia 27:13 - Edo Bible (E Baibol Ẹdo) Version 1996

¹³ Ọ gha sẹ ẹdẹ ne ẹdẹrriọ, a gha kpe okpe ne a ya tie ivbi Izrẹl hia ni rre iwe vbe Asiria kevbe Igipt gha die owa. Iran gha rre do ga e Nọyaẹnmwa vbe Jerusalẹm, vbe oke ẹre nọhuanrẹn.

Aizaia 27:13 ပူးပေါင်းရင်းမြစ်များ

II Ọba 17:6

ne ọ vbe re ukpo ogihinrin ne Hosia la ẹkete, ọba Asiria keghi khọn e Sameria muotọ, ọ keghi hẹ ivbi Izrẹl oghunmwu gha rrie Asiria, ọ keghi viọ eso gha rrie ẹvbo e Hala ne iran yin evba, eso kegha rre ọkpẹn Ẹzẹ Habọ vbe otọ e Gozan, eso kegha rre ẹvbo e Midia.

Psalm 47:5

Osanobua hin ẹkete ẹre gha khian. Uwemwẹ oghọghọ rrọ deba okpe ne a kpee vbe ẹghẹ ne Nọyaẹnmwa na gha hin khian.

Psalm 81:3

Wa kpe okpe ye emwiukpo nii, vbe uki a da hin kevbe uki a ko urro.

Psalm 89:15

Ọmakin iran ni so ihuan ya rho ruẹ iran ni rrọ vbe uwu uwanmwẹ itohan ruẹn.

Aizaia 11:11

Ọ gha sẹ ẹdẹ nẹdẹrriọ, e Nọyaẹnmwa gha dọlegbe lo ẹtin ẹnrẹn, ọ ghi viọ iran gha die owa ighẹ avbe emwa rẹn ni ghi dekẹe vbe Asiria kevbe Igipt, vbe otọe Patros, e Sudan, Ẹlam, e Babilọn kevbe Hamat, deba ni rre avbe eghute kevbe avbe otọe ne amẹ lẹga vbe okun.

Aizaia 11:12

E Nọyaẹnmwa gha tọn afiala ama mu ne ọ ya rhie ma avbe uhunmwu ẹvbo wẹẹ te irẹn ra dọlegbe si iran koko ighe avbe ivbi Izrẹl kevbe Juda, kevbe wẹ te irẹn viọ iran ke igienenẹ otọ agbọn dee.

Aizaia 11:16

Odẹ nọ vbẹe ọkpa gha la Asiria ladian ne avbe ivbi Izrẹl ni miẹn uhunmwu vbe evba, zẹẹ vbene ọ vbe gha rrọọ ne avbe erha iran odede vbe iran kpao vbe Igipt rre.

Aizaia 18:3

Wa danmwehọ, emwa hia ni rre otọ agbọn na! Wa gualọ afiala ama ya mu ba ye avbe uhunmwu oke, wa ghi danmwehọ okpe ne ọ tu.

Aizaia 19:21

E Nọyaẹnmwa gha rhie egbe ẹre ma ivbi Igipt, ẹghẹ nii, iran gha vbe miẹn irẹn kue, iran ghi vbe gha ga ẹe, iran ghi vbe gha viọ ese ne a zọ kevbe emwiokọ gie ẹe. Iran gha ye ẹkoata ve ẹre emwi, iran ghi vbe ru vbene iran ve.

Aizaia 19:22

E Nọyaẹnmwa gha rri ivbi Igipt oya, sokpan, ọ gha vbe mu iran egbe rran. Iran gha fiwerriẹ bu irẹn rre, rẹn ghi vbe mu iran egbe rran.

Aizaia 2:11

Ẹdẹ dee ne a gha dobọ itengbemu ọmwa nagbọn yi, a ghi vbe fuẹn uhiomwẹ ọmwa nagbọn uan. Ẹghẹ nii, a ghi do tọn e Nọyaẹnmwa mu.

Aizaia 2:2

Vbe ẹdẹ ne ọ dee, uhunmwu oke ne a gha bọ Ọgua Osa yi, ghi gha re uhunmwu oke ne ọ yo sẹẹ ehia ọ ghi gha ghe avbe oke hia uhunmwu. Agbọn ẹvbo nibun gha rre, iran ghi gha bi la rọ.

Aizaia 2:3

Emwa iran ghi vbe gha kha wẹẹ, “Wa gie ima hin oke e Nọyaẹnmwa gha rrie Ọgua Osa ọghe Osanobua Izrẹl ọ gha ma ima emwi ne ọ ho ne ima ru, ma gha lele odẹ ne ọ zẹ gha khian. Rhunmwuda, e Jerusalẹm ọ re Nọyaẹnmwa ke ma ọmwa emwi rre, e Zaiọn ọ re ọ ke gu emwa rẹn guan rre.”

Aizaia 25:6

Vbe emwamwa, vbe Oke Zaiọn, e Nọyaẹnmwa gha kpehe evbare nọkhua ne agbọn ẹvbo otọ agbọn hia, evbare nọkhua ọghe evbare ni maa sẹẹ ehia kevbe ayọn ni maa sẹe hia.

Aizaia 43:6

I gha tama odẹ okuọ ne ọ gie iran gha rrie kevbe odẹ ekẹn wẹ ne ọ ghẹ da iran yi. Wa gie emwa ke otọe urria gha dee kevbe ehe hia vbe otọ agbọn gha dee.

Aizaia 49:7

Osanobua nọhuanrẹn kevbe ọmiọnmwafan Izrẹl khama rẹn ighe ọmwa nii ne a kakabọ zan an ne avbe uhunmwu ẹvbo hia khuiwu ẹre, ne ọ vbe re ọguọmwadia iran ni khaemwisẹ wẹẹ, “Avbe ọba gha miẹn vbe a gha fan an yotọ, iran ghi kpa uhe ya yọghọ ne uẹn, avbe ivbi ọba debare gha vbe miẹn ọẹn, iran ghi ghughẹrre ẹsẹse ya yọghọ ne uẹn.” Ọ na gha sunu rhunmwuda, e Nọyaẹnmwa zẹẹ ọguọmwadia ẹre nẹ Osanobua nọhuanrẹn ọghe Izrẹl vbe mu eyan rẹn sẹ.

Aizaia 56:8

E Nọyaẹnmwa ne Udazi, ne ọ viọ Izrẹl ne emwa rẹn ke iwe gha dee, yan nẹ wẹ rẹn gha ye viọ emwa ọvbehe eso rre do deba iran.

Aizaia 66:18

I rẹn iro ekhọe iran kevbe uyinmwẹ iran. I dee do si avbe emwa uhunmwu ẹvbo hia koko. Iran gha si kokoo nẹ, iran gha miẹn emwi ne ẹtin mwẹ gha sẹtin ru,

Aizaia 66:23

Ẹghẹ emwiukpo Uki ọgbọn kevbe Ẹdẹ Ikẹtin hia, ọre ivbi edọmwadẹ uhunmwu ẹvbo gha do ya gha ga mwẹ vbe Jerusalẹm vbe emwana. Erriọ,” Nọyaẹnmwa khare.

Jerimaia 31:6

Ẹn, ẹghẹ dee, ne iran ni hodẹ gha na go ke uhunmwu oke Ifreim rre wẹẹ, ‘Wa gie ima bu e Nọyaẹnmwa ne Osanobua mwa gha rrie Zaiọn.’ ”

Jerimaia 43:7

Iran keghi fieghe uhunmwu ye ẹmwẹ e Nọyaẹnmwa, iran kegha rrie Igipt, iran na la uwu ẹre ya sẹ Tapanhes.

Jerimaia 44:28

“Sokpan, ibozẹghẹ vbe uwu uwa gha miẹn uhunmwu, wa ghi werriegbe ke Igipt gha die Juda. Iran ni miẹn uhunmwu nii ọ re ọ ghi ra rẹn ne ẹmwẹ ọnrẹn ghi sẹẹ vbọ, ọghomwẹ ra ọghe iran.

Ezikiẹl 20:34

I gha rhie ẹtin kevbe ohu mwẹ ma uwa, vbe i a ghi si uwa koko nẹ, I na vbe viọ uwa werriegbe ke avbe ẹvbo ne a zagha uwa lele gha dee.

Ezikiẹl 20:41

“I gha ghi viọ uwa ke avbe ẹvbo ne a zagha uwa kui gha dee nẹ, I na vbe do si uwa koko, I gha rhan obọ miẹn ese ne uwa gien rẹn, avbe uhunmwu ẹvbo gha vbe miẹn wẹ ọmwa nọhuanrẹn ọ re imẹ khin.

Ezikiẹl 39:25

E Nọyaẹnmwa ne Udazi khare wẹẹ, “Sokpan, banbanna nian, I gha tohan ivbi uniẹn e Jekọb ighe ivbi Izrẹl, I ghi gie agbọn dọlegbe maa iran, I gha da uyi eni mwẹ nọhuanrẹn yi.

Daniẹl 11:45

Ọ gha ya mu avbe owa ukpọn ọba ọghọe ne tẹgbẹẹ, ye ẹkpo okun kevbe oke nọkhua, ne a bọ Ọgua Osa yi sokpan, Ọ gha wu vbene ọmwa rhọkpa i ra na gha rre evba ne ọ gha yọre obọ.”

Hozia 11:11

Iran gha ke Igipt gha dee, zẹ vbene ahianmwẹ tin, kevbe ke Asiria gha dee zẹ vbe idu. I gha dọlegbe viọ iran gha die owa iran. Mẹ ne Nọyaẹnmwa taa ẹe nẹ.”

Hozia 8:13

Iran zọ ese ghe mwẹ, iran ghi vbe rri emiowo nene emwi izọ ese nii. Sokpan, ẹko iran i rhiẹnrhiẹn imẹ ne Nọyaẹnmwa, wanwanna nian, I gha ya orukhọ iran rre ne I vbe rri iran oya yọ. I gha viọ iran werriegbe gha rrie Igipt.

Hozia 9:3

Ivbi Izrẹl i ra vbe gha rre otọe e Nọyaẹnmwa, sokpan, te iran ra werriegbe gha rrie Igipt, iran ghi vbe ya gha rri evbare awua vbe Asiria.

Levitikọs 25:9

ọ gha ghi sẹ ikpẹdẹ ne ogigbe ọghe uki ne ogihinrin, ẹdẹ Erinmwian nọ, u ghi giẹ ọmwa ne ọ si orhu la ẹvbo hia.

Maika 7:14

Nọyaẹnmwa, gha re ne ọ su ohuan avbe emwa ruẹn, emwa ne u hannọ zẹ. A gha rhe miẹn wẹ iran ọkpa ọ ya yin fua vbe otọ ẹgbo, otọe ne ọ maa emwiokọ lẹga iran. Gie iran ya gha koko egbe iran vbe ehe ne oha ne aranmwẹ na rri evbare ne ọ mobọ maa nii, vbe Basian kevbe Giliad, zẹ vbene iran gha ru vbe ẹghẹ ne ọ kpee fua.

Zẹkaraia 14:16

Ẹghẹ nii, avbe emwa ni ghi miẹn uhunmwu vbe ẹvbo nii hia ni gu e Jerusalẹm khọn, ghi gha yo evba ukpukpo ne iran ya gha ga e Nọyaẹnmwa ne Oghodua zẹ vbe ọba kevbe ne iran ya ru emwiukpo Igbagọ.

Zẹkaraia 8:7

I gha fannọ emwa mwẹ ke ẹvbo ne a viọ iran gha rrie rre.

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Matiu 24:31

Okpe nọkhua ghi tu, rẹn ghi gie avbe odibosa ẹre ladian gha rrie igie enenẹ agbọn. Iran ghi ya si e na hannọ zẹ ọghọe koko ke okhiẹ agbọn ọkpa ya sẹ nọkpa.

Iyẹn ne ọ Maan Ọghe Luk 4:18

“Orhiọn Nọyaẹnmwa hin yan mwẹ. Ọ zẹ mwẹ nẹ ne I ya kpe orhu Iyẹn Ne ọ maa ma ivbiogue, ọ gie mwẹ ne I ya na iyẹn afanvbirri ma avbe oghunmwu, a dọlegbe bẹghe ne avbe arhuaro, ne afannọ iran na zẹ kpokpo ye otọ,

Ebe ne Pọl gbẹẹn gie emwa Rom 10:18

Sokpan ọta ne I mẹ nọ rẹn ọna khin: Iran ma gele họn nene ẹmwẹ ra? Ẹsẹse, iran wa họn, zẹ vbene ebe khare: “Urhu iran la otọ agbọn hia, ẹmwẹ iran sẹ ehe ne agbọn sẹe.”

I Tẹsalonaika 4:16

A gha họn urhu ne ọ gha datu, urhu ne ọ gha ta emwi ne a gha ru, urhu olotu avbe odibosa, urhu okpe ọghe Osanobua ẹghẹ nii, e Nọyaẹnmwa tobọ ẹre ghi tuorre ke ẹrinmwi gha dee. Iran ni ya Kristi yi vbe ẹghẹ ne iran na wulo, a ghi ka huẹn iran kpaegbe nẹ,

Hibru 12:22

Sokpan, uhunmwu Oke Zaiọn ọre uwa gha dee kevbe ẹvbo Osanobua, Jerusalẹm ne ọ rre ẹrinmwi, ke ẹe kevbe odibo Osa ẹre ne ẹgbenuri.

Arhie Maan 10:7

Sokpan, ẹkpo ne odibosa ne ogihinrọn gha na fian okpe ọghọe re, Osanobua gha mu emwamwa ẹkhokho ẹre sẹ, zẹẹ vbene ọ tama avbe akhasẹ ne eguọmwadia ẹre.”

Arhie Maan 8:2

I keghi dẹghe avbe odibosa ihinrọn ni mudia vbe odaro Osanobua, a keghi viọ okpe ihinrọn ne iran.

Arhie Maan 8:6

Ẹghẹ ni ọre avbe odibosa ni viọ okpe ihinrọn ni mwẹ ghi na mu egbe ne iran kpe ẹre.

Arhie Maan 9:14

Urhu nii keghi tama odibosa ne ogiehan ne ọ rhie okpe ni mwẹ obọ wẹẹ, “Rhan iran ighẹ avbe odibosa enẹ ne a munọ gba vbe Yufretes ne okpẹzẹ.”