Aizaia 27:12 - Edo Bible (E Baibol Ẹdo) Version 1996

¹² Vbe ẹdẹ ne ẹdẹrriọ, ke Yufretes kpao ya sẹ ehe ne otọe Igipt lae, e Nọyaẹnmwa gha hannọ emwa rẹn ladian ọkpọkpa, zẹ vbene a khan ọka hin ihunhun rre.

Aizaia 27:12 ပူးပေါင်းရင်းမြစ်များ

Gẹnẹsis 15:18

Ẹdẹ nẹdẹrriọ, Nọyaẹnmwa keghi gu Ebram ta ile wẹẹ, “I yanrẹn ighẹ I gha mu otọ na hia ne uniẹn ruẹn, ke ẹzẹ ne ọ rre ehe ne Igipt lae ya sẹ Yufretes ne okpẹzẹ.

I Ọba 8:65

Ẹghẹ nii, ọ re Solomọn kevbe ivbi Izrẹl hia, wa ke ada e Hamat vbe odẹ okuọ ya sẹ ehe ne otọe Igipt lae vbe odẹ ekẹn na ru emwiukpo Ibuagọ vbe odaro e Nọyaẹnmwa Osanobua la ikpẹdẹ ihinrọn vbe otọ vbe Ọgua Osa.

Nehimaia 1:9

Sokpan a deghẹ wa ghi vbe werriegbe bu mwẹ rre, wa na gha ru vbene I gie, I gha viọ uwa werriegbe gha rrie ehe ne I zẹe wẹ ne a na gha ga mwẹ, ọ gha khọn rẹn wẹ ehe ne agbọn na sẹe ọ re a zagha uwa kua gha rrie.’

Psalm 68:22

E Nọyaẹnmwa khare wẹẹ, “I gha viọ avbe eghian uwa dọlegbe ke Basian gha dee, I gha viọ iran werriegbe ke ototọ ẹzẹ okun gha dee.

Psalm 72:8

Otọ arriọba ẹre gha ke okun ọkpa sẹ ọvbehe ke Yufretes kpao yasẹ ehe ne agbọn sẹe.

Aizaia 17:6

Ibozẹghẹ ọ re ọ khian miẹn uhunmwu. Izrẹl gha do yevbe erhan oliv ne a kọlọ ọmọ rẹn fo, a na ghi sẹẹ eva ra eha rae ye ọre uhunmwu, ra ezaghazagha ne a sẹrae ye ọre abọ ni rre ototọ. Mẹ ne Nọyaẹnmwa ne Osanobua Izrẹl ọ re ọ tae.”

Aizaia 49:5

Te i he rre ẹko iyimwẹ vbe Nọyaẹnmwa zẹ mwẹ ọ ya mwẹ ru ọguọmwadia ẹre nẹ ọ gha viọ emwa rẹn werriegbe rre ne ọ gha viọ ivbi Izrẹl ni zagha kua rre. E Nọyaẹnmwa mu uyi yọmwẹ egbe, rẹn ọrọre ehe ne ẹtin mwẹ ke rre.

Aizaia 56:8

E Nọyaẹnmwa ne Udazi, ne ọ viọ Izrẹl ne emwa rẹn ke iwe gha dee, yan nẹ wẹ rẹn gha ye viọ emwa ọvbehe eso rre do deba iran.

Jerimaia 3:14

“Wa ne emwa ne ai gha ekhọe ẹre, wa werriegbe rre, ọghomwẹ ọ re uwa khin, I gha rhie ọkpọkpa vbe uwu uwa ke dọmwadẹ okpẹvbo ladian, kevbe eveva ke dọmwadẹ ẹwae rre, I ghi viọ uwa werriegbe gha die Oke Zaiọn.

Jerimaia 44:28

“Sokpan, ibozẹghẹ vbe uwu uwa gha miẹn uhunmwu, wa ghi werriegbe ke Igipt gha die Juda. Iran ni miẹn uhunmwu nii ọ re ọ ghi ra rẹn ne ẹmwẹ ọnrẹn ghi sẹẹ vbọ, ọghomwẹ ra ọghe iran.

Ezikiẹl 20:34

I gha rhie ẹtin kevbe ohu mwẹ ma uwa, vbe i a ghi si uwa koko nẹ, I na vbe viọ uwa werriegbe ke avbe ẹvbo ne a zagha uwa lele gha dee.

Ezikiẹl 20:41

“I gha ghi viọ uwa ke avbe ẹvbo ne a zagha uwa kui gha dee nẹ, I na vbe do si uwa koko, I gha rhan obọ miẹn ese ne uwa gien rẹn, avbe uhunmwu ẹvbo gha vbe miẹn wẹ ọmwa nọhuanrẹn ọ re imẹ khin.

Ezikiẹl 39:25

E Nọyaẹnmwa ne Udazi khare wẹẹ, “Sokpan, banbanna nian, I gha tohan ivbi uniẹn e Jekọb ighe ivbi Izrẹl, I ghi gie agbọn dọlegbe maa iran, I gha da uyi eni mwẹ nọhuanrẹn yi.

Ezikiẹl 47:19

“Ehe ne ọ lae vbe odẹ ekẹn keghi ke Tama laghe odẹ ekẹn ya sẹ ehe ne oha ye vbe uwu ato ne a tie ẹre Kedẹs Mẹriba, ọ keghi vbe laghe odẹ okuọ vbe orrie lele ọkpẹn Igipt ya sẹ Okun e Meditẹrrenian.

Emọs 9:9

“I gha yi iyi, a ghi bọnmwẹ ivbi Izrẹl vbene a bọnmwẹ ọka vbe ahẹn. I gha bọnmwẹ iran vbe uwu ẹbu uhunmwu ẹvbo ne a miẹn ehe na hẹ avbe ẹwobi ni rrọọ kua.

Zẹkaraia 8:7

I gha fannọ emwa mwẹ ke ẹvbo ne a viọ iran gha rrie rre.

Iyẹn ne ọ Maan Ọghe Luk 15:4

“Gie a kha ighe ọkpa vbe uwu uwa mwẹ ohuan iyisẹn, ọkpa vbọ na wii, de emwi ne ọ gha ru? Ọ ghi sẹ ọkpairrọvbiyisẹn ni dekẹe rae ye ehe ne iran na rria, ọ ghi ya gualọ ohuan ne ọ wiri ni rhinrin ọ te do miẹn ọẹn.

Iyẹn ne ọ Maan Ọghe Jọn 10:16

I ye vbe mwẹ avbe ohuan ọvbehe ne ẹ i re oghẹn na. I gha vbe viọ iran rre, iran gha họn urhu mwẹ, ẹghẹ nii, iran ghi do gha re oghẹn ohuan ọkpa, ọsuohuan ọkpa.

Iyẹn ne ọ Maan Ọghe Jọn 6:37

Emwa hia ne Erha mwẹ viọ mẹ gha bu mwẹ rre. Ọmwaikọmwa ne ọ bu mwẹ rre, mẹ i ra khuẹe werriegbe.

Jọsua 15:4

ọ na gha rrie Azmọn, ọ na wa lele ẹzẹ ne ọ rre ehe ne Igipt lae gha rrie Okun Meditẹrrenian. evba ọre ọ ghi sẹ. Ọnii keghi re ehe ne otọe Juda lae vbe odẹ ekẹn.