Aizaia 27:11 - Edo Bible (E Baibol Ẹdo) Version 1996

¹¹ Abọ avbe erhan luẹluẹe, ehia vbe bunnọ kua. Te ikhuo ghi ho iran ya koko. Rhunmwuda wẹ, avbe emwa ni ma rẹn otọ emwirhọkpa, Osanobua ne Ayi ne ọ yi iran i ra tohan iran, ra ne ọ vbe mwẹ ekhọe agiẹngiẹn ghe iran.

Aizaia 27:11 ပူးပေါင်းရင်းမြစ်များ

Psalm 106:40

Rhunmwuda ọnii Osanobua mu ohu ghe emwa irẹn, ẹmwẹ iran keghi khan irẹn.

Aizaia 1:3

Avbe ẹmila rẹn emwa ni yan iran, avbe ekẹtẹkẹtẹ vbe rẹn ehe ne nọyan iran na rhie evbare ne iran. Sokpan, Izrẹl ne emwa mwẹ ma rẹn sẹ vberriọ. Iran ma zẹdẹ rẹn otọe ẹre hiehiere.”

Aizaia 18:5

Ọ te do sẹ ẹghẹ ne a ya rhọ avbe ọmọ erhan ayọn si koko, vbe avbe obobo ẹre a ghi khuọnnọ kua nẹ ighe te ọmọ rẹn ghi vboo, avbe eghian gha fuẹn emwa e Sudan uan vbene ẹ i na vbe lọghọ iran urumwẹ zẹ vbene ẹ i lọghọ erọ vbe ọ gha giagia abọ hin azara rre.

Aizaia 43:1

Izrẹl, Osanobua ne ọ yi uwe khare wẹẹ, “Ghẹ mu ohan, I gha miẹn ruẹn fan. Mẹ ọ re ọ he uwẹ eni, ọghomwẹ ọre u khin.

Aizaia 43:7

Emwa mwẹ ọ re iran khin. Te I yii iran ne iran gha re ọghomwẹ.”

Aizaia 44:2

Mẹ ọrọre Nọyaẹnmwa ne ọ yii uwa, ke ne a ya biẹlẹ uwa gha dee, te I gha yi uwa obọ wa ghẹ fian afianma, eguọmwadia mwẹ ọ re uwa khin emwa mwẹ ne I hannọọn zẹ ne I ho ẹmwẹ ọnrẹn.

Aizaia 44:24

“Mẹ ọrọre Nọyaẹnmwa ne ọ ọmiọnmwafan ruẹn, mẹ ọ re ọ yii uwẹ. Mẹ ọrọre Nọyaẹnmwa ne ọ yii emwi hia. Mẹ ọkpa ọ re ọ tan iso zẹ vbe ukpọn ẹghẹ ne I na yii agbọn, ọmwa ne ọ ru iyobọ mẹ i rrọọ.

Aizaia 5:13

rhunmwuda ọnii, a gha viọ uwa gha rrie zẹvbe oghunmwu. Ohanmwẹ gha gbele avbe ọkaolotu uwa a, ovbamẹ ghi gbele emwa kẹkan.

Aizaia 9:17

Rhunmwuda ọnii, e Nọyaẹnmwa I ra gie ọkpa lẹfe vbe uwu avbe igbama ni rrọọ, ẹ i ra vbe tohan avbe ẹgbẹ kevbe emọ ne ẹ i mwẹ erha, rhunmwuda emwa dan ne emwa dan ọ re avbe emwa nii hia wa khin, ẹmwẹ ne iran ta hia, ọkhọ ọ re ehia khin. Ọ rhe ye vberriọ, ohu e Nọyaẹnmwa i he ye fo, te obọ ẹre gha ye niẹn ladian ne ọ rria ikhi.

Jerimaia 11:16

Vbe ẹghẹ ọkpa, I keghi tie iran erhan ohọ ne ọ vuọn ne ọ vuọn ne ebe kpọtọ kpọtọ kevbe ọmọ ne mose mose, sokpan I gha davan vbe avan nukhunmwu ne I ya mu erhẹn ye ebe ẹre, I ghi vbe guọghọ ẹre abọ kua.

Jerimaia 13:14

Iyekọnii, I ghi khuarha iran kugbe zẹ vbe uru, ke ibiẹka kevbe eniwanrẹn, itohan, ẹnina ra agiẹngiẹn ọmwa irrọ ne ọ gha da mwẹ obọ yi wẹ ne I ghẹ gbele iran an.”

Jerimaia 16:5

“Ghẹ la owa ne a na khiẹ. Ghẹ vbe khiẹ ọmwarhọkpa. I i ghi gie egbe rọkhọ emwa mwẹ ọvbehe ra ne I ye ho ẹmwẹ iran ra ne I fiangbe iran.

Jerimaia 4:22

E Nọyaẹnmwa khare wẹẹ, “Akpa ọ re avbe emwa mwẹ khin, iran ma rẹn mwẹ. Iran ye vbe emọ ni kọẹn iran imwẹ irẹnmwi hiehiere. Iguẹsẹ iran khin vbe emwi dan ne a ru emwi esi ne a ru i dunna ne iran.”

Jerimaia 8:7

Avbe olọkọmwọrhu rẹn ẹghẹ ne ọ kere ne iran ya werriegbe, avbe uhaiso kevbe ivbianumẹ rẹn ẹghẹ ne iran ya hẹ kpao, sokpan, wa ne emwa mwẹ, wa ma rẹn uhi ne I lele ya khaemwisẹ yan uwa.

Ezikiẹl 19:12

Sokpan avbe obọ ne ohu mu keghi sii ẹe vbọ, iran fi ẹe fi otọ. Ẹhoho odẹ ahọ keghi kaka ẹre ọmọ uan. Iran bunnọ ẹre abọ kua, ehia kaka a, a keghi gien ọnrẹn uan.

Ezikiẹl 20:47

Tama avbe ẹgbo ekẹn wẹ ne iran danmwehọ ẹmwẹ ne Nọyaẹnmwa ne Oghodua tama iran wẹ: Ghe! Iran hie erhẹn, ọ gha gien erhan hia ni rre uwu uwẹ, ke ne ọ re ọghe ọgbọn kevbe ne ọ wu nẹ. Emwi ne ọ gha sẹtin dọ ẹre yọ, ẹ i rrọọ. Ọ gha gien ke odẹ ekẹn ya sẹ odẹ okuọ. Emwa hia gha họn ẹmwẹ owowo erhẹn nii vbe egbe.

Ezikiẹl 9:10

Sokpan mẹ i ra tohan iran hiehiere. I gha ru iran vbene iran ru emwa ọvbehe.”

Hozia 4:14

Sevba, mẹ i ra rri iran oya ye emwi na, rhunmwuda, wa tobọ uwa vbe munọ avbe ebabotu aroẹbọ, wa vbe iran ọ re ọ gba zọ ese iran ni ga ẹbọ. Zẹ vbene a yae kpa itan wẹẹ, ‘Emwa nii i mwẹ ẹwaẹn, te iran ra fuan.’

Hozia 4:6

Ọghe avbe emwa mwẹ fo nẹ, rhunmwuda, iran ma tie mwẹ ọghe iran. Wa ne avbe ohẹn ma tie mwẹ ọghe uwa, wa keghi he iruẹmwi mwẹ yotọ, rhunmwuda ọnii, mẹ vbe he uwa, mẹ i ghi ra vbe tie ivbi uwa ohẹn mwẹ.

Matiu 13:15

Rhunmwuda ekhọe iran gbin nẹ, iran kan emwi khiẹ ehọ, iran mimi aro gbua. Ne iran ghẹ ya ye aro iran dẹghe, ne ọ ghẹ ya la iran ehọ, ne iran ghẹ ya rẹn otọ ẹre ne iran ghẹ ya fiwerriẹ ne imẹ do ya bọ iran erriọ Osanobua khare.’

Matiu 13:19

Iran ni kharha ye adesẹ odẹ ọrọre iran ni họn ẹmwẹ Arriọba, sokpan ọ ma la iran ekhọe. Esu keghi do sanmwẹ emwi ne a te kọ yọ rhie.

Matiu 3:10

A rhie ughanmwa yan dọmwadẹ erhan ẹzi nẹ, erhan ne ọ ma ghi mọ ọmọ esi, a gha tọn ẹn gbe otọ, a ghi giagia ẹe hẹku erhẹn.

Iyẹn ne ọ Maan Ọghe Jọn 15:6

Ọmwa ne ọ ma di uwu imẹ ya, a gha mu ẹn fi fua zẹ vbe abọ, ọ ghi vbe kaka, a gha si egbe abọ vberriọ koko, a ghi hẹ ku erhẹn, a ghi giẹn ọnrẹn uan.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

Ebe ne Pọl gbẹẹn gie emwa Rom 1:31

Iran ghi gha gbe alama oghẹ, iran i mu eyan iran sẹ, iran i tohan ọmwa rhọkpa.

Diuteronomi 4:6

Wa gha ya ẹmwata mu ehia sẹ, ọna gha rhie ẹwaẹn kevbe irẹnmwi uwa ma emwa ẹvbo ọvbehe. Iran gha họn avbe uhi na hia, iran gha kha wẹẹ, ‘Umiẹn vbe ẹwaẹn kevbe irẹnmwi emwa na kpọlọ hẹ!’

I Tẹsalonaika 2:16

Iran te ra da ima obọ yi wẹ ne ima ghẹ kpe orhu ẹre ma emwa ne ẹ i re Ju, ighẹ ẹmwẹ nii ne ọ gha rhie imiẹnfan gie iran. Evba ehia ghi na do yi uhunmwu ighẹ orukhọ ne iran ru ke ẹghẹ ni gha dee. Obọ izohu Osanobua he ghi do vba iran.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.