Aizaia 27:1 - Edo Bible (E Baibol Ẹdo) Version 1996

¹ Ọ gha sẹ ẹdẹ ne ẹdẹrriọ, ẹ Nọyaẹnmwa gha ya umozo ẹre ne ọ mwẹ ẹtin ke ne ọ gbe emwi ya rri e Leviatan oya, nene Ugbogiorinmwi ne ọ gbe a kinnọ khiẹn yo khiẹn rre nii, ọ ghi vbe gbe Ugbogiorinmwi ne ọ rre uwu ẹzẹ okun.

Aizaia 27:1 ပူးပေါင်းရင်းမြစ်များ

Job 26:13

Uhiọnrọnmwẹ ọnrẹn ọ re ọ ya iso huan, obọ ẹre ọ re ọ gbe ugbogiorinmwi ne ọ te ra lẹfua.

Job 3:8

Tama avbe oso ya amẹ unu ne ẹdẹ nẹdẹrriọ, iran ni mwẹ asẹ vbe uhunmwu avbe Ugbogiorinmwi amẹ.

Job 40:19

“Rẹn ọrọre ne ọ mu ohan sẹ vbe uwu emwi ne I yi hia. Ayi ne ọ yi ẹe ọkpa, ọre ọ gha sẹtin ma rẹn.

Job 41:1

“U gha sẹtin ya ẹghọe ne a ya gbe ehẹn mu e Leviatan ra? Ra ne u ya irri de ẹre aranmwẹ ginna otọ?

Psalm 104:26

Uhunmwu ẹnrẹn ọre avbe okọ na gua, uwu ẹre ọre eni amẹ na kuu, ugbogiorinmwi amẹ ne uwẹ yi.

Psalm 45:3

Rro umozo ruẹ mu ẹkun, ọba nọkhua, wẹ nẹ ọ vuọn ne osẹ kevbe uyi ọba.

Aizaia 26:21

E Nọyaẹnmwa tuorre ke ehe ne ọ ye vbe ẹrinmwi dee, ne ọ do rri emwa ni rre agbọn oya ye orukhọ ne iran ru. Izigha ni iran dee vbe ẹkhokho, a gha fannọ ehia ladian, otọe i ghi ra dọlegbe viọ emwa ne emwa gbele ua lẹre.

Aizaia 51:9

Rhiọrre Nọyaẹnmwa ne u yima obọ. Lo ẹtin ruẹn ne u ya miẹn ima fan, lo ẹre vbene u lo ẹre ẹkpo nẹdẹ. Wẹ ọ re ọ giagia Rehab ne Ugbogiorinmwi okun giẹghẹgiẹghẹ.

Aizaia 65:12

Vbene uwa hi hẹ nọ wẹ ne uwa wulo uwu ekpain ekpain, rhunmwuda, wa ma khuẹnniẹn vbe I tie uwa, wa ma danmwehọ vbe I guan. Wa na wẹ te uwa ra he uhunmwu yọmwẹ obọ ne uwa gha ru emwi dan.

Aizaia 65:25

Avbe akpakomiza kevbe ivbi ohuan gha gba gha rri evbare kugbe, avbe oduma ghi gha rri irunmwu zẹvbe ẹmila, avbe ẹyẹn i ra gha re emwi ikuaengbe ọvbehe. Emwi ọkpa ne ọre ọghe ọkhọ ra emwi dan, a i ghi ra miẹn ọẹn Vbe Zaiọn ne oke nọhuanrẹn mwẹ.”

Aizaia 66:16

Erhẹn kevbe umozo ẹre ọ ra ya rri avbe emwa nagbọn hia ne ọ miẹn abe vbe obọ ẹre oya, a gha gbele nibun uan.

Jerimaia 47:6

Wa gha tu wẹ ‘Umozo e Nọyaẹnmwa! Vbe u a ra lọkọ emwa kpee sẹhẹ vbe otọ yi? Werriegbe la uwu ako umozo ruẹ, gha rre evba ne u hẹwẹ.’

Jerimaia 51:13

Ẹvbo nii mwẹ ẹzẹ ni bun kevbe emwi ẹfe nibun, sokpan, ẹdẹ ọre gba nẹ. A fian irri uwa ẹre fua nẹ.

Jerimaia 51:34

Ọba e Babilọn giagia e Jerusalẹm, ọ na rrii ọe ọ ke tue ẹvbo nii kua fo zẹ vbe esago. Ọ keghi mi ẹn re, zẹ vbe ugbogiorinmwi ọ viọ avbe emwi ni yẹ ọre vbọ ọ na viọ ni dekẹe kua.

Ezikiẹl 29:3

Tama rẹn wẹ ẹmwẹ ne Nọyaẹnmwa ne Udazi tama ọba Igipt ọ re ọna khin wẹẹ: Oghian rẹn ọ re I khin, wẹ ne Ugbogiorinmwi agbaka ne ọ rre uwu ẹzẹ. U khare wẹ ọwuẹ ọ re Naẹl khin ighe wẹ ọ re ọ yii ẹe.

Emọs 9:3

Iran gha ya lẹre ye odukhunmwu Oke Kamẹl, te I gualọ iran mu. Iran gha lẹre mẹ vbe ototọ okun, I ghi tama Ugbogiorinmwi amẹ ne ọ fian iran re.

Arhie Maan 12:3

Ama ọvbehe keghi vbe rhie egbe maa vbe iso. Ugbogiorinmwi ne gẹdẹgbẹ ọkpa ne ọ baa kegha rre evba, ọ keghi mwẹ uhunmwu ihinrọn, igho igbe, ẹde ọkpọkpa kegha rre dọmwadẹ uhunmwu ẹnrẹn.

Arhie Maan 13:11

I keghi vbe bẹghe aranmwẹ oha ọvbehe vbe ọ ke uwu otọ ladian. Ọ kegha mwẹ igho eva zẹ vbe ọghe oteghe ohuan, ọ keghi guan zẹ vbe Ugbogiorinmwi.

Arhie Maan 13:4

Emwa hia kegha kpe ga Ugbogiorinmwi nii rhunmwuda ọ rhie asẹ ọre ne aranmwẹ oha nii nẹ. Iran keghi ye uhunmwu rhanmwẹ otọ ne aranmwẹ oha ni kha wẹẹ, “De ọmwa ne ọ ye vbe aranmwẹ oha nii? De ọmwa ne ọ gha sẹtin guẹe gbinna?”

Arhie Maan 16:13

Iyeke ọnii, I keghi dẹghe avbe orhiọn ni ma huan eha ni ye vbe ẹkirẹ, iran kegha ke uwu unu Ugbogiorinmwi ni ladian, kevbe unu aranmwẹ oha nii kevbe unu akhasẹ ohoghe ni.

Arhie Maan 17:1

Ọkpa vbe uwu avbe odibosa ihinrọn, ne egboghogbogho gha gue nii, keghi bu mwẹ gha dee do tama mwẹ wẹẹ, “Larre, ne I do rhie maa ruẹn vbene a ra ya rri ọre oya hẹ ighẹ ogiete ebabotu nii, ẹvbo nọkhua nii ne a bọ ye ọkpẹn avbe ẹzẹ ni bun.

Arhie Maan 17:15

Odibosa nii keghi vbe tama mwẹ wẹẹ, “Amẹ ne u miẹn ne ebabotu ni tota yan kegha re ẹbu kevbe agbọn ẹvbo kevbe ẹvbo ne a zẹ.

Arhie Maan 19:21

A keghi ya umozo gbele ivbiyokuo iran uan, nene umozo ne ọ ke unu ọmwa ne ọ hin ẹsin ladian, avbe ahianmwẹ keghi re vbe ikun iran vbene ẹtin iran sẹe.

Arhie Maan 2:16

Rhunmwuda ọnii, wa zẹ obọ vbe orukhọ ne uwa ru. a deghẹ ẹ i re vberriọ, I gha rherhe bu wa gha dee, ne I do ya umozo ne ọ ke uwu unu mwẹ ladian gu avbe emwa ni gbinna.

Arhie Maan 20:2

Ọ keghi gua Ugbogiorinmwi nii rhie, nene ẹyẹn nẹkporriọ ne a tie ẹre Esu ra Setan, ọ keghi mu ẹn gba la ukpo arriaisẹn.