Aizaia 26:8 - Edo Bible (E Baibol Ẹdo) Version 1996

⁸ ma lele vbene uwẹ ho, ma mwẹ idaehọ vbe uwu uwẹ, wẹ okpa ọrọre emwi ne ima ho.

Aizaia 26:8 ပူးပေါင်းရင်းမြစ်များ

II Samuẹl 23:5

Erriọ ọ re Osanobua ra fiangbe uniẹn mwẹ, rhunmwuda, ọ gu imẹ ta ile ẹdẹdẹmwẹdẹ nẹ, vbene ehia na la uro, ọ vbe deziẹn. Ọnii ọ re emwi ne I ho. Ọnii ọ re ọ khian gha re akhọnmiotọ mwẹ, ẹ i mwẹ Nọyaẹnmwa ma gie ẹe sẹ.

Psalm 106:3

Afiangbe ọrọre ọghe iran, ni mu iyi ẹre sẹ, iran ni ru emwi ne ọgbae vbe ẹghẹ hia.

Psalm 130:5

I wa rhie aro, ye odẹ diakhẹ iyobọ e Nọyaẹnmwa, ẹmwẹ ọnrẹn ọre imẹ vbe mu ẹtin yan.

Psalm 18:23

Rẹn rẹnrẹn wẹ abakuru i rrọ mẹ kevbe wẹ, I bi egbe hin abakuru rre.

Psalm 42:2

Ohanmwẹ amẹ ruẹn gbe mwẹ, Osanobua ne ọ rrọ de ẹghẹ ni I gha ya yo ne I do ga vbe odaro ruẹ?

Psalm 65:6

Ẹtin ruẹn ọ re u ya munọ avbe oke ye ihe iran, u keghi rhie iwegbe ruẹ nọkhua maa.

Psalm 73:25

Demwi ọvbehe ne I mwẹ vbe ẹrinmwi gberra uwẹ? Ugbẹn vbe I ghi mwẹ uwẹ nẹ, de emwi ọvbehe ne I ye ho vbe agbọn?

Psalm 84:2

Ghe vbene ọ khọn mwẹ hẹ ne I gha rre evba, Ọ khọn mwẹ ẹsẹse, ne I gha rre Ọgua Osa e Nọyaẹnmwa. Ekhọe mwẹ hia ọ re I ya so ihuan oghọghọ ghe Osanobua ne ọ rrọọ.

Ẹksọdọs 3:15

Osanobua keghi dọlegbe gu e Mosis guan, “Ọna ọrọre ẹmwẹ ne u gha tama ivbi Izrẹl, e Nọyaẹnmwa, Osanobua avbe erha uwa odede, Osanobua ọghe Ebraham, Osanobua Aizik kevbe Osanobua ọghe Jekọb ọre ọ gie mwẹ gie uwa. Ọnọna ọrọre eni mwẹ ẹdẹdẹmwẹdẹ, erriọ ọre avbe orre ni dee hia gha tie mwẹ.

Ihuan Ne Ọ Sọọ Ihuan Hia 5:8

Wa yan ma mwẹ wa ni ikhuo e Jerusalẹm wẹ wa gha miẹn enida mwẹ, wa gha tama rẹn wẹ, a rhie aro ye odẹ ya mwẹ rrie.

Aizaia 12:4

Ẹdẹ dee ne emwa gha na so ihuan vbenian, “Wa rhie ekpọnmwẹ ne Nọyaẹnmwa! Wa tu tie ẹre ne ọ do ye uwa obọ! Tama avbe uhunmwu ẹvbo hia iwinna ne ọ winna ẹn wa tama iran vbene ọ kpọlọ hẹ!

Aizaia 24:15

Iran ni rre odẹ ahọ gha rho ẹre. Avbe emwa ni yin lele ọkpẹn okun gha rho e Nọyaẹnmwa ne Osanobua Izrẹl.

Aizaia 25:1

E Nọyaẹnmwa, wẹ ọrọre Osanobua mwẹ I gha ya ọghọ ne uẹn, I gha rho eni ruẹn, u ru avbe emwi ọyunnuan nẹ a vbe emwamwa ne u ru ẹghẹ ni u wa hẹko mu ehia sẹ nẹ.

Aizaia 25:9

Ọna ghẹ ghi sunu, emwa hia ghi kha wẹẹ, “Rẹn ọrọre Osanobua mwa. Ma mu ẹtin mwa yan rẹn, ọ keghi vbe miẹn mwa fan. rẹn ọrọre Nọyaẹnmwa! Ma mu ẹtin mwa yan rẹn, banbanna nian, ma gha ghọghọ, ọyẹnmwẹ sẹ mwa, rhunmwuda ọ miẹn mwa fan.”

Aizaia 26:13

E Nọyaẹnmwa Osanobua mwa, emwa ọvbehe wa gha kha yan mwa, sokpan, wẹ okpa kẹkan ọrọre Nọyaẹnmwa.

Aizaia 30:18

Sevba e Nọyaẹnmwa ye mudia ne ọ tohan uwa. Ọ mu egbe ne ọ ya tohan uwa, rhunmwuda emwi ne ọ gbae ọ re irẹn ru vbe ẹghẹ hia. Ọmakin iran ni mu ẹtin yan e Nọyaẹnmwa.

Aizaia 33:2

E Nọyaẹnmwa, tohan mwa. Wẹ ọ re ima mu ẹtin yan. Gha degue mwa ẹdẹgbegbe, ne u vbe miẹn ima fan vbe ẹghẹ ibaro.

Aizaia 49:23

Avbe ọba ghi ye vbe erha nuẹn avbe oloi ghi yevbe iye uẹ iran gha ghughẹrre vbe odaro ruẹ ya ya ọghọ ne uẹn. Ẹghẹ nii wẹ gha rẹn wẹ mẹ ọrọre Nọyaẹnmwa, ọmwaikọmwa ne ọ rhie aro ye odẹ khẹ iyobọ mwẹ, ne ọ gha gbe ima rẹn i rrọọ.”

Aizaia 51:4

“Wa danmwehọ mwẹ wa ne emwa mwẹ wa danmwehọ vbene I khare mẹ ọ re ọ ma avbe uhunmwu ẹvbo emwi. Uhi mwẹ gha rhie uwanmwẹ gie iran.

Aizaia 56:1

E Nọyaẹnmwa tama emwa rẹn wẹẹ, “Wa gha ru emwi ẹmwata kevbe ne ọ gbae, rhunmwuda, ẹ i ghi rrei ban I do miẹn uwa fan.

Maika 4:5

Dọmwadẹ ẹvbo ọ re ọ gho, ọ ghi vbe họn ẹmwẹ ne ẹbọ ẹre, sokpan, ma gha ga, ma ghi vbe gha họn ẹmwẹ ne Nọyaẹnmwa ne Osanobua ima ẹdẹdẹmwẹdẹ.

Maika 7:7

Sokpan, mẹ gha rhie aro ye odẹ khẹ Nọyaẹnmwa. I gha ya iziengbe diakhẹ Osanobua, ọmwa ne ọ gha miẹn mwẹ fan. Osanobua mwẹ gha họn ọghomwẹ.

Malakai 4:4

Wa ye emwi ne Mosis ne ọguọmwadia mwẹ ma uwa ẹre rre. Avbe uhi kevbe ilele ne I viọ ne ẹẹn vbe Oke Sainai, ne ivbi Izrẹl hia gha ya ẹe ru emwi.

Nọmbas 36:13

Enena ọrọre emwamwa kevbe ilele ne Nọyaẹnmwa viọ ne Mosis viọ ne ivbi Izrẹl vbe avbe otọe ne ọ rriẹe ọghe Moab vbe a la Jẹriko fian Ẹzẹ Jọdan rra.

Iyẹn ne ọ Maan Ọghe Luk 1:6

Iran eva kegha yin ẹse vbe odaro Osanobua. Iran kegha ye iyi ke ilele Osanobua hia ru emwi.

Iwinna 1:4

Ugbẹn vbe iran ghi vbe si egbe koko, ọ tama iran wẹẹ, “Wa ghẹ kpa hin Jerusalẹm rre, sokpan, wa mudia khẹ ọhẹ ne erha mwẹ yan rẹn wẹ irẹn gha rhie rre, vbene I ka tama uwa.

Ebe ne Pọl gbẹẹn gie emwa Rom 8:25

Sokpan, deghẹ te ima rhie aro ye odẹ ba emwi ne a ma he bẹghe, ẹghẹ ni, a ghi heko ye i ziengbe gha diakhẹ ọre.

II Tẹsalonaika 3:5

Nọyaẹnmwa ne ọ lahọ ne ọ su ekhọe uwa lao uwa aho ẹmwẹ Osanobua kevbe izi egbe ne Kristi rhie ne ọmwa.