Aizaia 26:21 - Edo Bible (E Baibol Ẹdo) Version 1996

²¹ E Nọyaẹnmwa tuorre ke ehe ne ọ ye vbe ẹrinmwi dee, ne ọ do rri emwa ni rre agbọn oya ye orukhọ ne iran ru. Izigha ni iran dee vbe ẹkhokho, a gha fannọ ehia ladian, otọe i ghi ra dọlegbe viọ emwa ne emwa gbele ua lẹre.

Aizaia 26:21 ပူးပေါင်းရင်းမြစ်များ

Job 16:18

“Ẹ o, otọ agbọn, wa ghẹ gbe gue emwi ne a baku ru ghe mwẹ. Wa ghẹ giẹ a gbe eta rhu ibuohiẹn ẹmwata ne I tu tie.

Job 20:27

Ẹrinmwi vẹ ọre ua ighẹ orukhọ ọmwa na, agbọn keghi sẹ osẹe gbe ẹe.

Aizaia 10:3

Osanobua gha rria uwa ikhi nian, demwi ne uwa ra miẹn ru? Demwi ne uwa ra miẹn ru vbe ọ gha ke odẹ ne ọ rre tie ọfuan yan uwa uhunmwu? De ọmwa ne uwa gha lẹgbinna? De ehe ne uwa gha viọ avbe ẹfe uwa lẹre yi?

Aizaia 13:11

E Nọyaẹnmwa khare wẹẹ, “I gha fian ọfuan fi otọ agbọn, I ghi vbe rria avbe emwa dan hia ikhi ye orukhọ iran. I gha vbokho iran hia uhunmwu rri otọ ighe avbe iran ni tọn egbe mu. I gha rria iran ikhi ighe iran ni hio kevbe emwa dan.

Aizaia 18:4

E Nọyaẹnmwa tama mwẹ wẹẹ, “I gha hẹko gbaro ghe otọ ke ẹrinmwi rre zẹ vbene evbu ya si koko vbe asọn vbe ẹghẹ emwiorhọ nọ mwẹ ọghae kherhekherhe kevbe zẹ vbene ovẹn gbe ẹkun sotọ yunmwu vbe ẹghẹ ogiavan.

Aizaia 22:14

E Nọyaẹnmwa ne Oghodua ne Udazi keghi tobọ ẹre gun mwẹ guan, ọ wẹẹ, “Ti ra ya emwi dan na bọ iran, iran te ya wulo. Mẹ ne Udazi ne Nọyaẹnmwa ne Oghodua, ọ re ọ tae.”

Aizaia 29:6

e Nọyaẹnmwa ne Oghodua gha ya okpẹhoho ne ọ wegbe kevbe ighohiotọ miẹn uwa fan, ọ gha gie ẹhoho amẹ kevbe erhẹn ne ọ to khian,

Aizaia 65:6

“I mwamwa oya ne I gha rri iran re yotọ nẹ. Avbe gbẹn abe ne a bu gbe iran yotọ nẹ. Mẹ i ra fi aro ua vbe emwi ne iran ru, I gha ha ẹre werriegbe ne iran

Aizaia 65:7

ighẹ orukhọ iran kevbe orukhọ avbe erha iran odede. Iran giẹẹn eturari vbe uhunmwu oke ẹbọ, iran kevbe gha ya ukpe sakan mwẹ. Rhunmwuda ọnii, I gha rri iran oya zẹ vbene ọ khẹke orukhọ ne iran ru gberra.”

Aizaia 66:6

Wa danmwehọ o! Utumwẹ nọkhua ne ọ rre ore ẹvbo nii, owogho ne ọ rre uwu Ọgua Osa nii, utumwẹ ọghe eghian e Nọyaẹnmwa, ne Nọyaẹnmwa rri ẹre oya nọ!

Ezikiẹl 8:6

Osanobua keghi tama mwẹ wẹẹ, “Ovbi ọmwa, a deghẹ u miẹn emwi ne ọ sunu? Ghe emwi ni hu ọmwa ẹko ne ivbi Izrẹl ru vbe emwa na, iran wa dọlegbe khu mwẹ khian rrei vbe ehe nọhuanrẹn mwẹ. U gha ye miẹn emwi ni ru ọghe emwiekhue sẹ ọna.”

Iyẹn ne ọ Maan Ọghe Luk 11:40

Wa ne akpa! Ẹ i re Osanobua ne ọ yi iyeke ẹre ọ re ọ vbe yi uwu ẹre.

Iyẹn ne ọ Maan Ọghe Luk 11:50

Rhunmwuda ọnii, a gha rri orre na oya ye ẹmwẹ avbe akhasẹ ne a he gbele ua ke ne a bu agbọn tu agbọn gha dee.

Arhie Maan 16:6

Iran ọ gbe esagiẹn emwa Osanobua ye otọ, ke ẹe kevbe ọghe avbe akhasẹ, rhunmwuda ọnii nian, wẹ keghi mu esagiẹn ne iran gha wọn. Emwi ne ọ kei ne iran, ọre iran miẹn!”

Arhie Maan 18:24

A rri e Babilọn oya rhunmwuda, a miẹn esagiẹn avbe akhasẹ kevbe emwa Osanobua vbe ẹvbo nii, ẹn, ye ẹmwẹ esagiẹn emwa ne a gbele ua vbe otọ agbọn.