Aizaia 26:2 - Edo Bible (E Baibol Ẹdo) Version 1996

² Wa kie urho ẹvbo nii, ne uwa gie ẹvbo ẹmwata nii la owa, ẹvbo ne emwa rẹn ru emwi ne ọ kere.

Aizaia 26:2 ပူးပေါင်းရင်းမြစ်များ

Psalm 106:5

Gunmwẹ miẹn ọẹn vbe agbọn a maa emwa ruẹn, ne I vbe ghae vbe ọ yẹnmwẹ ruẹ, vbe ọyẹnmwẹ ne ọre ọghe emwa ruẹn.

Psalm 118:19

Wa kie urho Ọgua Osa ye otọ mẹ I gha la uwu ẹre ne I ya kpọnmwẹ e Nọyaẹnmwa.

Psalm 118:20

Onurho ọghe Nọyaẹnmwa ọ re ọ na khin avbe ẹmwata ọkpa ọ re a gie ẹe la rọ.

Psalm 24:7

Wa bilo urho nii ye otọ gbodoo wa kie avbe ẹkhu arre ni uan, Ọba nọkhua gha la owa.

Ẹksọdọs 19:6

Wa ghi gha re uhunmwu ẹvbo ọghe emwa nii ga mwẹ zẹ vbe ohẹn, emwa ne a ya fiohan ne imẹ okpa.”

Aizaia 45:25

Mẹ ne Nọyaẹnmwa, gha fannọ ivbi uniẹn e Jekọb werriegbe iran gha vbe rhie urhomwẹ mẹ.

Aizaia 54:14

Ẹmwata kevbe uhunmwu ẹmwẹ gha ya uwa wegbe. Wa gha fe vbe obọ ukpokpo kevbe ohan.

Aizaia 54:17

Sokpan, emwi igbinna ọkpa ne ọ gha sẹtin kuan ruẹn egbe i rrọọ; te u gha miẹn ẹmwẹ zẹ wanniẹn ọmwa ne ọ rhirhi ba ruẹ ifi ẹzọ. I gha gbinna ne eguọmwadia mwẹ. I ghi gie iran khọnmiotọ.” E Nọyaẹnmwa taa ẹe nẹ.

Aizaia 58:8

“Ẹghẹ nii, aro ne ọ maa mwẹ ghi gha wan mu uwa egbe zẹ vbe owẹn owiẹ, ẹwẹn uwa ghi vbe rherhe rrie. Mẹ gha gu uwa gha rrọọ ẹghẹ hia ne I miẹn uwa fan, aro mwẹ ghi degue uwa vbe igie-nenẹ.

Aizaia 60:11

A gha kie urho ruẹ yotọ asọn kevbe avan ne avbe ọba avbe uhunmwu ẹvbo. Sẹtin gha viọ ẹfe iran guẹ.

Aizaia 60:18

A i ghi họn ẹmwẹ ọkhọ vbọ ọvbehe, ọfuan i ghi ra dọlegbe rhia ẹvbo ruẹ ua I gha degue ruẹ I ghi vbe gbinna nuẹn zẹ vbe ekẹn ne a gbe lẹga ẹvbo. Wẹ gha rho mwẹ rhunmwuda, I miẹn ruẹn fan nẹ.

Aizaia 60:21

Emwa ruẹn hia gha ru emwi ne ọ kere iran gha vbe yan otọe nii ẹdẹdẹmwẹdẹ. Mẹ ọ re ọ kọ iran, mẹ ọ re ọ yi iran ne I ya rhie ukpọlọmwẹ mwẹ ma ehia.

Aizaia 61:3

ne I ya rhie ne iran ni khiẹ vbe Zaiọn oghọghọ kevbe ọyẹnmwẹ ye ihe akhiẹ. Ihuan urhomwẹ ye ihe akhiẹ. Iran gha yevbe avbe erhan, ne Nọyaẹnmwa tobọ ẹre kọ. Iran gha ru emwi ne ọ kere a gha vbe rho Osanobua ye iwinna ne ọ winna ẹn.

Aizaia 62:1

I gha guan ne I ya rhie igiọdu ne Jerusalẹm. Mẹ i ra hunwan a te do miẹn rẹn fan. Ne akhọnmiotọ ẹre vbe gha baa zẹ vbe ukpa vbe asọn.

Aizaia 62:10

Wa ne ivbi e Jerusalẹm, wa khian ladian adesẹ ore rre, ne uwa ya zẹ odẹ khẹ ivbi uwa ni werriegbe die owa. Wa zẹ odẹ ne ọ vbẹe, wa la okuta hia kua vbọ wa yi ama yọ, ne avbe uhunmwu ẹvbo miẹn ehe na rẹn.

Aizaia 62:2

Jerusalẹm, avbe uhunmwu ẹvbo, gha ye aro iran miẹn akhọnmiotọ ọwuẹ avbe ọba hia gha miẹn uyi ruẹ a gha he uwẹ eni ọgbọn eni ne Nọyaẹnmwa tobọ ẹre hee ruẹ re.

Zẹkaraia 8:20

E Nọyaẹnmwa ne Oghodua khare wẹẹ, “Ẹghẹ dee ne emwa nibun gha na ke ẹvbo nibun gha die Jerusalẹm.

Iwinna 2:47

Iran kegha rho Osanobua vbe uyi, agbọn hia keghi wa gha ta ẹmwẹ iran ne ọ maa. Nọyaẹnmwa kegha viọ avbe emwa ne a ra miẹn fan ba otu iran ẹdẹgbegbe.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

II Pita 3:13

Sokpan Osanobua ta ẹe nẹ wẹ agbọn ọgbọn kevbe ẹrinmwi ọgbọn gha rre, ehe ne ọ gha gua ẹmwata egbe ro, ena ọre ima mudia khẹ.

Ebe ne Jud gbẹẹn 1:3

Wa ne ọse mwẹ ni ghan, ẹghẹ ne I na wa gha hia ne I gbẹn ebe gie uwa, vbe ekpa imiẹnfan ne ọre ọghe ima hia, ọre ọ na wa do la mwẹ ekhọe ne I gbẹn ebe gie ua, ne I ya rhie igiẹdu ne uwa, ne uwa gha gbinna nẹẹn khian ighẹ iyayi ni ne Osanobua rhie ne emwa rẹn hia uhukpa nii.

Arhie Maan 21:24

Uwanmwẹ ọnrẹn ọre emwa ni rre agbọn gha ya bẹghe odẹ, ne iran la khian, avbe ọba agbọn ghi kun ẹfe iran gha die uwu ẹre.

Arhie Maan 5:9

Iran keghi so ihuan ọgbọn: “U sẹe ne ọ gha rhie ebe ne a kiri ni. Kevbe ne u giagia emwi ne a ya gbalọ ẹe rhunmwuda, a te gbe ua nẹ, u keghi ye uwu ruẹ dẹlẹ emwa ne agbọn gie Osanobua.