Aizaia 26:19 - Edo Bible (E Baibol Ẹdo) Version 1996

¹⁹ Iran ni wulo nẹ vbe emwa ima, gha dọlegbe gha rre agbọn! Ikun iran gha dọlegbe rhiọrre. Iran hia ni vbiẹ vbe uwu idin iran, gha kpaegbe so ihuan oghọghọ. Zẹ vbene evbu ni fi wainwain ye otọ agbọn rọkhọ, erriọ Nọyaẹnmwa gha huẹn iran ni wulo arria nẹ usin kpaegbe.

Aizaia 26:19 ပူးပေါင်းရင်းမြစ်များ

Job 14:8

A gha rhe miẹn ighẹ inian rẹn khian ọmaẹn ighẹ ut ukhunmwu ẹnrẹn wu ye uwu otọ.

Job 29:19

I keghi ye vbe erhan ne inian rẹn miẹn amẹ vbe ẹghẹ hia kevbe ne evbu tuo ye avbe abọ ẹre.

Psalm 110:3

Ẹdẹ ne u gha gu avbe eghian ruẹn gbinna, emwa ruẹn gha tobọ iran la igbinna, zẹ vbe evbu owiẹ vbirrivbirri avbe igbama ruẹn gha bu ruẹ gha die uhunmwu oke ne ọ huanrẹn ni.

Psalm 22:15

Ẹho mwẹ kae zẹvbe ikpekhae, aranmwẹ mwẹ, keghi sikan mu ighehe mwẹ. U sẹmwẹ rae zẹvbe orinmwi ye uwu ebubẹ.

Psalm 22:29

Emwa ni tọn egbe mu hia gha ya uhunmwu rhanmwẹ otọ ne ẹẹn. Emwa ne ọ sẹtin wu hia gha ya uhunmwu rhanmwẹ otọ ne ẹẹn.

Psalm 71:20

U si ọlọghọmwa kevbe usẹ yọmwẹ egbe, sokpan, u gha rhie ẹtin mwẹ dọlegbe mẹ, u gha mu mwẹ lẹ ne idin.

Psalm 88:11

A vbe ta ẹmwẹ iho ruẹ ne ẹ i beghe vbe idin ra? Ra ọghe aguobọmwa ruẹn vbe ihe ọfuan?

Aizaia 18:4

E Nọyaẹnmwa tama mwẹ wẹẹ, “I gha hẹko gbaro ghe otọ ke ẹrinmwi rre zẹ vbene evbu ya si koko vbe asọn vbe ẹghẹ emwiorhọ nọ mwẹ ọghae kherhekherhe kevbe zẹ vbene ovẹn gbe ẹkun sotọ yunmwu vbe ẹghẹ ogiavan.

Aizaia 25:8

E Nọyaẹnmwa ne Udazi gha fuẹn uwu ua ẹdẹdẹmwẹdẹ. Ọ gha khiẹn ameve hin aro emwa hia rre, ọ ghi mu efa ne ọ te rre egbe emwa rẹn vbe otọ agbọn hia hin iran egbe rre. E Nọyaẹnmwa tobọ ẹre ọ re ọ tae.

Aizaia 51:17

E Jerusalẹm, rhiọrre vbe ovbe! Huẹn egbe ruẹ ne u kpaegbe! U wọọn ukpu irrioya nẹ ne Nọyaẹnmwa mu nuẹn wọn vbe ohu mu irẹn u sii ẹe wọn kan otọ ukpu, u na ghi gha kpigogo.

Daniẹl 12:2

Nibun vbe uwu iran ni wulo nẹ, gha dọlegbe gha rre agbọn, eso gha wa gha rrọọ ẹdẹdẹmwẹdẹ, eso ghi gha re ne a faraa ẹdẹdẹmwẹdẹ.

Hozia 13:14

Mẹ i ra miẹn emwa na fan hin ẹvbo emwa ni wulo nẹ rre, ra ne I wọlọ iran ke urodẹ uwu ladian! Wa viọ egboghogbogho uwa rre, uwu, wa viọ ọfuan uwa rre, ẹvbo emwa ni wulo nẹ. I i ghi tohan emwa na ọvbehe.

Hozia 14:5

I gha ye vbe amẹ ne ọ rhọ ye otọe nọkae ne ivbi Izrẹl, iran gha vẹ gba ehe hia zẹ vbe obobo. Inian iran gha deziẹn vbe otọ zẹ vbe avbe erhan e Lebanọn.

Hozia 6:2

Vbe ọ te ya sẹ ikpẹdẹ eva ra eha, ọ ghi gua ima kpao, ma ghi ya gha rre ehe ne irẹn ye.

Zẹkaraia 8:12

Iran gha kọ emwiokọ iran vbe ọfumwegbe. Azara iran gha mọ alimo ayọn, otọe gha ma emwiokọ, amẹ gha vbe rhọ ẹsẹse. I gha rhie afiangbe na hia ne emwa ẹvbo mwẹ ni miẹn uhunmwu vbọ.

Matiu 27:52

Idin ni bun keghi we unuan, emwa Osanobua ni bun ni ka wulo yi keghi rhiọkpaegbe.

Matiu 27:58

Ọ bu Pailet gha khian, ọ keghi ya nọọn ikun Jesu. Pailet keghi yi iyi ne a mu ikinnegbe ẹre ne Josẹf.

Iwinna 24:15

Idaehọ ne iran mwẹ vbe ehe ne Osanobua ye ọre imẹ vbe mwẹ wẹ emwa hia, ọ re ọmwa esi nọ ra ọmwa dan, a gha huẹn iran kpaegbe vbe orinmwi.

I Kọrinti 15:20

Sokpan ẹmwata ne ọ rrọọ ọrọre wẹ, a huẹn Kristi kpao vbe idin nẹ, ne aro miẹn ehe na da ẹe wẹ, avbe emwa ni wulo, a gha huẹn iran kpaegbe.

Ẹfisọs 5:14

Rhunmwuda emwi ne a ghi rhie ladian ne aro gba nẹ, uwanmwẹ ghi nọ, ọnii ọ si ẹe ne a na tae wẹẹ, “Rhiọrre, olovbe. Rhiọrre vbe orinmwi, Kristi gha wan uwanmwẹ muẹn.”

Diuteronomi 32:2

Iruẹmwi mwẹ gha rhọ rre zẹ vbe ikpẹ amẹ, ẹmwẹ mwẹ gha rhọ yan ivbi erhan zẹ vbe amẹ, zẹ vbe amẹ ne ọ wẹwẹ yan irunmwu ne vbọkhọọ.

Diuteronomi 33:13

Ọ keghi kha vbe ẹwae Josẹf wẹẹ: “Te Nọyaẹnmwa gha rhie afiangbe amẹ ne otọe iran, kevbe amẹ ne ọ ke ototọ vbe uwu otọ rre.

Diuteronomi 33:28

Ẹre ivbi e Jekọb na gha rrọọ vbe ọfumwegbe ọ kevbe gbe ẹkun sẹ otọ vbe otọ ne ọka kevbe ayọn na kpọ ehe ne iso na gie evbu gha tue ye otọ.

Filipai 3:10

Emwi ne I ghi ho ọrọre ne I rẹn Kristi, ne I vbe miẹn ẹtin arhiọkpaegbe ẹre vbe egbe mwẹ, ne I ghae vbe uwu oya ne ọ re, ne I vbe do gha ye vbe irẹn vbe uwu ne ọ wu.

Filipai 3:21

Rẹn ghi fi egbe ne mitan mitan ne ọ sẹtin wu ọghomwa na werriẹ, ọ ghi yae khian vbene egbe uyi ọghe irẹn ye, vbe ekpa ẹtin nii ne irẹn ya sẹtin viọ emwi hia ye ototọ asẹ ọghọe.

I Samuẹl 2:6

E Nọyaẹnmwa ọ re ọ gbe, rẹn ọ vbe huẹn. Rẹn ọ re ọ gie emwa yo ẹvbo eni wulo nẹ. Ọ ghi vbe dọlegbe viọ iran gha dee.