Aizaia 26:18 - Edo Bible (E Baibol Ẹdo) Version 1996

¹⁸ Ma miẹn obalọ kevbe emwi ne ọ kan ọmwa egbe, sokpan ma ma biẹ emwirhọkpa. Ma ma sẹtin khọn okuo rhọkpa miẹn otọ ne ẹvbo mwa. Emwi okpa ne ima he fiangbe ua i rrọọ.

Aizaia 26:18 ပူးပေါင်းရင်းမြစ်များ

II Ọba 19:3

Uhunmwu ne ọ gie iran re gie Aizaia ọ re ọ na khin wẹẹ, “Ẹdẹ nẹrẹ na, ẹdẹ irrioya nọ, te a rri ima oya na, a vbe fa ima an. Ma ye vbe okhuo ne emwi ubiẹmwẹ ru ne ọ ma sẹtin biẹ.

Psalm 17:14

fanmwẹ ye otọ vbe obọ iran ne emwi agbọn na ne iran ho hia, sẹ ọre obọ. Ya usẹ ne u ghae ye otọ khẹ iran rri iran oya. Te ọ gha vbe sẹ avbe ivbi iran obọ vbọ ne a ye vbe sẹ eso rae khẹ eyẹ iran.

Aizaia 33:11

Emwamwa oya ọ re uwa mwamwa, emwi ne uwa vbe ru, okpa ne ọ mwẹ asa, i rrọọ. Te orhiọn mwẹ yevbe erhẹn ne ọ ra fuẹn uwa a.

Aizaia 37:3

Vbene ọ wẹ ne iran tama Aizaia ọ re ọna khin: “Ẹdẹ irrioya ọ re ẹdẹnẹrẹ na wa khin, a wa rri ima oya, a fa ima an. Ma ye vbe okhuo ne ọ te ra biẹ, sokpan orhiọn i rrọ ẹre re ne ọ gha ya biẹ ọe.

Aizaia 59:4

Wa gha yo iko, a i bu ohiẹn ne uwa. Ohoghe ọ re uwa mu ẹtin yan ighẹ uwa gha ya rri ase vbe ẹzọ uwa. Wa gha sii uma emwi dan ne uwa ra ru ẹrrẹe re nẹ, wa ghi gele ru ẹe.

Hozia 13:13

Ẹghẹ te wa gha rrọ ne Izrẹl gha na miẹn uhunmwu, sokpan ukọnmwẹ ma gie ẹe lo ẹre, ọ yevbe ọmọ ne a ra biẹ ne ọ wẹ rẹn ighi ke ẹko ladian.

Iyẹn ne ọ Maan Ọghe Jọn 7:7

Agbọn i sẹtin gha khuiwu uwa, sokpan mẹ ọre ọ khuiwu ẹre rhunmwuda ne I na tama rẹn wẹ iwinna rẹn ẹ i ma.

I Jọn 5:19

Ma rẹnrẹn wẹ ọghe Osanobua ma khin kevbe wẹ Ọmwa Dan ni ọre ọ kha yan agbọn na hia.

I Samuẹl 11:13

Sokpan, e Sọl keghi kha wẹẹ, “A i gbe ọmwa rhọkpa a ẹrẹna rhunmwuda ẹdẹnẹrẹ ọ re Nọyaẹnmwa miẹn Izrẹl fan.”

I Samuẹl 14:45

Sokpan avbe emwa nii keghi tama e Sọl wẹẹ, “Te uwẹ we ne a gbe Jonatan ne ọ gie Izrẹl miẹn akhọnmiotọ nọkhua na rua ra? Ẹdẹ! Ma ya eni e Nọyaẹnmwa ne ọ rrọọ yan wẹ eto ọkpa i ra vbọ fua vbe uhunmwu ẹnrẹn. Iyobọ Osanobua ọre ọ ya ru emwi ne ọ ru ẹrẹna.” Ọre a na miẹn wẹ emwa ni ma gia gbe Jonatan rua.