Aizaia 26:14 - Edo Bible (E Baibol Ẹdo) Version 1996

¹⁴ Banbanna nian, iran wulo nẹ, iran ighi dọlegbe di agbọn na ya ọvbehe, orhiọn iran i ra vbe rhiọrre, rhunmwuda, te uwẹ rrii iran oya u keghi fuẹn iran an. Ọmwa rhọkpa i ghi ye iran rre ọvbehe.

Aizaia 26:14 ပူးပေါင်းရင်းမြစ်များ

Job 18:17

Usi ẹre fo vbe owa kevbe isi, a ma miẹn ne ọ ghi ye ẹre rre ọvbehe.

Job 24:20

Uhin ighẹ iye ẹe ma ghi ye ẹre rre nian, ọkhọe rriọ rua, ọ kẹkẹ ua vbe erhan ne ọ de.

Job 7:9

Zẹ vbe amẹ ne ọ bi ne ọ hoho ua, ọmwa gha wu, ẹ i ghi dọlegbe dee. Iran ni rẹn ọnrẹn ghi mianmian ẹẹn.

Psalm 106:28

A ghi sẹ Peọ, emwa Osanobua keghi yegbe ba iran ni gho e Bal, iran keghi vbe re vbe emwi ne a ya zọ ese ghe amazẹ ne ẹ i mwẹ arrọọ.

Psalm 109:13

Te ivbi uniẹn ọnrẹn hia gha wulo, te eni ẹnrẹn gha gbe ẹro, hin ọghe orre ni dee rre.

Psalm 135:17

iran mwẹ ehọ sokpan iran i họn ẹmwẹ, iran i kue sẹtin hiọnrọn.

Psalm 36:12

Wa do ghe ehe ne emwa dan dele yi, iran rre otọe vbe vba, iran ma sẹtin kpaegbe.

Psalm 59:5

Kpaegbe Nọyaẹnmwa ne Oghodua ne u yọmwẹ obọ to bọọ gie aro ruẹe sẹ ọe Osanobua Izrẹl. Rhiọrre, ne u rri iran ni ma yayi oya ghẹ tohan emwa dan ni ya ọmwa ne a vbokho.

Psalm 9:6

Avbe eghian mwa gbẹro nẹ ẹdẹdẹmwẹdẹ. U fuẹn ẹvbo iran an nẹ, a mianmian iran nẹ fẹẹrẹ.

Ẹksọdọs 14:30

Vbe ẹdẹ ne ẹdẹrriọ, e Nọyaẹnmwa keghi miẹn ivbi Izrẹl fan vbe obọ ivbi Igipt. Ivbi Izrẹl keghi miẹn ikun iran vbe otọ lele ọkpẹn okun.

Itan 10:7

A gha ye ẹmwata rre zẹ vbe emwa ne a fiangbe, sokpan, banbanna a mianmian ọmwa dan nẹ.

Asan-Ibo 9:5

Erriọ nọ, emwa ni rre agbọn rẹnrẹn ighe iran gha wulo, sokpan, iran ni wulo nẹ ma rẹn emwi rhọkpa. Iran i ghi vbe mwẹ ere ọvbehe, a mianmian iran nẹ fẹẹrẹ.

Aizaia 10:3

Osanobua gha rria uwa ikhi nian, demwi ne uwa ra miẹn ru? Demwi ne uwa ra miẹn ru vbe ọ gha ke odẹ ne ọ rre tie ọfuan yan uwa uhunmwu? De ọmwa ne uwa gha lẹgbinna? De ehe ne uwa gha viọ avbe ẹfe uwa lẹre yi?

Aizaia 26:19

Iran ni wulo nẹ vbe emwa ima, gha dọlegbe gha rre agbọn! Ikun iran gha dọlegbe rhiọrre. Iran hia ni vbiẹ vbe uwu idin iran, gha kpaegbe so ihuan oghọghọ. Zẹ vbene evbu ni fi wainwain ye otọ agbọn rọkhọ, erriọ Nọyaẹnmwa gha huẹn iran ni wulo arria nẹ usin kpaegbe.

Aizaia 29:6

e Nọyaẹnmwa ne Oghodua gha ya okpẹhoho ne ọ wegbe kevbe ighohiotọ miẹn uwa fan, ọ gha gie ẹhoho amẹ kevbe erhẹn ne ọ to khian,

Aizaia 37:19

Ọ keghi giẹẹn avbe emwi ne iran gho ua emwi ne ọ ma sẹ ne a gho ọ re iran gha khin, amazẹ erhan kevbe okuta kẹkan ọ re iran gha khin, emwi ne emwa ya obọ ru.

Aizaia 8:19

Sokpan, emwa gha tama ruẹn ne u ya gualọ otọ emwi vbe obọ avbe ọbiro kevbe ọfiakpẹlẹ ni kpe ihue, kevbe ni vbe zuyọn. Iran gha kha wẹẹ, “A rẹnrẹn wẹ ọ kere ne emwa gha gualotọ emwi gie emwa ni rre agbọn vbe obọ avbe ẹrinmwi kevbe emwa ni wulo nẹ.”

Matiu 2:20

Ọ wẹẹ, “Kpaegbe, mu ọmọ ni kevbe iye ẹe ne uwa gha rrie otọe Izrẹl rhunmwuda iran ni te gualọ ọmọ ni ne iran gbe ẹe rua wulo nẹ.”

Diuteronomi 4:28

Wa ghi vbe gha ga ẹbọ ne a ye obọ emwa ne agbọn ma, ẹbọ ne a ya erhan kevbe okuta ma, ẹbọ nẹ ẹ sẹtin bẹghe ra ne ẹ họn ẹmwẹ, nẹ ẹ i sẹtin rri evbare ra ne ọ hẹn ẹwia.

Arhie Maan 20:5

Emwa ni wulo ni dekẹe ma vbe rhiọrre ukpo arriaisẹn ni te do gberra. Ọna ọrọre a huẹn orinmwi kpaegbe ne okaro.