Aizaia 26:10 - Edo Bible (E Baibol Ẹdo) Version 1996

¹⁰ A gha rhe miẹn wẹ u tohan emwa dan iran i ye ruẹ vbene a ru emwi ẹse he uhin vbe ẹvbo ẹmwata ne a ye vbe emwa na te iran ye ru emwi dan. Iran ma ho ne iran miẹn ukpọlọmwẹ ruẹn kue.

Aizaia 26:10 ပူးပေါင်းရင်းမြစ်များ

II Ọba 13:6

Sokpan, iran ma ye zobọ vbe orukhọ ne Jeroboam ne ọba viọ ivbi Izrẹl lao, iran keghi ye gha ru ẹe khian. Amazẹ ọghe Asiẹrra ne ẹbọ ne okhuo keghi ye gha rre Sameria.

Psalm 106:43

Ẹghẹ nibun, ọ re e Nọyaẹnmwa ya rhan emwa irẹn ye otọ, sokpan, iran na wẹ te iran ra gha sọtẹ ghe ẹre, iran na dọlegbe gha ziẹn la uwu orukhọ.

Psalm 143:10

Wẹ ọrọre Osanobua mwẹ, ma mwẹ ẹre ne I gha ru iho ruẹ. Gha ru mwẹ ẹse, ne u vbe gha dia mwẹ, la odẹ ne ẹbe i ye.

Psalm 69:27

Gbẹnnẹ orukhọ iran hia yotọ ghẹ gie iran mwẹ oghae vbe imiẹnfan ruẹn.

Ẹksọdọs 8:15

Ọba ghi miẹn wẹ emwi hia vbe maa nẹ, ọ na dọlegbe yin ehọ, ọ ma ghi vbe zẹ ye Mosis kevbe Errọn re zẹ vbene Nọyaẹnmwa kha re.

Ẹksọdọs 9:30

Sokpan mẹ rẹnrẹn wẹ ke uwẹ kevbe ekhaẹmwẹ ruẹn, ne ọ he muohan e Nọyaẹnmwa, ẹ i re rrọọ.”

Ẹksọdọs 9:34

Ugbẹn vbe ọba ghi miẹn wẹ amẹ ne ọ rhọ, kevbe avan ne ukhunmwu da obọ yi nẹ, ọ kevbe dọlegbe ru khọ, rẹn vbe ekhaẹmwẹ ọnrẹn keghi ye yin ehọ.

Itan 1:32

Emwa ne ẹ i mwẹ ẹwaẹn wulo rhunmwuda iran he ẹwaẹn yotọ. Ai tie emwi emwi ọghe iran ne akpa ọ re ọ ra fuẹn iran an.

Asan-Ibo 3:16

Deba ena hia, I keghi vbe miẹn uyimwẹ ika vbe ehe ne ọ te kei ne a ta ẹmwata kevbe emwi ne ọgbae gha ye.

Asan-Ibo 8:11

Vbọzẹ ne emwa na wa rherhe ru ọkhọ vberriọ yi? Rhunmwuda, a i rherhe rria ikhi ye ọkhọ sẹ.

Aizaia 1:21

Ẹvbo ne ọ te ka mwẹ uyinmwẹ ne ọ gbae yi, ọ re ọ ghi yin uyinmwẹ ohọhọ na, vbe ẹghẹ okpa emwa ẹmwata ọ re ọ wa gba re, sokpan, banbanna nian avbe izigha ọ re ọ ghi kẹe.

Aizaia 2:10

Iran gha lẹ khuakhua vbe uwu uvun okuta vbe avbe oke okuta, ra iran ghi tọnnọ uvun ye uwu otọ ne iran miẹn lao hin izohu Osanobua rre, kevbe uyi ẹre rre.

Aizaia 24:5

Avbe emwa ru awua ye agbọn vbekpa ne iran na rra uhi Osanobua, kevbe ne iran ma na mu ẹẹn sẹ ighe ile ne ọ gu iran taa, emwi ne a wẹ ne ọ gha re ọghe etẹbitẹ.

Aizaia 27:13

Ọ gha sẹ ẹdẹ ne ẹdẹrriọ, a gha kpe okpe ne a ya tie ivbi Izrẹl hia ni rre iwe vbe Asiria kevbe Igipt gha die owa. Iran gha rre do ga e Nọyaẹnmwa vbe Jerusalẹm, vbe oke ẹre nọhuanrẹn.

Aizaia 32:6

Ẹmwẹ ukọnmwẹ ọ re akpa guan, ọ ghi vbe gha zẹ iro emwi dan ne irẹn gha ru, emwi ne ọ ru kevbe ẹmwẹ ne ọ ta, ne a ya yagha e Nọyaẹnmwa ọ re ehia khin. Ẹ i rhie evbare ne ọmwa ne ohanmwẹ gbe ra ne ọ sa amẹ ne ọmwa ne ovbamẹ gbe wọn.

Aizaia 32:7

Ọmwa dan ọ re ọzuọ khin, emwi dan ọ re ọ vbe ru vbe ẹghẹ hia. Ọ ghi kun ẹẹn ne ọ ya ohoghe gbe ovbiogue hin oghẹn rre, kevbe ne ọ ghẹ vbe gie emwi ne ọ khẹ ke iran sẹ iran obọ.

Aizaia 5:12

Wa ghi viọ akpata, ẹrogbo kevbe okpe kevbe ayọn ye ehe ne uwa na gbe ẹbu rri evbare, sokpan wa ma rẹn otọe emwi ne Nọyaẹnmwa ru,

Jerimaia 2:7

I keghi viọ iran gha die otọ ne ọ maa emwiokọ. Ne iran do gha ya emwiokọ ni rrọ ru, deba emwi ni maa ni rrọọ hia. Sokpan, ne iran gha na te ru vberriọ, iran keghi mu otọe mwẹ rhia. Iran keghi ru ẹvbo ne I mu ne iran awua.

Jerimaia 31:23

E Nọyaẹnmwa ne Oghodua, ne Osanobua Izrẹl khare wẹẹ, “I gha dọlegbe viọ avbe emwa nii gha die otọ iran, iran gha ye do tae vbe otọ nii wẹẹ, “ ‘Te Nọyaẹnmwa gha fiangbe oke nọhuanrẹn ọghe Jerusalẹm ehe nọhuanrẹn ne irẹn dia.’

Hozia 11:7

Iran wa mu aro ye ẹmwẹ ne iran gha rhie aro lẹ mẹ. Iran gha viẹ ba ẹmwẹ urọnghọn ne ọ rre iran urhu, sokpan, iran i ra miẹn ọmwa ne ọ gha rhan ẹnrẹn hin iran urhu rre.

Hozia 13:6

Sokpan, wa ghi la otọe esi nii nẹ, ẹko keghi vuọn uwu, ọ keghi vbe sẹ uwa ọkẹn, wa keghi do gha hio, wa na mianmian mwẹ.

Hozia 9:3

Ivbi Izrẹl i ra vbe gha rre otọe e Nọyaẹnmwa, sokpan, te iran ra werriegbe gha rrie Igipt, iran ghi vbe ya gha rri evbare awua vbe Asiria.

Maika 2:10

Wa kpaegbe ne uwa kpao, egbe rọkhọmwẹ i ghi rre emwa ọvbehe. Orukhọ ne uwa ru zẹ emwa na ye ne a ra fuan nẹ.

Matiu 4:5

Iyeke ọnii, Esu keghi vbe rhie Jesu gha rrie ẹvbo Nọhuanrẹn ni, ọ keghi muẹn yan ehe ne ọ yo sẹ vbe Ọgua Osa.

Diuteronomi 32:15

“Emwa e Nọyaẹnmwa keghi fe, sokpan iran keghi sọtẹ, iran kegha kpolo, evbare na gbe iran ẹko ua. Iran he Osanobua ne ọ yi iran ye otọ, iran keghi he ọmiọnmwafan iran nọkhua ye otọ.

Arhie Maan 2:21

I rhie ẹghẹ nẹẹn ne ọ ya fiwerriẹ vbe orukhọ ne ọ ru, sokpan ọ ma ho ne ọ fiwerriẹ hin uyinmwẹ alama oghẹ ne ọ ye rre.

I Samuẹl 15:17

E Samuẹl keghi wanniẹn wẹẹ, “A gha rhe miẹn wẹ, wẹ ma ka egbe ruẹ ye emwi rhọkpa, wẹ ọrọre ọkaolotu ẹwae emwa Izrẹl. Nọyaẹnmwa ọ re ọ ya a ma ọba Izrẹl.