Aizaia 25:9 - Edo Bible (E Baibol Ẹdo) Version 1996

⁹ Ọna ghẹ ghi sunu, emwa hia ghi kha wẹẹ, “Rẹn ọrọre Osanobua mwa. Ma mu ẹtin mwa yan rẹn, ọ keghi vbe miẹn mwa fan. rẹn ọrọre Nọyaẹnmwa! Ma mu ẹtin mwa yan rẹn, banbanna nian, ma gha ghọghọ, ọyẹnmwẹ sẹ mwa, rhunmwuda ọ miẹn mwa fan.”

Aizaia 25:9 ပူးပေါင်းရင်းမြစ်များ

Gẹnẹsis 49:18

I diakhẹ ẹghẹ imiẹnfan ruẹn Osanobua.

Psalm 100:1

Wa so ihuan ghe Nọyaẹnmwa wa ne agbọn hia!

Psalm 20:5

Ẹghẹ nii, ma gha wẹ uwemwẹ oghọghọ ye akhọnmiotọ ọwuẹ ma ghi vbe rho Osanobua ya do ugie arunagban ruẹn. Te Nọyaẹnmwa gha viọ emwi ne u nọrẹn hia nuẹn.

Psalm 21:1

Ẹko ọba rhiẹnrhiẹn, Nọyaẹnmwa, rhunmwuda, wẹ rhie ẹtin ne ẹẹn. Rẹn sẹ ọyẹnmwẹ, rhunmwuda, wẹ rhie akhọnmiotọ ne ẹẹn.

Psalm 27:14

Mu ẹtin yan e Nọyaẹnmwa, gha mwẹ iyayi ghẹ gie ẹtin fo uẹ mu ẹtin yan e Nọyaẹnmwa.

Psalm 33:20

Ma mu ẹtin mwa yan e Nọyaẹnmwa, rẹn ọrọre ne ọ degue mwa, kevbe ne ọ yi ima obọ.

Psalm 33:21

Rhunmwuda irẹn ọ re ima na ghọghọ ma mu ẹtin yan eni ẹnrẹn ne ọ huanrẹn.

Psalm 40:17

Ovbiogue kevbe nọ ma wegbe ọ re imẹ khin Nọyaẹnmwa. Sokpan, wẹ ma he mianmian mwẹ. Wẹ ọrọre ọmiọnmwafan mwẹ kevbe Osanobua mwẹ zẹgiẹgiẹ do yọmwẹ obọ.

Psalm 9:14

ne imẹ miẹn ehe na mudia vbe odaro ivbi e Jerusalẹm. Ne I tama iran, emwi ne I rho ruẹ ba. I gha ghọghọ rhunmwuda, wẹ miẹn mwẹ fan nẹ.

Psalm 95:1

Wa larre, wa gie a rho Nọyaẹnmwa, wa gie a so ihuan oghọghọ ọghe Osanobua ne ọ degue mwa.

Aizaia 33:2

E Nọyaẹnmwa, tohan mwa. Wẹ ọ re ima mu ẹtin yan. Gha degue mwa ẹdẹgbegbe, ne u vbe miẹn ima fan vbe ẹghẹ ibaro.

Aizaia 33:22

Ugbalọmwẹ ne a gbalọ okọ nii, i mwẹ asa, ukpọn ne ẹhoho ya sua ẹre khian i gia tan. Ma gha viọ emwi ne avbe ivbiyokuo eghian mwa mwẹ, iran gha bun sẹ vberriọ wẹ uhin ghẹ te obọ avbe arọ gha vbe vba vbọ. E Nọyaẹnmwa tobọ ẹre ọ re ọ ra gha re ọba mwa. Rẹn ọ re ọ ra gha khaemwisẹ yan mwa, ọ ghi vbe gha degue mwa.

Aizaia 35:1

Ato gha ghọghọ, avbe obobo gha rhan vbe avbe otọe ne ọ dihoi rua nii.

Aizaia 35:10

Iran gha ya oghọghọ sẹ Jerusalẹm iran ghi gha so ihuan iran ghi gha wee ne oghọghọ iran ghi gha rre uwu ọyẹnmwẹ ẹdẹdẹmwẹdẹ iran fe vbe obọ irhiaẹko kevbe akhiẹ ẹdẹdẹmwẹdẹ.

Aizaia 35:2

Ato gha so ihuan, ọ ghi vbe gha wee ne oghọghọ; ọ ghi do gha mose zẹ vbe avbe Oke Lebanọn ọ ghi do gha ma emwiokọ zẹ vbe otọ e Kamẹl kevbe Siarọn. Agbọn hia gha miẹn ose e Nọyaẹnmwa iran gha miẹn ukpọlọmwẹ kevbe ẹtin ẹnrẹn.

Aizaia 35:4

Tama emwa hia ne egbe wọre wẹẹ, “Wegbe, ghẹ vbe gie ohan mu ẹẹn! Osanobua dee do miẹn ruẹn fan ọ dee do rri avbe eghian ruẹn oya.”

Aizaia 37:20

Banbanna nian, e Nọyaẹnmwa Osanobua mwa, miẹn mwa fan vbe obọ ivbi Asiria, ne uhunmwu ẹvbo ni rre otọ agbọn hia miẹn ehe na rẹn ighẹ wẹ okpa ọrọre Osanobua.”

Aizaia 40:9

E Jerusalẹm, hin oke ne ọ yo, ne u ya wewe iyẹn ne ọ maa nii! E Zaiọn, ya urhu ne ọ la datu, ta iyẹn ne ọ maa ni ladian, guan ladian, ghẹ gie ohan mu ẹẹn. Tama avbe ore nekhua ni rre Juda wẹ Osanobua iran dee.

Aizaia 41:16

Wa gha fi iran ghe ẹhoho ẹhoho ghi hoho iran gha rrie. Okpẹhoho ghi zagha iran an. Ẹghẹ nii, ẹko uwa gha rhiẹnrhiẹn rhunmwuda ighe mẹ ọrọre Osanobua uwa wa gha rho mwẹ vbe uyi, mẹ ne Osanobua nọhuanrẹn ọghe Izrẹl.

Aizaia 49:23

Avbe ọba ghi ye vbe erha nuẹn avbe oloi ghi yevbe iye uẹ iran gha ghughẹrre vbe odaro ruẹ ya ya ọghọ ne uẹn. Ẹghẹ nii wẹ gha rẹn wẹ mẹ ọrọre Nọyaẹnmwa, ọmwaikọmwa ne ọ rhie aro ye odẹ khẹ iyobọ mwẹ, ne ọ gha gbe ima rẹn i rrọọ.”

Aizaia 51:3

“I gha tohan e Jerusalẹm kevbe avbe iran hia ni ghi rre itowa ẹre. Ogha khọnrẹn ne otọ ẹre gha re ato I gha ya ẹe khian ugbo ebe uwọnmwẹ zẹ vbe ugbo emwiokọ ne I mu ye Idẹni. Ọyẹnmwẹ kevbe oghọghọ gha rre evba deba ihuan urhomwẹ kevbe ekpọnmwẹ ghe mwẹ.

Aizaia 52:10

E Nọyaẹnmwa gha lo ẹtin ẹnrẹn nọhuanrẹn ọ gha miẹn rẹn fan agbọn na hia gha vbe miẹn ọẹn.

Aizaia 60:16

Avbe uhunmwu ẹvbo kevbe avbe ọba, ọ re ọ ra gha gbe aro ghe ruẹ. Zẹ vbene iyọmọ koko ovbi ẹre. Wẹ gha rẹn wẹ mẹ ne Nọyaẹnmwa ọ re ọ miẹn ruẹn fan, wẹ Osanobua ne ọ mwẹ ẹtin ọghe Izrẹl ọ re ọ fan an fua.

Aizaia 61:10

Ẹko rhiẹnrhiẹn Jerusalẹm rhunmwuda iwinna ne Nọyaẹnmwa winna ẹn. Te ọ yevbe ọha ne a mu ẹre egbe irhiọha. Osanobua ya imiẹnfan kevbe akhọnmiotọ yo ẹre ẹwu.

Aizaia 64:4

A ma he miẹn egbe ọ re a ma he vbe họn ẹmwẹ Osanobua ne ọ yevbe ruẹ ne ọ winna egbe iwinna vberriọ ne iran ni ye egbe kọe.

Aizaia 65:18

Gha sẹ ọyẹnmwẹ ne u vbe gha ghọghọ ye emwi ne I yi ẹdẹdẹmwẹdẹ. E Jerusalẹm ọgbọn ne I ra yi, te ọ ra vuọn ne oghọghọ, emwa ni rrọọ hia ghi vbe gha sẹ ọyẹnmwẹ.

Aizaia 8:17

E Nọyaẹnmwa rhie egbe ẹre lẹre ne emwa rẹn nẹ, sokpan, mẹ mu ẹtin yan rẹn, I vbe mwẹ idaehọ vbe uwu irẹn.

Maika 7:7

Sokpan, mẹ gha rhie aro ye odẹ khẹ Nọyaẹnmwa. I gha ya iziengbe diakhẹ Osanobua, ọmwa ne ọ gha miẹn mwẹ fan. Osanobua mwẹ gha họn ọghomwẹ.

Habakọk 3:18

Te I gha ye gha sẹ ọyẹnmwẹ rhunmwuda Nọyaẹnmwa Osanobua, ọrọre ọmiọnmwafan mwẹ.

Zẹkaraia 10:7

Ivbi Izrẹl gha wegbe zẹ vbe ivbiyokuo. Ẹko, ghi gha rhiẹnrhiẹn iran zẹ vbe emwa ni wa gha da ayọn. Ivbi uniẹn iran gha ye akhọnmiotọ na rre, iran ghi gha ghọghọ rhunmwuda emwi ne Nọyaẹnmwa ru.

Zẹkaraia 9:9

Wa gha ghọghọ, wa gha ghọghọ ivbi e Zaiọn! Wa gha wee ne oghọghọ, wa ne ivbi e Jerusalẹm! Wa ghe ighẹ ọba uwa dee! Ọ dee vbe ọmwa ne ọ ru rho obọ, ọ vbe khọnmiotọ. Sokpan, ọmẹhẹ ne ọ hin ekẹtẹkẹtẹ ne kherhe, ne sọguọsọguọ rẹn khin.

Iyẹn ne ọ Maan Ọghe Luk 2:25

Vbe ẹghẹ na, okpia ọkpa ne a tie ẹre Simiọn keghi rre Jerusalẹm. Rẹn keghi re ọmwa esiesi ne ọ mu ohan Osanobua kevbe ne ọ vbe rhie aro ye odẹ gha khẹ ẹghẹ ne a gha ya miẹn Izrẹl fan, orhiọn Ne ọ huanrẹn keghi rrọọ yaba ẹre.

Filipai 3:1

Vbe ufomwẹ ehia, etẹn mwẹ, te Nọyaẹnmwa gha ye ọyẹnmwẹ nọ gbae sẹ uwa. Ẹ i ru mwẹ ẹsọn a deghẹ I vbe dọlegbe ta ẹmwẹ ne I ka ta yi, te a dọlegbe ya eẹ rhie uwa uhunmwu hin ẹbe rre.

Filipai 3:3

Rhunmwuda, mẹ nọ, ẹ i re iran ọ re a rhie arhuẹ ẹmwata na, rhunmwuda, Orhiọn ọre ima ya ga Osanobua, ma ghi vbe gha ghọghọ ye agbọn ne ima ye vbe uwu Kristi Jesu. Ma i mu ẹtin yan emwi iruemwi ọghe ore egbe.

Taitọs 2:13

Zẹ vbene ima mudia khẹ Ẹdẹ ne afiangbe nii, ne ima mwẹ idaehọ ẹre, ẹdẹ ne uyi ọghe Osanobua mwa nọkhua, kevbe Ọmiọnmwafan mwa Jesu Kristi, gha rhie egbe maa.

I Pita 1:6

Wa gie ọyẹnmwẹ ọ na gha sẹ uwa, a gha rhe miẹn wẹ ẹ i mwẹ wa ma gha mwẹ ẹkorriaramwẹ vbe ẹghẹ kherhe, rhunmwuda edanmwẹ ughughan ne u wa miẹn.

I Pita 1:8

Egbe ne uwa ma rhe ya miẹn ọre aro, wa ye ho ẹmwẹ ọnrẹn, egbe ne uwa ma he rhie ye miẹn ọẹn nian, wa ye ya ẹe yi, wa keghi ya ọyẹnmwẹ nọkhua, ọ ghe uyi ne ẹ i gia gie, sẹ ọyẹnmwẹ.

II Pita 3:12

vbe uwu ne uwa na mudia khẹ Ẹdẹ Osanobua, wa lo ẹtin uwa hia ne a miẹn wẹ ọ rherhe rre. Ẹdẹ ne a gha giẹn ọnrẹn uan ighẹ ẹrinmwi, ọ ghi gha re ne a fuẹn uan, owowo ghi ranran iran uan ighẹ avbe emwi ni wie yo wie rre vbe ideghedeghe aro iso.

Arhie Maan 1:7

Ghe, ọ dee ke irẹn kevbe ikpakpaiso, emwa hia gha miẹn ọẹn erriọ vbe nọ ne iran ni ye asoro so ẹe. Emwa ni rre otọe agbọn hia gha khiẹ rhunmwuda ẹre. Erriọ ọ gha ye, Isẹ.

Arhie Maan 22:20

Ọmwa ne ọ sẹ osẹe ye emwi na hia khare wẹ, “Erriọ wa nọ zẹẹ, I dee banbanna!” Erriọ ogha ye. Gha dee Nọyaẹnmwa Jesu!