Aizaia 25:6 - Edo Bible (E Baibol Ẹdo) Version 1996

⁶ Vbe emwamwa, vbe Oke Zaiọn, e Nọyaẹnmwa gha kpehe evbare nọkhua ne agbọn ẹvbo otọ agbọn hia, evbare nọkhua ọghe evbare ni maa sẹẹ ehia kevbe ayọn ni maa sẹe hia.

Aizaia 25:6 ပူးပေါင်းရင်းမြစ်များ

Psalm 36:8

Evbare ọrhẹnrhẹn ne u hẹ ma ọ re ima re; u kevbe gie ima vbe gha wọn vbe ẹzẹ iruemwiẹse ruẹ.

Psalm 63:5

Orhiọn mwẹ gha rri evbare ẹko ghi vbe vuọẹn I gha so ihuan urhomwẹ oghọghọ ghe ruẹ.

Psalm 78:68

Sokpan, ọ keghi zẹẹ ẹwae e Juda kevbe Oke Zaiọn ne ọ ho ẹmwẹ ọnrẹn ẹsẹse.

Ihuan Ne Ọ Sọọ Ihuan Hia 1:2

Akhuarhamwunu ruẹn mama isosunu rhu mwẹ, ahoẹmwọmwa ruẹn maa sẹ ayọn.

Ihuan Ne Ọ Sọọ Ihuan Hia 1:4

Rhie mwẹ ba egbe, ne ima lẹ kpao, gha re ọba mwẹ ne u rhie mwẹ la ughugha ruẹ. Ọyẹnmwẹ gha gba sẹ mwa, ma ghi da, a ghi gha maẹn rhan ruan vbe aho ẹmwẹ ọmwa. Ẹkhabe ne ikhuo hia na ho ẹmwẹ ruẹn.

Ihuan Ne Ọ Sọọ Ihuan Hia 5:1

I la uwu ogba nẹ, ikpẹ amiẹnmiẹn kevbe ọha mwẹ. I gha si avbe ọmọ erhan ni winhin kevbe oziya mwẹ koko I gha rri owọn kevbe ipapa owọn mwẹ I gha wọn ayọn kevbe ewẹn mwẹ. Wa gha re avbe enida, wa gha da rhinrin ayọn ahoẹmwọmwa ke do gha gbe uwa.

Aizaia 1:19

Adeghẹ u gha họn ẹmwẹ mẹ, u gha rri avbe emwi esi ne otọe ni rhie rre,

Aizaia 25:10

E Nọyaẹnmwa gha degue Oke Zaiọn sokpan, a gha ya owẹ rrilo ivbi e Moab ginna otọ zẹ vbene a ya owẹ rri irunmwu ye uwu ekẹn nekhui ne a ya kọ emwiokọ.

Aizaia 56:7

“I gha viọ uwa gha die Zaiọn, ne oke mwẹ nọhuanrẹn, I ghi rhie oghọghọ ne uwa vbe owa erhunmwu mwẹ, I ghi vbe rhan obọ miẹn ese ne uwa zọ vbe Ogiukpo mwẹ. A gha tie Ọgua Osa mwẹ owa erhunmwu ọghe emwa uhunmwu ẹvbo hia.”

Jerimaia 48:11

E Nọyaẹnmwa khare wẹẹ, “Te ẹkun wa sẹ e Moab otọ ẹdẹ, a ma he vbe viọ iran yo iwe ẹdẹ. Te Moab ye vbe ayọn ne a gie ẹe de hẹnhẹn vbe ne a ma na kpokpo ẹe, a ma vbe ruẹn ọnrẹn ke uru okpa ye ọvbehe. A ma he rhia uwinhinmwẹ ọnrẹn uan, Ọ ke wa ye rhiẹnrhiẹn vbene ọ ye ẹdẹ.

Daniẹl 7:14

A keghi rhie asẹ, uyi, kevbe ẹtin ọba nẹẹn, ne emwa uhunmwu ẹvbo hia, emwa, kevbe ẹvbo ne a zẹ, miẹn ehe na gha kpe gae. Asẹ ọre ghi gha rrọ rhinrin ẹdẹ, arriọba ẹre i vbe mwẹ ufomwẹ.

Zẹkaraia 8:3

I gha dọlegbe gha die Jerusalẹm ne ẹvbo mwẹ nọhuanrẹn ne I do yin ẹnrẹn. A gha rẹn ọnrẹn ye ẹvbo ne ọ mudia ẹse, a ghi vbe gha tie oke Nọyaẹnmwa ne Oghodua oke nọhuanrẹn.

Matiu 26:29

Ne I tama uwa, mẹ i ra dọlegbe da vbe ayọn na ọvbehe, ọ te sẹ ẹghẹ ne I gha ya guwa da ọghe ọgbọn ni vbe Arriọba Erha mwẹ.”

Matiu 8:11

Ne I tama uwa, emwa nibun gha ke ọlarre owẹn kevbe ọlarrie owẹn rre, iran ghi gu Ebraham, kevbe Aizik kevbe Jekọb tota rri evbare vbe Arriọba ẹrinmwi.

Iyẹn ne ọ Maan Ọghe Mak 16:15

Ọ tama iran wẹẹ, “wa gha rrie uwu agbọn hia ne uwa vbe ya kpe orhu iyẹn ne ọ maa ma emwa hia.

Iyẹn ne ọ Maan Ọghe Luk 22:30

Wa gha gun mwẹ re, wa ghi vbe gun mwẹ da vbe uhunmwu eteburu mwẹ vbe Arriọba mwẹ, wa gha vbe tota ye ẹkete gha bu ohiẹn ẹwae iweva ne ọ re Izrẹl.

Iyẹn ne ọ Maan Ọghe Luk 5:39

Ọmwa gha da ayọn ne ọ kpẹe vbe owa nẹ, ne ọ fian i ghi yẹ ọre. Ẹmwẹ nọ ghi ra ta ọrọre wẹ, ‘Nọkpẹe vbe owa ni ọre ọ maa sẹ.’ ”

Hibru 12:22

Sokpan, uhunmwu Oke Zaiọn ọre uwa gha dee kevbe ẹvbo Osanobua, Jerusalẹm ne ọ rre ẹrinmwi, ke ẹe kevbe odibo Osa ẹre ne ẹgbenuri.

Arhie Maan 19:9

Odibosa nii keghi tama mwẹ wẹ, “Gbẹn ọnọna ye otọ: I ma kan iran ne a tie re ne ọ gha die eghọ ọghe irhiọha Oteghe Ohuan nii.” Odibosa nii keghi vbe rhie te ẹe wẹẹ, “Ẹmwata nọ, ke unu Osanobua tobọ ẹre rre ọre ọ na khin.”