Aizaia 25:4 - Edo Bible (E Baibol Ẹdo) Version 1996

⁴ Ivbiogue kevbe iran ne ẹ i mwẹ iyobọ lẹẹ bu ruẹ rre iran kegha rrọ vbe a i mwẹ ẹbe vbe ẹghẹ ibaro. U rhie ehe ne iran lẹre yi vbe ẹghẹ okpẹhoho, kevbe irhu vbe ẹghẹ owowo ne ọ tọn. Emwa dan gbinna zẹ vbe ẹhoho okhuakhua

Aizaia 25:4 ပူးပေါင်းရင်းမြစ်များ

Psalm 107:41

Sokpan ọ yuo iran ne ẹ i mwẹ hin usẹ iran rre, ọ keghi ya ẹgbẹe iran gha muan yọ zẹ vbe oghẹn ohuan.

Psalm 119:31

Nọyaẹnmwa, igiodẹ ruẹ mẹ lele khian, ghẹ gi ekhue mu mwẹ.

Psalm 12:5

Sokpan, e Nọyaẹnmwa khare wẹẹ, “Eban nian, mẹ dee, rhunmwuda, a zẹ iran ne ẹi mwẹ kpokpo. Iran ne a zẹ kpokpo gha viẹ eve obalọ. I gha do ru ẹe ne ẹkun sẹ iran otọ, ne egbe rọkhọ iran zẹ vbe ne iran ho.”

Psalm 121:5

Nọyaẹnmwa gha gbe aro ghe ruẹ, ọ mudia ke uẹ ne ọ degue ruẹ.

Psalm 35:10

Me gha ye ekhọekekhọe mwẹ tama Nọyaẹnmwa wẹẹ, “Ọmwa ne a ya gie ruẹ i rrọ, wẹ ne ọ fan nọ ma wegbe yotọ vbe obọ ọmwa ẹtin kevbe ovbiogue vbe obọ ne ọ zẹ ọe kpokpo.”

Psalm 55:8

Te I gha zẹgiẹgiẹ kpao, ne I ya gualọ ehe ne a lẹre yi ne egbe mwẹ hin ogbigbi ẹhoho kevbe ẹhoho amẹ.

Psalm 72:13

Ọ tohan iran ni ma wegbe kevbe ivbiogue, ọ ghi vbe gie iran ni vbabọ miẹn uhunmwu.

Psalm 72:4

Te ọba gha sẹtin gha bu ohiẹn ẹse ne avbe ivbiogue. Te ọ gha ru iyobọ ne ne ẹ i mwẹ ne obọ ẹre vbe gba avbe eghian iran.

Psalm 9:10

Nọyaẹnmwa, iran ni rẹn ruẹn gha mu ẹtin yan ruẹn. Wẹ i fi iyeke gbe ọmwaikọmwa, ne ọ lẹ bu ruẹ rre.

Psalm 91:1

Ọmwaikọmwa ne ọ lẹ gbinna Nọyaẹnmwa, ọmwaikọmwa ne ọ mudia ye ototọ ugue ọghe Oghodua,

Aizaia 11:4

ọ gha bu ohiẹn ẹmwata ne ivbiogue ọ ghi mu ẹzọ iran ne ẹ i mwẹ gui ọ ghi yi iyi wẹ ne a rri avbe emwa nii oya, avbe emwa dan gha vbe wulo.

Aizaia 14:32

Vbe ima ra ya wanniẹn ọre ẹmwẹ hẹ yi ighe ọmwa ne iran gie ẹre uhunmwu ke Filistia gie ima? Ma gha tama rẹn wẹ e Nọyaẹnmwa gbe Zaiọn ẹkun sotọ nẹ kevbe wẹ emwa rẹn ni sẹ usẹ gha di evba ya vbe a i mwẹ ebe.

Aizaia 16:3

Iran tama emwa e Juda wẹẹ, “Tama ima emwi ne ima gha ru. Degue ima zẹvbe erhan ne ọ gbe irhu vbe ogiavan, ne u gie ima lẹre ye irhu ruẹ. Emwa ni lẹẹ hin owa rre ma khin, viọ ima lẹre ye ehe ne ọmwarhọkpa i ra na miẹn ima.

Aizaia 17:10

Izrẹl, wa mianmian Osanobua ne ọmwa ne ọ fannọ uwa kua, ọ na degue uwa zẹ vbe okuta nọkhua. Wa keghi ya gha fian erhan gbọọ, ne uwa miẹn ehe na gha ga ẹbọ ẹrrẹe vbe evba.

Aizaia 27:5

Sokpan, adeghẹ eghian emwa mwẹ ho ne a degue iran, wẹ ne iran do gun mwẹ dọlọ kugbe. Ẹn, wẹ ne iran do gun mwẹ dọlọ kugbe.”

Aizaia 28:6

Ọ gha ma iran emwi ne a ya ohiẹn ẹmwata kha ighẹ avbe iran ni bu ohiẹn, kevbe udinmwẹ ne iran ni waan ga onurho ẹvbo ne a ghẹ mu igbinna la uwu ẹre.

Aizaia 29:19

Avbe ivbiogue kevbe avbe emwa ni mu egberriotọ gha vbe dọlegbe miẹn ọyẹnmwẹ ne Nọyaẹnmwa ne ọmwa nọhuanrẹn Izrẹl rhie ne ọmwa.

Aizaia 29:20

Evba nii i ọ re ọ khian gha re ufomwẹ iran ni wọ emwa ọvbehe uhunmwu, ni vbe zan Osanobua. A gha fuẹn dọmwadẹ ọmworukhọ ua.

Aizaia 29:5

E Jerusalẹm, avbe ọrriọvbe ni gu ẹ gbinna hia, a gha kpolo iran gha rrie zẹvbe ebubẹ, avbe ivbiyokuo iran ni gbe orrirri gha lẹkua zẹvbe ebe ne ọ kakae. Vbe udomwurri kevbe a ma ro, a ma kọ

Aizaia 32:2

Dọmwadẹ ọghọe vbe uwu iran ghi yevbe ehe ne a lẹre yi vbe ẹhoho a gha hoho, kevbe ehe ne a lẹ fi vbe ẹghẹ okpẹhoho. Iran gha yevbe ẹzẹ ni lẹ vbe uwu ato, zẹ vbe aghọnghọn okuta nọkhua vbe otọe ne o dihoi rua.

Aizaia 33:16

Ẹghẹ nii, wa gha rrọọ vbe ai mwẹ ẹbe, ẹkun ghi vbe sẹ uwa otọ vbene a miẹn wẹ, uwu owa ọkhẹ ne Ọ wegbe ọ re uwa ye. Wa gha miẹn evbare gha re, wa ghi vbe miẹn amẹ gha wọn.

Aizaia 33:2

E Nọyaẹnmwa, tohan mwa. Wẹ ọ re ima mu ẹtin yan. Gha degue mwa ẹdẹgbegbe, ne u vbe miẹn ima fan vbe ẹghẹ ibaro.

Aizaia 37:36

Odibosa e Nọyaẹnmwa keghi la agọ ivbi Asiria, ọ keghi gbele ivbiyokuo arriaisẹn isẹn yan iyi ihinrin (185,000). Ẹdẹ ghi gbe vbe owiẹ ne ọ lelẹe, ehia keghi wulo lele otọe bẹẹrẹ!

Aizaia 49:25

E Nọyaẹnmwa keghi wanniẹn wẹẹ, “Emwi ne ọ ra sunu zẹẹ ọ re ọnii khin. A gha viọ avbe oleghan avbe ivbiyokuo kpao a gha vbe gbe ọmwa ọkhọ miẹn ẹre emwi ne ọ fu viọ I gha gu ọmwa ne ọ a rhirhi guẹ gbinna gbinna, I gha miẹn avbe ivbuẹ fan.

Aizaia 57:13

Wa gha nọ iyobọ, wa gie avbe amazẹ uwa ni ye uwa obọ. Ovbi ẹhoho kherhe ọ re ọ ra hoho iran gha rrie. Sokpan iran ni mu ẹtin yan mwẹ gha di otọe ni ya, iran ghi vbe gha ga mwẹ vbe uwu ọgua Osa mwẹ.”

Aizaia 66:2

Mẹ ọ re ọ tobọmwẹ yi agbọn na hia. Ẹko avbe emwa ni mu egbe rriotọ ke ni roiro fiwerriẹ wa ma mwẹ iran ni mu ohan mwẹ, ni vbe họn ẹmwẹ mẹ.

Aizaia 8:14

Rhunmwuda uhuanmwẹ ugborrirri mwẹ, te imẹ ghi ye vbe okuta ne emwa na rrua owẹ. Te I ye vbe ifi ne ọ ra munọ emwa arriọba e Juda kevbe Izrẹl, kevbe emwa ni rre Jerusalẹm.

Jerimaia 16:19

E Nọyaẹnmwa, wẹ ọrọre ọmwa ne ọ degue mwẹ kevbe ne ọ rhie ẹtin mẹ wẹ ọ re ọ yọmwẹ obọ vbe ọghe ibaro. Avbe uhunmwu ẹvbo gha ke ufomwẹ agbọn bu ruẹ rre do kha wẹẹ, “Avbe erha ima odede i mwẹ emwi rhọkpa gberra ẹbọ ohoghe, emwirhọkpa i rrọọ gberra amazẹ ne ẹ i mwẹ asa.

Ezikiẹl 38:9

Ke irẹn kevbe ivbiyokuo ẹre deba avbe uhunmwu ẹvbo nibun ni gue ẹe gha mu okuo yo zẹ vbe okpẹhoho, iran ghi vbe gue otọe ni muotọ zẹ vbe ubimwẹ amẹ.”

Zẹfanaia 3:12

I gha sẹ avbe ọmẹhẹ ni mu egberriotọ rae ye evba, iran na ọ re ọ gha do gha nọ iyobọ vbe obọ mwẹ.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.