Aizaia 25:3 - Edo Bible (E Baibol Ẹdo) Version 1996

³ Ivbi ẹvbo ni mwẹ ẹtin gha rho ruẹ a gha mu ohan ruẹn vbe ore avbe uhunmwu ẹvbo dan.

Aizaia 25:3 ပူးပေါင်းရင်းမြစ်များ

Psalm 66:3

Wa tama Osanobua wẹẹ, “A miẹn vbe emwi ne u ru hia re ọyunnuan hẹ! Ẹtin ruẹn kpọlọ sẹ vberriọ wẹ te avbe eghian ruẹn hia ye ohan defi igue vbe odaro ruẹ.

Aizaia 13:11

E Nọyaẹnmwa khare wẹẹ, “I gha fian ọfuan fi otọ agbọn, I ghi vbe rria avbe emwa dan hia ikhi ye orukhọ iran. I gha vbokho iran hia uhunmwu rri otọ ighe avbe iran ni tọn egbe mu. I gha rria iran ikhi ighe iran ni hio kevbe emwa dan.

Aizaia 24:15

Iran ni rre odẹ ahọ gha rho ẹre. Avbe emwa ni yin lele ọkpẹn okun gha rho e Nọyaẹnmwa ne Osanobua Izrẹl.

Aizaia 29:5

E Jerusalẹm, avbe ọrriọvbe ni gu ẹ gbinna hia, a gha kpolo iran gha rrie zẹvbe ebubẹ, avbe ivbiyokuo iran ni gbe orrirri gha lẹkua zẹvbe ebe ne ọ kakae. Vbe udomwurri kevbe a ma ro, a ma kọ

Ezikiẹl 38:23

Vbe odẹ vbenian, I gha rhie ma avbe uhunmwu ẹvbo wẹ ọmwa ne ọ kpọlọ kevbe nọhuanrẹn ọ re imẹ khin. Ẹghẹ nii iran gha rẹn ighe mẹ ọrọre Nọyaẹnmwa.”

Maika 7:17

Iran gha wunnu la uzekhae vbe ẹyẹn. Iran gha ke owa ọkhẹ iran rre vbe uguọmwẹ kevbe ohan. Iran gha ya ohan bu e Nọyaẹnmwa Osanobua mwa rre.

Zẹkaraia 14:16

Ẹghẹ nii, avbe emwa ni ghi miẹn uhunmwu vbe ẹvbo nii hia ni gu e Jerusalẹm khọn, ghi gha yo evba ukpukpo ne iran ya gha ga e Nọyaẹnmwa ne Oghodua zẹ vbe ọba kevbe ne iran ya ru emwiukpo Igbagọ.

Zẹkaraia 14:9

Ẹghẹ nii e Nọyaẹnmwa ghi gha re ọba yan otọ agbọn hia, emwa hia gha ga ẹe zẹ vbe Osanobua, iran ghi vbe gha ya eni ọkpa tie ẹre.

Arhie Maan 11:13

Vbe ẹghẹ ọkpa nii zẹẹ, igbohiotọ ọhanabe ọkpa keghi sunu, obọ ọkpa vbe a wa ẹvbo nii ye ihe igbe keghi wa rẹnkhẹn uan, emwa ni wu ye nene igbohiotọ na, kegha re arriaisẹn ihinrọn (7,000.) Ohan keghi kakabọ mu emwa ni dekẹe, iran keghi tian ukpọlọmwẹ Osanobua ọghe ẹrinmwi.