Aizaia 25:2 - Edo Bible (E Baibol Ẹdo) Version 1996

² U ya avbe okpẹvbo khian itowa nẹ u keghi rẹnkhẹn ogba ikhẹgbe iran hia. Avbe ẹguae ne avbe eghian mwa bọlọe, khian ne a i ghi dọlegbe miẹn ọvbehe.

Aizaia 25:2 ပူးပေါင်းရင်းမြစ်များ

Job 12:14

Osanobua gha dunmwu emwi sotọ, de ọmwa ne ọ gha dọlegbe bọ ẹe? Osanobua gha mu ọmwa ye ẹwẹdọ, de ọmwa ne ọ gha sẹtin fan ẹẹn fua?

Aizaia 13:20

Ọmwarhọkpa i ghi ra dọlegbe yin evba ọvbehe. Igabari ne ọ zozo khian i ghi ra dọlegbe bu agọ ye evba, ọsuohuan i ghi viọ ohuan rẹn ya rria vbe evba ọvbehe.

Aizaia 13:21

Ọ gha khian ehe ne avbe aranmwẹ oha dia, ke ne avbe esughusughu bọlọ oko yi. Avbe ugomugo gha rre evba, avbe ẹwe oha ghi gha khọn yo khọn re vbe itowa ni rrọọ.

Aizaia 13:22

Owa ọkhẹ ni te rrọọ, kevbe avbe ẹguae, avbe akpakomiza kevbe ekuaghagha ọ re ọ ghi gha tulo vbe evba. Ẹdẹ e Babilọn rre nẹ. Te ẹdẹ ọ re ghi ra gberra.”

Aizaia 14:23

I gha ya e Babilọn khian otọe ne ọ gbe ẹvbi, avbe esughusughu ọ re ọ ghi gha rre evba. I gha ya owẹ ne ọ gha, kpolo emwi hia gha rrie, kpolo e Babilọn, Mẹ ne Nọyaẹnmwa ne Udazi ọ re ọ tae.”

Aizaia 17:1

E Nọyaẹnmwa khare wẹẹ, “E Damaskọs i ghi ra sẹtin gha re okpẹvbo ọvbehe, utete itowa ọ re ọ ghi ra gha khin.

Aizaia 17:3

Izrẹl ghi khian ne ẹ i ghi mwẹ ne ọ degue ẹre, e Damaskọs ghi do khian ne ọ ma ghi yan egbe ẹre. Avbe ivbi e Siria ni ghi miẹn uhunmwu vbọ ghi do gha re emwa ne a faraa zẹ vbene ivbi Izrẹl ye. Mẹ mwẹ ne Osa ne Udazi tae ne.”

Aizaia 21:9

Wa ghe vbe iran wa dee nian ighẹ avbe ikpia ni hin ẹsin, ni vbe rre uviẹn eveva, odibo ne ọ bodẹ nii ọ re ọ kha vberriọ, “E Babilọn de guọghua, avbe ẹbọ ne iran gho hia wa rre otọ bẹẹrẹ, ehia rẹnkhẹn uan.”

Aizaia 23:11

E Nọyaẹnmwa niẹn obọ rra okun, ọ keghi munọ avbe arriọba gbotọ. Ọ keghi vbe wẹ ne a guọghọ avbe ehe ne emwa e Fonisia na do ẹki sotọ.

Aizaia 23:13

(Ivbi e Babilọn ọ re ọ gie avbe aranmwẹ akọn rẹnkhẹn e Taia rua ighe ẹ i re ivbi Asiria. Ivbi e Babilọn ọ re ọ bọlọ owa ọkhẹ ya ghae ga e Taia, iran keghi guọghọ emwi ne a ya gba ogba lẹga ẹre sotọ, iran na ya ẹvbo nii khian itowa iran ke sẹ ọe rae.)

Aizaia 24:10

Emwi hia tighi vbe ore ẹvbo, emwa ghi khui egbe ye owa ne iran rhie uhunmwu hin ẹbe rre.

Aizaia 25:12

Ọ gha guọghọ owa ọkhẹ ni wegbe ọghe Moab ke ẹe kevbe ekẹn ne a gbe ni yo ne iran mwẹ, ọ ghi rrua ehia guọghọ ua yotọ zẹ vbe ebubẹ.

Aizaia 26:5

Ọ si iran ni tọn egbe mu ke otọ, ọ dunmwu ẹvbo ne ọ wegbe ne iran ye ua, ọ keghi gie ekẹn ọnrẹn dele khian ebubẹ.

Aizaia 27:10

Ẹvbo ne a gbe ekẹn gaa nii khian itowa. Emwa lẹkua vbọ zẹ vbe ẹgbo ne ọ dihoi rua. Ọ khian ehe ne avbe ẹmila na rria.

Aizaia 32:14

Te a ra lẹ hin uwu avbe ẹguae rre, avbe igiogbẹ hia gha khian ne emwa na lẹkua fẹẹrẹ. Avbe owa kevbe avbe owa ọkhẹ ne a bọlọe ne a na khẹ iran, gha khian itowa ẹdẹdẹmwẹdẹ. Avbe ede ọ re ọ ghi gha gbe ọgọlọbọ vbọ, avbe ohuan ghi ya gha rria vbe evba.

Aizaia 32:19

(Sokpan okpẹhoho dan gha la uwu ẹgbo, a ghi vbe siẹn ore nọkhua sotọ.)

Aizaia 34:13

Igban kevbe ọkọsọ gha zọ vbe ehe hia kevbe avbe ẹvbo ne a gbe ekẹn gaa. Avbe edi kevbe esughusughu ọ re ọ ghi ra gha rrọọ.

Aizaia 37:26

“Wẹ ma he họn ra ighẹ mẹ ọ re ọ mwamwa emwi na hia ke ẹghẹ ne ọ kpẹre gha dee? Banbanna nian, te I ghi do mu ẹẹn sẹ. Mẹ ọ re ọ rhie ẹtin ne uẹn ne u ya ye ẹvbo ne a gba odin gaa khian otiku emwirhiae.

Jerimaia 51:26

Okuta ne a ghẹ ghi lo i rrọ vbe itowa ruẹ ne a ya ẹe bọ owa. Te u ra yevbe ato ẹdẹdẹmwẹdẹ. Mẹ ne Nọyaẹnmwa ọ re ọ taa ẹe.

Jerimaia 9:11

E Nọyaẹnmwa khare wẹẹ, “I gha ya Jerusalẹm khian otiku itowa, ehe ne avbe ekuaghagha dia; avbe okpẹvbo e Juda gha khian ato ehe ne emwarhọkpa i ghi ye.”

Diuteronomi 13:16

Wa ghi viọ emwi ne emwa ẹvbo nii mwẹ hia ladian, a ghi do si ẹe yan egbe vbe ughe ẹvbo nii, wa ghi giẹn ẹvbo ni ke emwi hia ni rrọọ zẹ vbe emwi izọese gie Nọyaẹnmwa Osanobua rua. A ghi wa gie ẹe gha re itowa ẹdẹdẹmwẹdẹ, a ghẹ dọlegbe bọe.

Arhie Maan 18:19

Iran keghi kpolo ebubẹ ye egbe iran uhunmwu, iran kegha goo, iran na gha khiẹ wẹẹ, “Okokokoo! Ọna mu ohan gbe vbe egbe ẹvbo nii. Rẹn ọrọre ẹvbo ne emwa hia ni ghi mwẹ okọ ne ọ gua vbe okun nẹ, la ekpa ẹfe ẹre khian enọfe. Emwi na hia wa wi ẹre vbe ẹgogo ọkpa kẹkan!”