Aizaia 25:12 - Edo Bible (E Baibol Ẹdo) Version 1996

¹² Ọ gha guọghọ owa ọkhẹ ni wegbe ọghe Moab ke ẹe kevbe ekẹn ne a gbe ni yo ne iran mwẹ, ọ ghi rrua ehia guọghọ ua yotọ zẹ vbe ebubẹ.

Aizaia 25:12 ပူးပေါင်းရင်းမြစ်များ

Aizaia 14:23

I gha ya e Babilọn khian otọe ne ọ gbe ẹvbi, avbe esughusughu ọ re ọ ghi gha rre evba. I gha ya owẹ ne ọ gha, kpolo emwi hia gha rrie, kpolo e Babilọn, Mẹ ne Nọyaẹnmwa ne Udazi ọ re ọ tae.”

Aizaia 15:1

Uhunmwu ne a gie rre vbekpa e Moab ọ re ọna khin. Iran rẹnkhẹẹn avbe okpẹvbo ne a tie ẹre Aa kevbe Kẹẹ vbe asọn ọkpa, otọ e Moab na ghi wa hunwan hiii.

Aizaia 2:15

avbe owa ọkhẹ ni yo hia, deba ekẹn owa ọkhẹ igbinna hia.

Aizaia 25:2

U ya avbe okpẹvbo khian itowa nẹ u keghi rẹnkhẹn ogba ikhẹgbe iran hia. Avbe ẹguae ne avbe eghian mwa bọlọe, khian ne a i ghi dọlegbe miẹn ọvbehe.

Aizaia 26:5

Ọ si iran ni tọn egbe mu ke otọ, ọ dunmwu ẹvbo ne ọ wegbe ne iran ye ua, ọ keghi gie ekẹn ọnrẹn dele khian ebubẹ.

Jerimaia 48:1

Ẹmwẹ ne Nọyaẹnmwa ne Oghodua tae vbekpa Moab ọ re ọna khin: “Wa tohan ivbi e Nebo, a dunmwu ẹvbo iran an nẹ! A khọn mu e kirriatam, a guọghọ odin nọkhua ne ọ lẹga ẹre sotọ, a keghi vbe fa emwa ni rrọ ua.

Jerimaia 51:58

A gha rrua ekẹn e Babilọn nọkhua gbe otọ. A ghi vbe giẹn avbe ẹkhu ẹre ne ẹrẹkhẹrẹ sẹ otọ. Iwinna avbe uhunmwu ẹvbo khian ekẹkan, ẹsọn iran giẹn uan vbe erhẹn. Mẹ ne Nọyaẹnmwa ne Oghodua guaan nẹ.”

Jerimaia 51:64

U ghi vbe kha wẹẹ, ‘Emwi ne ọ ra rruan e Babilọn ọ re ọ na khin ọ gha dinmwi, ẹ i ghi ra vbe dọlegbe laghe odukhunmwu, rhunmwuda ọkhọ ne Nọyaẹnmwa ra gie ẹe do sunu vbe egbe ẹre.’ ” Ẹmwẹ e Jerimaia fo vbe emwa.

Eve Orriara 2:2

E Nọyaẹnmwa wa rẹnkhẹẹn igue hia ni rre Juda a vbe ne a i na vbe mwẹ itohan ọ kevbe guọghọ odin ne a te gba ga ẹvbo nii uan ọ keghi vbe fa otọe arriọba nii kevbe avbe ọkaolotu ẹre ua.

Ezikiẹl 28:17

U kegha ya ne u na mose ni ghagha, otiti ruẹ keghi ya a gha yin uyinmwẹ akpa. Rhunmwuda ọnii, I keghi rrua ruẹ guọghọ ua, ne u miẹn ehe na gha re ne avbe ọba nekpa miẹn wan.

Hibru 11:30

Iyayi ọre ọ mu ekẹn Jẹriko gbe otọ, iyeke vbe ivbi Izrẹl ye ikpẹdẹ ihinrọn khian lẹga ẹre nẹ.

Arhie Maan 18:21

Ẹghẹ nii ọre odibosa nọkhua ọkpa na tọn okuta ne ọ kpọlọ vbe olọ nọkhua mu, ọ keghi fi ẹe fi uwu okun, ọ wẹẹ, “Erriọ ọre a ra rhie Babilọn ne ẹvbo nọkhua fian mwẹ otọ, a i ghi ra vbe dọlegbe miẹn ọẹn ọvbehe.