Aizaia 24:8 - Edo Bible (E Baibol Ẹdo) Version 1996

⁸ Ema kevbe akpata ni rhiẹnrhiẹn ne iran te kpee hia dobọyi.

Aizaia 24:8 ပူးပေါင်းရင်းမြစ်များ

Job 3:7

Ya ẹe khian asọn ọ dihoi rua ne ọyẹnmwẹ i ye.

Job 30:31

Ehe ne I na te họn emwi ne a kpe ne ọ rhiẹnrhiẹn yi, ẹzọ uwunu kevbe eve ọ re I ghi họn vbọ.”

Psalm 137:2

Ma viọ akpata ima rrọ, ye erhan ẹzẹ ni rre ọkpẹn ọnrẹn.

Aizaia 16:10

Orhiọnkpa ne ẹko maa ighi rrọ nian vbe otọe ne ọ maa emwiokọ nii. A i ghi miẹn ọmwa ne ọ wee ra ne ọ gha so ihuan vbe ogba azara. A i ghi miẹn ọmwa ne ọ minọ alimo ya ru ayọn, uwemwẹ oghọghọ sẹẹ ufomwẹ.

Aizaia 5:12

Wa ghi viọ akpata, ẹrogbo kevbe okpe kevbe ayọn ye ehe ne uwa na gbe ẹbu rri evbare, sokpan wa ma rẹn otọe emwi ne Nọyaẹnmwa ru,

Aizaia 5:14

Ohanmwẹ iran wa gbe ẹvbo avbe iran ne orinmwi, ọ vbe rhan unu yotọ khẹ iran gbodoo. Ọ minọ emwa nekhua ni rre Jerusalẹm re deba avbe emwa kẹkan ni gbe izabọbọ bi lele iran khian.

Jerimaia 16:9

Danmwehọ ẹmwẹ ne I ra ta, mẹ ne Nọyaẹnmwa ne Oghodua, ne Osanobua Izrẹl. I gha dobọ urhu oghọghọ yi kevbe ọghe ọyẹnmwẹ, kevbe urhu oghọghọ evbare irhiọha. Emwa ni rre emwana gha rre agbọn ne aro iran sẹ ọe vbe emwi na a sunu.

Jerimaia 25:10

I gha dobọ uwemwẹ oghọghọ kevbe ọyẹnmwẹ iran yi, kevbe uwemwẹ oghọghọ ọghe evbare irhiọha, iran i ghi miẹn ofigbọn sa ye ukpa iran, ọka i ghi ra vbe gha rrọọ.

Jerimaia 7:34

Otọe nii gha khian ato. I gha dobọ urhu oghọghọ kevbe ọyẹnmwẹ yi vbe avbe okpẹvbo e Juda kevbe ore Jerusalẹm, deba uwemwẹ oghọghọ ọghe evbare irhiọha.”

Eve Orriara 5:14

Avbe eniwanrẹn i ghi tota vbe onurho ẹvbo ọvbehe, avbe igbama i ghi kpe emwi ihuan.

Ezikiẹl 26:13

I gha dobọ ihuan ne uwa so yi, I gha gue emwi ne akpata ruẹ kpe unu.

Ezikiẹl 28:13

U kegha rre Idẹni ne ogba Osanobua, u kegha yọ ukpọn Ikpẹrọnmwọ ughughan kevbe edaiamọn; avbe topaz, e beri, e kanelian kevbe jaspa; e safaia, emrald kevbe garnet. U kegha mwẹ emwi itegbe ọghe igoru. Ẹdẹ ne a yi uwẹ tobọ ruẹ ọ re a ru avbe emwi na nuẹn vbe ẹdẹ ne a wa yi uẹ.

Hozia 2:11

I gha dobọ ugie ne ọ do hia yi. Ugie ukpukpo kevbe ugie ukiuki ne ọ do deba, emwi ne ọ ru vbe Ẹdẹ Ikẹtin hia fẹẹrẹ, kevbe iko ugamwẹ ne ọ ko hia.

Emọs 6:7

Rhunmwuda ọnii, wa ọ re ọ khian gha re asa ni karo ni gha yo iwe. A ghi ho emwiukpo kevbe okpe evbare ne uwa le bẹkun.

Arhie Maan 18:22

Emwi ne iran kpee ighẹ otu ni kpe akpata kevbe iran ni kpe ẹzi kẹn, kevbe ni kpe ẹrogbo kevbe okpe, a i ghi ra dọlegbe họn ẹmwẹ iran vbe uwu uwẹ ọvbehe, a i ghi vbe họn vbe olọ lọ emwi vbe uwu uwẹ ọvbehe.