Aizaia 24:7 - Edo Bible (E Baibol Ẹdo) Version 1996

⁷ Erhan azara hia luẹluẹ, te ayọn ghi vbee. Emwa hia ne ẹko te ka rhiẹnrhiẹn yi, khian ne ẹko ghi rriara.

Aizaia 24:7 ပူးပေါင်းရင်းမြစ်များ

Aizaia 16:10

Orhiọnkpa ne ẹko maa ighi rrọ nian vbe otọe ne ọ maa emwiokọ nii. A i ghi miẹn ọmwa ne ọ wee ra ne ọ gha so ihuan vbe ogba azara. A i ghi miẹn ọmwa ne ọ minọ alimo ya ru ayọn, uwemwẹ oghọghọ sẹẹ ufomwẹ.

Aizaia 16:8

Avbe ugbo ni rre ọkpẹn Hesbọn kevbe avbe ogba azara ọghe Sibma khian ne a guọghọ ua, avbe ogba azara nii, ne ayọn rẹn te gbe uhunmwu ẹvbo hia. Vbe ẹghẹ ọkpa, avbe azara ẹre keghi ya vẹ sẹ ore Jaza, ọ keghi vbe vẹ vbe odẹ ahọ ya sẹ ato, kevbe odẹ orrie ya sẹ Okun Nọwu.

Jerimaia 7:34

Otọe nii gha khian ato. I gha dobọ urhu oghọghọ kevbe ọyẹnmwẹ yi vbe avbe okpẹvbo e Juda kevbe ore Jerusalẹm, deba uwemwẹ oghọghọ ọghe evbare irhiọha.”

Ezikiẹl 6:14

Vbe ẹmwata, I gha nien obọ mwẹ ladian, I ghi dunmwu ẹvbo iran an, I gha ya ẹe khian otọe ne ọ gbe ẹvbi ke ato ne ọ rre odẹ ekẹn kpao, ya sẹ ore Ribla vbe odẹ okuọ vbene I i ra na vbe sẹ okpa rae vbe uwu ẹvbo hia ne ivbi Izrẹl ghi ye nẹ. Ẹghẹ nii, emwa hia gha rẹn ighe mẹ ọrọre Nọyaẹnmwa.”