Aizaia 24:5 - Edo Bible (E Baibol Ẹdo) Version 1996

⁵ Avbe emwa ru awua ye agbọn vbekpa ne iran na rra uhi Osanobua, kevbe ne iran ma na mu ẹẹn sẹ ighe ile ne ọ gu iran taa, emwi ne a wẹ ne ọ gha re ọghe etẹbitẹ.

Aizaia 24:5 ပူးပေါင်းရင်းမြစ်များ

II Samuẹl 23:5

Erriọ ọ re Osanobua ra fiangbe uniẹn mwẹ, rhunmwuda, ọ gu imẹ ta ile ẹdẹdẹmwẹdẹ nẹ, vbene ehia na la uro, ọ vbe deziẹn. Ọnii ọ re emwi ne I ho. Ọnii ọ re ọ khian gha re akhọnmiotọ mwẹ, ẹ i mwẹ Nọyaẹnmwa ma gie ẹe sẹ.

II Ọba 21:12

Rhunmwuda ọnii, mẹ ne Nọyaẹnmwa ne Osanobua ọghe Izrẹl, gha gie ọkhọ rruan e Jerusalẹm kevbe Juda egbe ọkhọ ne a gha miẹn wẹ ọmwa ne ọ rhirhi họẹn, izegbe ghi zẹ ọe.

II Ọba 21:15

I gha ru avbe emwa mwẹ emwi na rhunmwuda iran sẹ ẹmwẹ mwẹ, iran kegha ya ohu mu mwẹ ke ẹghẹ ne avbe erha iran odede ya ladian vbe Igipt gha dee, do sẹ ẹdẹnẹrẹ na.”

II Krọnikol 33:9

E Manasẹ keghi wa ziẹn ivbi e Juda ye orukhọ sẹ ne avbe emwa ne Nọyaẹnmwa khulo hin otọe nii rre vbe emwa rẹn dee.

Psalm 105:10

E Nọyaẹnmwa gu e Jekọb ta ile nẹ, egbe ne ọ gha rrọọ rhinrin ẹdẹ.

Psalm 55:5

Ohan kevbe uguọmwẹ dobọ mu mwẹ, ohan ọyunnuan mu mwẹ guẹ.

Aizaia 10:6

Mẹ gie Asiria ne ọ do khọn ẹvbo dan ne ọ ya ohu mu mwẹ. I gie iran ne iran ya fu emwi viọ, ne iran ya rha, kevbe ne iran ya owẹ rrilo emwa mu otọ zẹ vbe iruẹn vbe adesẹ ore.”

Aizaia 30:9

Ẹghẹ hia ọ re iran ya sọtẹ Osanobua, ẹghẹ hia ọ re iran ya ta ohoghe, ẹghẹ hia ọ re iran ya he ne iran họn iruẹmwi e Nọyaẹnmwa.

Aizaia 33:8

Ẹbe wa rre odẹ ne a la sẹrriọ wẹ ai ghi miẹn ne ohan gie ẹe lae. Ẹmwẹ ne a gba ta khian ne a mu rhie, avbe rhie obọ gberra ile ne a ta ma egbe. Ọmwa okpa ne a ya ọghọ na i ghi rrọọ.

Aizaia 50:1

E Nọyaẹnmwa khare wẹẹ, “Te uwa ro ra ighẹ te imẹ khulo emwa mwẹ kua zẹ vbene okpia khu amwẹ ọnrẹn fua ra? Ebe aheyotọ ne a ghi gbẹn ne ẹẹn vbo khekherriọ? Te uwa ro ighẹ te I khiẹnnẹ wa gha rrie iwe ra zẹ vbe ọmwa ne ọ khiẹnnẹ ivbi ẹre eviẹn? Ẹn o, iran viọ uwa oghunmwu gha rrie rhunmwuda orukhọ uwa. Te a khulo uwa ladian rhunmwuda emwi dan ne uwa ru.

Aizaia 9:17

Rhunmwuda ọnii, e Nọyaẹnmwa I ra gie ọkpa lẹfe vbe uwu avbe igbama ni rrọọ, ẹ i ra vbe tohan avbe ẹgbẹ kevbe emọ ne ẹ i mwẹ erha, rhunmwuda emwa dan ne emwa dan ọ re avbe emwa nii hia wa khin, ẹmwẹ ne iran ta hia, ọkhọ ọ re ehia khin. Ọ rhe ye vberriọ, ohu e Nọyaẹnmwa i he ye fo, te obọ ẹre gha ye niẹn ladian ne ọ rria ikhi.

Jerimaia 11:10

Iran wa dọlegbe gha rrie orukhọ avbe erha iran odede ni hee ne iran gha ru vbene I khare, iran gaa avbe ẹbọ ọvbehe. Izrẹl kevbe Juda, iran eveva ma ru vbene ile ne I gu avbe erha iran odede ta khare.

Jerimaia 50:5

Iran gha nọ odẹ ne a la ye e Zaiọn, iran ghi gha rrie odọ nii. Iran gha gunmwẹ ta ile ẹdẹdẹmwẹdẹ, iran i ghi ra vbe rra ẹre.

Ezikiẹl 16:59

E Nọyaẹnmwa ne Udazi khare wẹẹ, “I gha ru uwẹ emwi ne ọ ma uwẹ. Rhunmwuda u yangbe eyan ne u yan rẹn, u ke mu ile ne a tae fua.

Ezikiẹl 20:13

Uhin wẹ vbe uwu ato, iran ke wa gha yagha mwẹ. Iran rra uhi mwẹ, iran keghi vbe fi iyeke gbe iyi mwẹ ne ọ rhie arrọọ ne ọmwaikọmwa ne ọ ya ẹe ru emwi. Iran ke wa mu Ẹdẹ Ikẹtin rhiaa fẹẹrẹ, I te wa mu egbe ne I gie iran họn obọ ohu mwẹ vbe egbe vbe uwu ato nii, ne I wa fuẹn iran an.

Ezikiẹl 20:24

I ru ọna, rhunmwuda, iran he iyi mwẹ yotọ, iran rraa uhi mwẹ, iran mu Ẹdẹ Ikẹtin rhia, iran keghi vbe gha gho avbe ẹbọ ne avbe erha iran ghoro.

Ezikiẹl 37:26

I gha gu iran ta ile, ne ọ gha gbe iran ẹkun sotọ ẹdẹdẹmwẹdẹ. I gha gbe iran igiẹ, I gha vbe gie iran gha muan yọ. I ghi miẹn wẹ Ọgua Osa mwẹ mudia ye otọe iran ẹdẹdẹmwẹdẹ.

Daniẹl 7:25

Ọ gha ye ukpẹ sakan Osanobua ne ọ Sẹehia, ọ ghi gha khulo emwa Osanobua khian. Ọ gha ho ne ọ fi uhi ugamwẹ kevbe emwiukpo ne iran ru werriẹ. Emwa Osanobua ghi vbe gha rre ototọ ẹtin ẹnrẹn vbe ukpo eha vbe ukhiọnmwẹ.

Daniẹl 9:10

Ma ma danmwehọ ruẹ, Nọyaẹnmwa Osanobua mwa vbe u tama mwa wẹ ne ima gha ye avbe uhi ne u rhie ne ima la obọ avbe eguọmwadia ruẹ kevbe avbe akhasẹ, rre, ru emwi.

Daniẹl 9:5

Ma ru orukhọ, emwa dan ma wa vbe gha khin, ma ba emwi kuu ru. Ma rhie obọ gberra emwi ne uwẹ ne ima ru, ma keghi vbe fi iyeke gbe emwi ne uwẹ khare ighe ọ gbae.

Hozia 6:7

“Sokpan ọwarọkpa vbe iran ghi la otọ Adam nẹ, iran keghi wa rra iyi ne ima gba yi ne egbe.

Levitikọs 20:22

E Nọyaẹnmwa keghi kha wẹẹ, “Rhie uhi mwẹ mwẹ, ke iyi mwẹ, ne otọe Kenan ne I viọ uwa rrie ghẹ zẹ uwa owẹ.

Maika 2:10

Wa kpaegbe ne uwa kpao, egbe rọkhọmwẹ i ghi rre emwa ọvbehe. Orukhọ ne uwa ru zẹ emwa na ye ne a ra fuan nẹ.

Iyẹn ne ọ Maan Ọghe Luk 1:6

Iran eva kegha yin ẹse vbe odaro Osanobua. Iran kegha ye iyi ke ilele Osanobua hia ru emwi.

Diuteronomi 32:15

“Emwa e Nọyaẹnmwa keghi fe, sokpan iran keghi sọtẹ, iran kegha kpolo, evbare na gbe iran ẹko ua. Iran he Osanobua ne ọ yi iran ye otọ, iran keghi he ọmiọnmwafan iran nọkhua ye otọ.

Diuteronomi 32:20

Ọ keghi kha wẹẹ, ‘I i ghi dọlegbe ye iran obọ. Ẹghẹ nii, I gha miẹn emwi ne ọ gha rruan iran ighẹ, emwa ni ze vbe udu ne ẹ i gie a mu ẹtin yan na.’

Hibru 13:20

Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.

Hibru 9:1

Ile ne okaro mwẹ ilele ọghe vbene a ya ga hẹẹ, ọ vbe mwẹ ehe ne ọmwa ye obọ ru ne a na vbe ga.

Jọsua 23:16

Sokpan, a deghẹ wa ma rhie uhi nii ne Nọyaẹnmwa Osanobua rhie ne uwa mwẹ, a deghẹ wa ya gha gho avbe ẹbọ ọvbehe, wa na gha ya uhunmwu rhanmwẹ otọ ne iran, ọ gha rri uwa oya, a te miẹn wẹ ọkpa ma ghi kẹe vbe uwu uwa vbe otọe esiesi na ne ọ mu ne uwa.”

Jọsua 24:25

Ẹre Jọsua ghi na yan ile ne emwa nii ẹdẹ nẹdẹrriọ, ọ na viọ uhi kevbe ilele ne iran vbe Siẹkẹm.