Aizaia 24:20 - Edo Bible (E Baibol Ẹdo) Version 1996

²⁰ Agbọn tobọ ẹre ghi gha ya owẹ fi otọ dọn, zẹ vbe Ọdayọn. Ọ ghi gha han yo han rre zẹ vbene irhu ne a gbae ru vbe okpẹhoho a gha hoho. Ihe orukhọ agbọn yẹnyẹn ọẹn mu otọ nẹ, ọ gha de guo, ẹ i ghi vbe kpaegbe ọvbehe.

Aizaia 24:20 ပူးပေါင်းရင်းမြစ်များ

Gẹnẹsis 41:31

A ghi wa mianmian ẹghẹ ne emwi na te kpọ fẹẹrẹ, rhunmwuda ukhunmwu ne ọ ra fi gha mu ohan gbe.

Job 12:25

Iran baba odẹ khian vbe uwu ebiebi iran kegha kpigogo, zẹvbe ọdayọn.”

Psalm 107:27

Iran rrua owẹ te iran ghi zẹ owẹ ahanmwahan vbe ọdayọn iguemwi iran hia ma ghi gha mwẹ esa ne ọ ye.

Psalm 38:4

Ẹzẹ esagiẹn orukhọ mwẹ lẹ mwẹ rriẹ ihẹ ọre khua gberra ne a sẹtin mu.

Aizaia 1:28

Sokpan, emwa hia ni ru orukhọ, iran na vbe sọtẹ ghe ẹre, ọ gha dunmwu iran an, ọ gha gbele iran hia a ighe avbe emwa ni hee ẹe yotọ.

Aizaia 1:8

E Jerusalẹm okpa ne ọ ghi kẹe, ẹvbo ne okuo gha gae nọ, ọ kegha re ne ẹ i mwẹ emwi ne ọ degue ẹre, zẹ vbene irhu abodẹ ne ọ rre uwu ogba azara ye, ra irhu ne ọ rre ugbo ẹyẹn.

Aizaia 19:14

E Nọyaẹnmwa ru ẹe ne iran gha bu iran ude ne ọ ye emwi lighi ye ọmwa aro, emwi ne ọ ghi lae rre ọrọre wẹ te Igipt ba emwi hia ku ru, te ọ ghi zẹ owẹ ahanmwahan zẹvbe ọdayọn ne ekpa ne ọ kpae miọnghọn ẹre owẹ.

Aizaia 24:1

E Nọyaẹnmwa ra duẹ otọ agbọn na an, ọ ghi sẹ ọe rae vbe ihoi. Ọ gha mu ehe ne a ya owẹ rrilo vbe otọe agbọn khiẹn yo khiẹn rre, ọ ghi zagha emwa ni rrọọ kua.

Aizaia 28:7

Uhin ighe avbe akhasẹ kevbe avbe ohẹn daa ayọn gbe egbe sẹrriọ wẹ te iran ghi dobidokpannọ khian. Iran daa ayọn, iran kevbe wọọn emwi hia bun sẹrriọ wẹ, te iran ghi dekun emwi hia vbe ne emwi ghi tighi sẹ. Avbe akhasẹ daa ayọn bun sẹrriọ wẹ iran i ghi rẹn umian ne Nọyaẹnmwa rhie ma iran, avbe ohẹn vbe daa ayọn sẹrriọ wẹ iran i ghi rẹn ohiẹn ẹmwẹ ne a viọ bu iran yo ya bu.

Aizaia 29:9

Gie obọ kẹe ne u wa gha zurọ khian! Gie obọ kẹe, ne uwa rhu aro vbe uhunmwu. Wa gie ayọn gha gbe uwa, vbene uwa ma na da ayọn wa gha dobidokpannọ khian vbe ne uwa ma na da ayọn rhọkpa.

Aizaia 38:12

A te fian agbọn mwẹ fua, ọ te sẹ ufomwẹ zẹ vbe owa ukpọn ne a siẹn kua zẹ vbe ukpọn ne a fian hin ido rre. I te gha ro ighẹ te Osanobua rhie ufomwẹ ye ẹdẹ mwẹ.

Aizaia 43:27

Avbe erha uwa nikaro ru orukhọ, iran ni khaemwisẹ yan uwa rukhọ ghe mwẹ,

Aizaia 66:24

“Iran gha wa kpao nii, iran gha miẹn ikun avbe iran hia ni sọtẹ mwẹ, ọkhọe ne ọ rri iran i wu ẹdẹ, erhẹn ne ọ giẹn iran i vbe dọyọ ẹdẹ. Emwi ne ọ mianmwẹ ughe ọ re iran ra gha khin ne emwa nagbọn.”

Jerimaia 25:27

Ẹre Nọyaẹnmwa na tama mwẹ wẹẹ, “Tama avbe emwa nii wẹ mẹ ne Nọyaẹnmwa ne Oghodua ne Osanobua Izrẹl, mẹ ọ re ọ tama iran wẹ ne iran da rhinrin ọ te do gha gbe iran ne iran gha bi, iran te do dele gbotọ vbe ne iran i ghi na sẹtin kpaegbe ọvbehe, rhunmwuda okuo ne I gie bu iran dee.

Jerimaia 4:24

I tọn aro mu ghe avbe oke nekhua, ehia ke gha guọ zẹzẹzẹ, avbe oke negiẹrẹ kegha de yo de rre.

Jerimaia 51:29

Otọe guọe zẹzẹzẹ, ọ kevbe mu rueghe, rhunmwuda, e Nọyaẹnmwa mu ẹẹn sẹ nian ighe ne ọ na wẹ te irẹn ra ya Babilọn khian ato, ehe ne ọmwarhọkpa i ghi ye.

Jerimaia 8:4

E Nọyaẹnmwa keghi tama mwẹ wẹ ne I tama avbe emwa irẹn wẹẹ, “Ọmwa gha de, ẹ i ghi kpaegbe ra? Ọmwa gha bibi odẹ, ẹ i ghi werriegbe ra?

Eve Orriara 1:14

“Te ọ wa yi orukhọ mwẹ hia ẹro ọ na sele ehia kugbe; ọ mu ẹẹn fi la mwẹ urhu obọ ukhuamwẹ ọnrẹn keghi da mwẹ. E Nọyaẹnmwa rhie mwẹ yan avbe eghian mwẹ obọ, I ma sẹtin ru iran emwi rhọkpa.

Daniẹl 11:19

Nene ọba ne a kha na gha werriegbe gha rrie ehe ne a gbe odin ga ọghe ẹvbo irẹn sokpan, a gha khọn miẹn ẹre otọ. ọghe irẹn ghi vbe fo ye evba.

Emọs 8:14

Iran ni vẹn ẹbọ e Sameria, iran ni kha wẹẹ, ‘I vba ẹbọ ne Dan’ ra ‘I vba ẹbọ ne Biẹsiẹba’ iran ni gha dele guọghọ ua, iran i ghi vbe kpao ọvbehe.”

Nahum 1:5

Avbe oke nekhua mu rueghe vbe ehe ne Nọyaẹnmwa ye avbe oke negiẹrẹ ranraẹn vbe odaro ẹre. E Nọyaẹnmwa gha ladian, otọe ghi mu rueghe.

Arhie Maan 18:21

Ẹghẹ nii ọre odibosa nọkhua ọkpa na tọn okuta ne ọ kpọlọ vbe olọ nọkhua mu, ọ keghi fi ẹe fi uwu okun, ọ wẹẹ, “Erriọ ọre a ra rhie Babilọn ne ẹvbo nọkhua fian mwẹ otọ, a i ghi ra vbe dọlegbe miẹn ọẹn ọvbehe.