Aizaia 24:19 - Edo Bible (E Baibol Ẹdo) Version 1996

¹⁹ Agbọn gha saa, ọ ghi guọghọ ua, ọ gha vaa, ọ ghi we unu uan yotọ.

Aizaia 24:19 ပူးပေါင်းရင်းမြစ်များ

Psalm 75:3

Avbe emwi ne a yi hia gha rhe gha guọ ighẹ a vbe mu agbọn tobọre rueghe I gha gie ẹyotọ ẹre de ziẹn.

Aizaia 13:13

I gha ya ẹrinmwi gha guẹ zẹzẹzẹ, a gha vbe rueghe agbọn, a ghi sua ẹre hin ihe ẹre rre vbe ẹdẹ nẹdẹrriọ, ẹdẹ ne imẹ ne e Nọyan ne Oghodua gha rhie izohu mwẹ ma.

Aizaia 2:19

Emwa gha lẹre ye uwu avbe uvun ye uwu otọ ne iran miẹn ehe na lẹfe vbe obọ ohu e Nọyaẹnmwa, kevbe ne iran vbe lẹre hin obọ ẹtin kevbe uyi ẹre rre, vbe ẹghẹ ne ọ gha na mu agbọn rueghe.

Nahum 1:5

Avbe oke nekhua mu rueghe vbe ehe ne Nọyaẹnmwa ye avbe oke negiẹrẹ ranraẹn vbe odaro ẹre. E Nọyaẹnmwa gha ladian, otọe ghi mu rueghe.

Habakọk 3:6

Ọ gha demudia agbọn ghi mu rueghe; ọ gha fi aro rre, avbe uhunmwu ẹvbo ghi gha guọ zẹzẹzẹ. A zanzan avbe oke ẹrẹkhẹrẹ ua avbe oke etẹbitẹ kpero la uwu otọ, avbe oke ne irẹn nanaẹn ẹkpo nẹdẹ.

Nọmbas 16:31

Ọwarọkpa nii vbe ọ wa da guan fo, otọ keghi rhan unu an vbe ehe ne Datan kevbe Abiram ye.

Nọmbas 16:32

Ọ keghi minọ iran kevbe avbe ẹgbẹe iran re, deba irogho e Kora kevbe emwi ni iran mwẹ hia.

Matiu 24:3

Jesu ghi tota ye uhunmwu oke Ọliv, avbe erhuanegbe keghi hẹko bu ẹre rre do nọ rẹn wẹẹ, “Ta ẹghẹ ne emwi na hia gha khin ma ima, de emwi ne ọ gha sunu ni ima gha ya rẹn ighe ẹghẹ ne u ya dee sẹ ne, kevbe wẹẹ a sẹ ufomwẹ agbọn nẹ?”

Diuteronomi 11:6

Wa ye emwi ne ọ ru e Datan kevbe Abiram ne ovbi Eliab ne ẹwae Riubẹn rre. Otọ rhan unu, ọ keghi minọ iran re ke iran kevbe ẹgbẹe iran, owa ukpọn iran, kevbe eguọmwadia iran, kevbe emwirri iran.

II Pita 3:10

Sokpan Ẹdẹ Nọyaẹnmwa gha rre zẹ vbe oyi. Vbe Ẹdẹ ne ẹdẹnẹdẹrriọ, uwu owogho ne ọ khẹkhẹ ehọ, ọre a ra na ho iso bẹkun, avbe emwi ni wie yo wie rre vbe ideghedeghe aro iso ghi giẹn uan, ehia ghi la ọrhiae rrie, agbọn ke ẹe kevbe emwi ni rre uwu ẹre hia, ghi khian ne a ho bẹkun.

II Pita 3:12

vbe uwu ne uwa na mudia khẹ Ẹdẹ Osanobua, wa lo ẹtin uwa hia ne a miẹn wẹ ọ rherhe rre. Ẹdẹ ne a gha giẹn ọnrẹn uan ighẹ ẹrinmwi, ọ ghi gha re ne a fuẹn uan, owowo ghi ranran iran uan ighẹ avbe emwi ni wie yo wie rre vbe ideghedeghe aro iso.

Arhie Maan 20:11

I keghi bẹghe ẹkete nọkhua nọfua ọkpa ke ẹe kevbe ọmwa ne ọ tota yọọ. Ẹrinmwi kevbe agbọn keghi lẹ hin odaro ẹre rre, a ma ghi vbe miẹn iran ọvbehe.