Aizaia 24:18 - Edo Bible (E Baibol Ẹdo) Version 1996

¹⁸ Ọmwa ne ọ wẹ rẹn ra lẹ ne ugborrirri nii, gha de ye uvun, ọmwa ne ọ vbe lẹ hin obọ uvun rre, ọ ghi de ye ifi. Okpamẹ nọkhua gha gbefua ke iso rre, ẹyotọ agbọn gha vbe mu rueghe.

Aizaia 24:18 ပူးပေါင်းရင်းမြစ်များ

Gẹnẹsis 19:24

E Nọyaẹnmwa keghi gie ugbofi ne ọ giẹn ke odukhunmwu rhọ yan Sọdom kevbe Gomorra vbe udomwurri.

Gẹnẹsis 7:11

Ẹghẹ ne Noa na gha rre ukpo arria eha (600), vbe ikpẹdẹ ehairrọvbugie ọghe uki nogieva, uhunmwu ẹzẹ ọghe okun nekhua hia ni rre uwe otọ keghi vuaa, uvun ni rre iso hia keghi kie rua.

II Ọba 7:2

Ovbi ọkpọmwa ọghe ọba keghi wanniẹn tama Elaisia wẹẹ, “Ọnii i sẹtin sunu vberriọ, ọ gha khọnrẹn wẹ ne Nọyaẹnmwa tue ọka amẹ rre wanwanna.” Elaisia keghi wanniẹn wẹẹ, “Aro ruẹ gha sẹ ọe vbe ọ gha sunu sokpan u i ra re vbe evbare ni.”

Job 20:24

Ọ gha te wẹ ne irẹn lẹ fe umozo ematọn, uhanbọ oze ghi hae fua.

Psalm 18:15

A keghi gie emwa miẹn ototọ okun nọkhua, a keghi vbe rhie ẹyotọ agbọn maa vbe ẹghẹ ne u na gu avbe eghian ruẹn gui Nọyaẹnmwa. U na van yan iran vbe izohu ruẹ.

Psalm 18:7

Ẹghẹ nii, agbọn keghi mu rueghe, ọ guọe zẹzẹzẹ. Ẹyotọ avbe oke hia kpẹngiẹn ọ kegha mian. Rhunmwuda ighe ohu mu Osanobua.

Psalm 18:8

Ighogho vẹ ke uvun ihue ẹre ladian, aranmwẹ erhẹn ne ọ giẹn emwi uan kevbe ogiọnmwẹ erhẹn ne ọ giẹn, keghi ke unu ẹnrẹn ladian.

Asan-Ibo 9:12

U i sẹtin rẹn ẹghẹ ne ẹghẹ ruẹ gha ya rre. Zẹ vbene ifi mu ahianmwẹ vbe udomwurri, zẹ vbe ehẹn ne ọga mu, erriọ ọ re emwi dan zẹdia sunu vbe egbe mwa, vbe a ma ro a ma kọ.

Aizaia 13:13

I gha ya ẹrinmwi gha guẹ zẹzẹzẹ, a gha vbe rueghe agbọn, a ghi sua ẹre hin ihe ẹre rre vbe ẹdẹ nẹdẹrriọ, ẹdẹ ne imẹ ne e Nọyan ne Oghodua gha rhie izohu mwẹ ma.

Aizaia 2:19

Emwa gha lẹre ye uwu avbe uvun ye uwu otọ ne iran miẹn ehe na lẹfe vbe obọ ohu e Nọyaẹnmwa, kevbe ne iran vbe lẹre hin obọ ẹtin kevbe uyi ẹre rre, vbe ẹghẹ ne ọ gha na mu agbọn rueghe.

Aizaia 2:21

E Nọyaẹnmwa gha rre do mu agbọn na rueghe, emwa gha lẹre ye uvun otọ kevbe uvun okuta, ne iran miẹn ehe na lẹ ohu ẹre fe, kevbe ne iran lẹre ne ẹtin ẹnrẹn kevbe uyi ẹre.

Aizaia 42:22

Sokpan, banbanna nian, iran hẹ rhu emwa rẹn; a viọ ehia khui ye uvun uwu otọ a keghi vbe viọ iran lẹre ye uwu ẹwẹdọ a do iran emwi hẹ, a hẹ rhu iran vbene ai na miẹn ne ọ gha miẹn iran fan.

Aizaia 8:14

Rhunmwuda uhuanmwẹ ugborrirri mwẹ, te imẹ ghi ye vbe okuta ne emwa na rrua owẹ. Te I ye vbe ifi ne ọ ra munọ emwa arriọba e Juda kevbe Izrẹl, kevbe emwa ni rre Jerusalẹm.

Jerimaia 48:43

Ohan, uye kevbe ifi diakhẹ ivbi e Moab, e Nọyaẹnmwa guaan nẹ.

Jerimaia 48:44

Ọmwa ne ọ te wẹ ne irẹn lẹ fe vbe obọ ohan nii, gha de ye uye, ọmwa ne ọ ghi vbe sẹtin hin odukhunmwu ke uwu uye ladian, ifi gha mu ẹẹn, rhunmwuda, e Nọyaẹnmwa rhie ẹghẹ ọfuan ọghe Moab yotọ nẹ.

Eve Orriara 3:47

Ma vba ẹbe kevbe ọrhiae vbe egbe; uwu ẹbe kevbe ohan ọ re ima wa ye.

Ezikiẹl 11:8

“Te ohan umozo mu uwa ra? I gha viọ emwa ni mwẹ umozo rre ne iran do gu uwa gbinna.

Ezikiẹl 12:13

“Sokpan I gha tan ọga ye odẹ, I ghi ya ẹe mu ẹẹn. I ghi mu ẹẹn gha rrie ore e Babilọn, ehe ne ọ ra na wu vbe ne ẹ i na bẹghe ẹre.

Ezikiẹl 15:7

I ghi rri iran oya. Iran lẹ erhẹn ọkpa fe, sokpan erhẹn ọ re ọ ra ye vbe gien iran an nian. I gha rri iran oya nẹ, wa gha rẹn ighe mẹ ọrọre Nọyaẹnmwa.

Emọs 5:18

U miẹn vbe ọ gha ba so uwa hẹ wa ni rhie aro ye odẹ gha khẹ ẹdẹ e Nọyaẹnmwa. De emwi ne uwa ro ighe wa gha miẹn vbọ yi? Ẹdẹ ne ọ so ebiebi khian gha nọ ne uwa, ighe ẹ i re ẹdẹ uwanmwẹ.

Emọs 5:19

Te ọ ra yevbe ne ọmwa lẹ ne oduma, ọ na dekun akpakomiza! Ra ọmwa ne ọ lẹ la owa, ọ na rhie obọ yan ekẹn, ẹyẹn keghi sa a ẹe.