Aizaia 24:17 - Edo Bible (E Baibol Ẹdo) Version 1996

¹⁷ Emwa hia, wa danmwehọ mwẹ. Ohan nọkhua rrọ, avbe uye kevbe ifi diakhẹ uwa.

Aizaia 24:17 ပူးပေါင်းရင်းမြစ်များ

I Ọba 19:17

Ọmwa ne obọ e Hazaẹl ma vba ya gbe ua, e Jehu ghi gbe ẹe rua, ọmwa ne ọ vbe lẹ e Jehu fe, Elaisia ghi gbe ẹe rua.

Job 18:8

Ọ khian la uwu ọgua, emwi mu ẹre owẹ,

Aizaia 8:14

Rhunmwuda uhuanmwẹ ugborrirri mwẹ, te imẹ ghi ye vbe okuta ne emwa na rrua owẹ. Te I ye vbe ifi ne ọ ra munọ emwa arriọba e Juda kevbe Izrẹl, kevbe emwa ni rre Jerusalẹm.

Jerimaia 11:11

Rhunmwuda ọnii nian, mẹ ne Nọyaẹnmwa, ọ re ọ tama iran yotọ na wẹ I ra do si ọfuan ye iran egbe, kevbe wẹ iran i sẹtin lẹ ọre fe. Iran gha tu bu mwẹ gha dee do nọ iyobọ, I i zẹdẹ zẹ ye iran ẹre.

Jerimaia 8:3

A vbe ivbi ẹvbo dan na ni ghi miẹn uhunmwu vbọ, ni rre dọmwadẹ ehe ne I zagha iran kui, gha ho wẹ iran wu ọ re ọ maa sẹẹ ne iran gha rre agbọn, Mẹ ne Nọyaẹnmwa ne Oghodua tae nẹ.”

Eve Orriara 2:22

Wẹ ọ re ọ gie ne a tie avbe eghian mwa ne iran do do ugie iba ne ọ mu ohan, lẹga mwẹ orhiọnkpa i rrọ ne ọ miẹn uhunmwu vbe ẹdẹ ne ohu mu uwẹ. Iran gbele mwẹ emọ ne I ho ẹmwẹ ọnrẹn ne imẹ koko wan nẹ.

Eve Orriara 3:47

Ma vba ẹbe kevbe ọrhiae vbe egbe; uwu ẹbe kevbe ohan ọ re ima wa ye.

Ezikiẹl 11:8

“Te ohan umozo mu uwa ra? I gha viọ emwa ni mwẹ umozo rre ne iran do gu uwa gbinna.

Ezikiẹl 12:13

“Sokpan I gha tan ọga ye odẹ, I ghi ya ẹe mu ẹẹn. I ghi mu ẹẹn gha rrie ore e Babilọn, ehe ne ọ ra na wu vbe ne ẹ i na bẹghe ẹre.

Ezikiẹl 14:21

Vbenian ọ re Nọyaẹnmwa ne Udazi khare: “I gha gie emwi ne I ya rri emwa oya enẹ ni khọ sẹ gha rrie Jerusalẹm, ena ọrọre okuo, ukhunmwu, aranmwẹ akọn, kevbe emianmwẹ, ne I ya fuẹn emwa nagbọn kevbe avbe aranmwẹ ba ẹre.

Emọs 5:19

Te ọ ra yevbe ne ọmwa lẹ ne oduma, ọ na dekun akpakomiza! Ra ọmwa ne ọ lẹ la owa, ọ na rhie obọ yan ekẹn, ẹyẹn keghi sa a ẹe.