Aizaia 24:13 - Edo Bible (E Baibol Ẹdo) Version 1996

¹³ Emwi ne ọ ra sunu vbe uhunmwu ẹvbo otọe agbọn hia, ọ re ọna khin. Te ọ ra yevbe ufomwẹ emwiorhọ vbe a ghi kọlọ ọmọ hin uhunmwu erhan hia rre nẹ, a na vbe kọlọ alimo ne okiekie hin azara rre.

Aizaia 24:13 ပူးပေါင်းရင်းမြစ်များ

Aizaia 1:9

Akpawẹ ẹ ire ne Nọyaẹnmwa ne Oghodua na gie eso miẹn uhunmwu vbọ, iran gha wa fuẹn e Jerusalẹm uan fẹẹrẹ zẹvbe Sọdom kevbe Gomorra.

Aizaia 17:4

E Nọyaẹnmwa khare wẹẹ, “Ẹdẹ dee ne ukpọlọmwẹ Izrẹl gha sẹ ufomwẹ, a ghi ya ogue rọ ẹfe ne ọ te mwẹ.

Aizaia 27:12

Vbe ẹdẹ ne ẹdẹrriọ, ke Yufretes kpao ya sẹ ehe ne otọe Igipt lae, e Nọyaẹnmwa gha hannọ emwa rẹn ladian ọkpọkpa, zẹ vbene a khan ọka hin ihunhun rre.

Aizaia 6:13

Gia kha wẹ arhiọnkpa kẹkan miẹn uhunmwu vbe uwu arhin igbe vbe otọe nii, te a ra ye vbe fuẹn irẹn uan, ọ ghi yevbe ut ukhunmwu erhan okan ne a tọn gbe otọ nẹ.” (Ut ukhunmwu ni mudia ye omuhẹn ọgbọn ne emwa Osanobua.)

Jerimaia 44:28

“Sokpan, ibozẹghẹ vbe uwu uwa gha miẹn uhunmwu, wa ghi werriegbe ke Igipt gha die Juda. Iran ni miẹn uhunmwu nii ọ re ọ ghi ra rẹn ne ẹmwẹ ọnrẹn ghi sẹẹ vbọ, ọghomwẹ ra ọghe iran.

Ezikiẹl 7:16

Eso gha lẹ la uhunmwu oke zẹvbe avbe idu ne a runraẹn ladian vbe uwu iya. Dọmwadẹ ọghọe gha khiẹ ye orukhọ ẹre.

Levitikọs 19:9

“Wa gha rhọ emwi okọ ugbo rua, wa ghẹ rhọ avbe ọka ni rre ọkhioha, wa ghẹ vbe dọlegbe ya rhọ avbe ọka ne a te sẹrae.

Maika 2:12

“Sokpan, mẹ gha si uwa koko, wa ne ivbi Izrẹl ni ghi kẹe. I gha viọ uwa kugbe zẹ vbe ohuan ne ọsuohuan viọ di owa ohuan. Zẹ vbe otọe ne aranmwẹ na rri irunmwu, ne ọ vuọn ne ohuan, emwa gha dọlegbe vuọn otọe uwa.”

Maika 7:1

Ẹ i zẹdẹ maa, hiehie re! Te I ghi wa ye vbe ọmwa ne ohanmwẹ gbe ne ọ ma miẹn ọmọ erhan vbe uhunmwu erhan ra alimo ayọn vbe uhunmwu azara. Alimo ayọn hia kevbe avbe ọmọ erhan ni rhiẹnrhiẹn, iran kọlọ ehia fo nẹ.

Matiu 24:22

Sokpan Osanobua fian inu ẹdẹ ne ọ ra ya vbe otọ kanmwa nẹ. Akpawẹ ọ ma fian ẹdẹ ni kanmwa, orhiọnkpa ne ọ gha miẹn uhunmwu, ẹ i rrọọ. Sokpan Osanobua gha rhunmwuda iran ne ọ hannnọ zẹ fian ẹdẹ ni kanmwa.

Arhie Maan 3:4

Sokpan ihozẹghẹ eso rre uwu uwa vbe Sadis ni ma ya iruẹn ye ukpọn iran. Wa gha lele mwẹ khian, a ghi yọ uwa ẹwu nọfua rhunmwuda wa sẹe ne ọ gha ru vberriọ.