Aizaia 23:9 - Edo Bible (E Baibol Ẹdo) Version 1996

⁹ E Nọyaẹnmwa ne Oghodua ọ re ọ mwamwa ẹn. Te ọ mwamwa ẹn ne ọ miẹn ehe na dobọ uhiomwẹ ne iran hio ye emwi ne iran he ye obọ ru yi, kevbe ne ọ silo emwa iran ne a yọghọ na kẹ otọ.

Aizaia 23:9 ပူးပေါင်းရင်းမြစ်များ

Job 12:21

Ọ fa iran ni rre ukpo ẹtin uan, ọ kevbe dobọ ẹtin iran ni dakha yi.

Psalm 107:40

ọ ghi mu ohu ghe iran ni zẹ iran kpokpo, ọ ghi ye iran gha kpolugho vbe ato ne odẹ i ye.

Ẹksọdọs 8:4

Iran ghi gha san yan ruẹn, ekhaẹmwẹ ruẹn kevbe emwa ruẹn hia.” ’ ”

Aizaia 10:33

E Nọyaẹnmwa ne Oghodua gha rrua iran guọghọ ua vbe abọ erhan ne a gia hin erhan rre. Ne ọ tọn egbe mu sẹẹ, kevbe ne ọ kpọlọ sẹẹ; vbe uwu iran, a gha gia ehia gbotọ, a ghi fa iran an.

Aizaia 13:11

E Nọyaẹnmwa khare wẹẹ, “I gha fian ọfuan fi otọ agbọn, I ghi vbe rria avbe emwa dan hia ikhi ye orukhọ iran. I gha vbokho iran hia uhunmwu rri otọ ighe avbe iran ni tọn egbe mu. I gha rria iran ikhi ighe iran ni hio kevbe emwa dan.

Aizaia 14:24

E Nọyaẹnmwa ne Oghodua vẹn ihẹn nẹ wẹẹ, “Te emwi ne I mwamwaẹn gha sunu. Emwi ne I kha nẹ wẹ a gha ru ẹe, te a ra ru ẹe.

Aizaia 14:26

Emwi ne I mwamwa ẹn vbe ekpa agbọn na ọ re ọnii khin, I niẹn obọ mwẹ ladian nẹ, ne I ya rri avbe uhunmwu ẹvbo oya.”

Aizaia 14:27

E Nọyaẹnmwa ne Udazi tae ne ighe te irẹn ra ru emwi na. Ọ niẹn obọ ẹre ladian nẹ ne ọ ya rri emwa oya, ọmwa okpa i rrọ ne ọ gha sẹtin da ẹre obọ yi.

Aizaia 2:11

Ẹdẹ dee ne a gha dobọ itengbemu ọmwa nagbọn yi, a ghi vbe fuẹn uhiomwẹ ọmwa nagbọn uan. Ẹghẹ nii, a ghi do tọn e Nọyaẹnmwa mu.

Aizaia 2:12

Vbe ẹdẹ nẹdẹrriọ, e Nọyaẹnmwa ne Oghodua gha hie uhunmwu emwa ni mwẹ ẹtin hia rriotọ, iran hia ni hio, kevbe ni ya obọ rra ẹwẹe.

Aizaia 2:17

A gha dobọ uhiomwẹ emwa nagbọn yi, a gha fuẹn itengbemu emwa nagbọn ruan. A gha ho avbe amazẹ bẹkun fẹẹrẹ. E Nọyaẹnmwa ọkpa ọ re a ra gha go wan ẹdẹ ne ẹdọ.

Aizaia 23:10

Wa ya ye otọe nii mu ugbo, wa ne emwa ni rre avbe ẹvbo ne a bu ye Spen! Ọmwa ne ọ ghi tan obọ gaa uwa ighi rrọọ.

Aizaia 32:13

igban kevbe ọkọsọ ọ re ọ ghi zọ vbe otọ emwa mwẹ. Wa gha viẹ ne avbe owa ne ọyẹnmwẹ na te sẹ emwa, kevbe avbe okpẹvbo ne ọ te hu yo hu rre.

Aizaia 5:13

rhunmwuda ọnii, a gha viọ uwa gha rrie zẹvbe oghunmwu. Ohanmwẹ gha gbele avbe ọkaolotu uwa a, ovbamẹ ghi gbele emwa kẹkan.

Aizaia 9:15

Avbe eniwanrẹn ne adazẹ, ọrọre avbe uhunmwu, avbe ẹrhunrhun ni rrọ keghi gha re avbe akhasẹ, ni ma emwa emwi ohoghe.

Jerimaia 13:9

“Vbenian ọ re I ra fuẹn ọnrẹn ruan ighe itengbemu e Juda kevbe itengbemu nọkhua ọghe Jerusalẹm.

Jerimaia 51:62

‘E Nọyaẹnmwa, u tae nẹ ighẹ u gha fuẹn emwa na sẹrriọ, a i ghi ra miẹn emwi ne ọ ma he wu rhọkpa vbọ, ọ re ọmwa nọ ra aranmwẹ, kevbe wẹ, ọ gha vbe gha yevbe ato ẹdẹdẹmwẹdẹ.’

Daniẹl 4:37

“Banbanna nian, mẹ ne Nebukiadneza rho ẹre, I ya ọghọ ne ẹẹn, I keghi vbe rhie uyi ne ẹẹn ighe Ọba Ẹrinmwi. Emwi hia ne ọ gbae kevbe ne ọ hẹnhẹn, ọghọe ọ re nọ. Ọ vbe sẹtin vbokho ọmwaikọmwa ne ọ tengbemu uhunmwu rriotọ.”

Obedaia 1:2

E Nọyaẹnmwa khama Idọm wẹẹ: “I gha ya uwẹ khian ne mitan mitan; emwa hia gha zan ruẹn.

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

Iwinna 4:28

Iran si egbe koko, ne iran ru avbe emwi ni ne uwẹ ya ẹtin ruẹn kevbe iho ọwuẹ ta ye otọ nẹ wẹẹ, ọ gha sunu.

Ẹfisọs 1:11

Rhunmwuda, vbene Osanobua we emwi gha ye ọre ọ ye, Osanobua keghi zẹ mwa wẹ ne ima gha re emwa irẹn, vbe uwu a ya egbe ba Kristi, rhunmwuda, emwamwa ne irẹn mwamwa ẹn zẹ vbene ọ ta ẹe ke omuhẹn gha dee.

Ẹfisọs 3:11

Vbene Osanobua mwamwa ẹn ke ne a bu agbọn tua agbọn gha dee ọre ọ ru ẹe, rẹn keghi la ekpa Kristi Jesu Nọyaẹnmwa ru ẹre ne a ru fo.

Jems 4:6

Sokpan, uhin ighẹ ẹsọhẹ ne Osanobua rhie ne ọmwa, ọre ọ wo vbe egbe sẹ. Rhunmwuda ebe khare wẹ, “Te Osanobua mu aro ne ọkhọ da iran ni tọn egbe mu, sokpan ọ ghi gha rhie ẹsọhẹ ne iran ni mu egbe rriotọ.”