Aizaia 23:8 - Edo Bible (E Baibol Ẹdo) Version 1996

⁸ De ọmwa ne ọ ghi kun ẹn vbe nian na yi wẹ ne emwi vbenian do sunu vbe egbe Taia, ne ẹvbo ahi rre, ne ivbi ogie ẹre ni do ẹki ye isi te gha re emwa ne a ghi yọghọ na sẹẹ vbe otọ agbọn?

Aizaia 23:8 ပူးပေါင်းရင်းမြစ်များ

Aizaia 10:8

Rẹn keghi rhuọ wẹẹ, “Ọba ọ re ọkpọkpa vbe uwu avbe ọkaokuo mwẹ khin!

Aizaia 36:9

Wa ma zẹdẹ sẹ ẹrrẹe ọkaokuo Asiria ne ọ ghi kanmwa sẹ, sevba, wa keghi rhie aro yọ wẹ Igipt gha viọ ẹsin kevbe avbe ikẹkẹ okuo gie uwa.

Ezikiẹl 26:12

Iran ne eghian ruẹn gha tobọ iran viọ emwi ne u mwẹ kevbe atẹ ruẹ. Iran gha guọghọ ekẹn ẹvbo ruẹ gbotọ, iran ghi vbe zanzan avbe owa ẹfe kpọkua ne uwa bọlọe. Iran gha viọ avbe okuta kevbe erhan kevbe iku ni rrọ, iran ghi filo ehia ku uwu okun.

Nahum 3:16

Avbe ọduẹki ne u biẹlẹe bun sẹ avbe orhọnmwẹ ni rre iso, sokpan, banbanna nian, a ho ehia bẹkun, zẹ vbe irhiso ni rhan ifuẹn iran, iran keghi tinnọ gha rrie.

Zẹkaraia 9:3

E Taia gba odin ga egbe nẹ, ọ keghi vbe silo esiliva kevbe igoru ni bun sẹrriọ gboo ne egbe ẹre wẹ ehia keghi de vba ya ẹe ru a.

Arhie Maan 18:23

A i ghi ra dọlegbe bẹghe uwanmwẹ ukpa ne a rhu vbe uwu uwẹ ọvbehe. A i ra dọlegbe họn urhu ọha kevbe ọdafẹn ọha vbe uwu uwẹ ọvbehe. Emwa iwinna ruẹn ọre ọ te re ne ọ mwẹ ẹtin sẹ vbe uhunmwu otọ agbọn hia, u kegha ya ẹbo awan ohoghe ruẹ mu emwa ne agbọn hia rẹrẹ!”

Arhie Maan 18:8

Rhunmwuda ọnọna, okpe emianmwẹ ọnrẹn gha kinmwi ẹn ẹdẹ ọkpa, emianmwẹ irhia ẹko kevbe ukhunmwu. A gha ya erhẹn giẹn ọnrẹn uan rhunmwuda, Nọyaẹnmwa Osanobua ne ọ bu ohiẹn ọnrẹn, ne ọ mwẹ ẹtin nọ.”