Aizaia 23:6 - Edo Bible (E Baibol Ẹdo) Version 1996

⁶ Wa gha kporhu eve orriara, wa ne emwa e Fonisia. Wa hia ne uwa lẹ gha rrie Spen.

Aizaia 23:6 ပူးပေါင်းရင်းမြစ်များ

Aizaia 16:7

Ivbi e Moab gha viẹ rhunmwuda ọlọghọmwa ne iran mwẹ. Iran hia gha viẹ vbe iran a ye ẹre rre ighe evbare esiesi ne iran te re vbe Kẹ Hẹrẹs. Ọna gha wa ya egbe wọ iran fo.

Aizaia 21:15

Emwa gha lẹ hin ehe ne umozo na ho ne ọ gbele iran an rre, hin ehe ne avbe uhanbọ ne ọ ho ne ọ salọ iran ye, hin obọ ẹbe okuo hia.

Aizaia 23:10

Wa ya ye otọe nii mu ugbo, wa ne emwa ni rre avbe ẹvbo ne a bu ye Spen! Ọmwa ne ọ ghi tan obọ gaa uwa ighi rrọọ.

Aizaia 23:12

E Saidọn ne ore nọkhua, oghọghọ ruẹ sẹ ufomwẹ, emwa ruẹn khian ne a ghi wọ ẹre uhunmwu. Ọ gha khọn iran ne iran ya lẹ ku e Saiprọs, iran ma he ye fe vbe obọ ẹbe vbe evba.

Jerimaia 10:9

Esiliva ni ke Spen rre a ya rhu amazẹ iran. Kevbe igoru ni ke Ufaz rre, iwinna ne avbe iran ni gue ona ye obọ ru a ya ukpọn ododo kevbe umẹ guee iran egbe, avbe iran ni do ukpọn ni guẹe ọ re ọ do ẹe.

Ezikiẹl 27:35

Te udu emwa ni yin lele eghute mu waa, vbe iran miẹn emwi ne ọ rruan ruẹn. Ya sẹ egbe avbe ọba iran tobọ iran, iran hia runraẹn, ehia keghi wa sẹ ohan ye aro.

Jona 1:3

Sokpan, e Jona keghi mu uhunmwu da ehe ọvbehe ne ọ miẹn ehe na lẹ hin ehe ne Nọyaẹnmwa ye rre. Rẹn keghi gha rrie Jopa, ọ keghi miẹn okọ ne ọ ke evba rrie Spen. Rẹn keghi ha osa, ọ na la okọ ne ọ lele emwa ni gua ẹe gha rrie Spen, ehe ne ọ gha na wa kpa hin ehe ne Nọyaẹnmwa ye rre.