Aizaia 23:18 - Edo Bible (E Baibol Ẹdo) Version 1996

¹⁸ A ghi ya igho ne ọ miẹn vbe ẹki fi ohan ne Nọyaẹnmwa. Ẹ i ra vbe viọ ẹre hin rre, sokpan, avbe emwa ni ga e Nọyaẹnmwa gha ya igho nii dẹlẹ evbare kevbe ukpọn ne iran gha lo.

Aizaia 23:18 ပူးပေါင်းရင်းမြစ်များ

Psalm 45:12

Ivbi e Taia gha ha oko guẹ, emwa nii ni fe ghi gha gualọ aro nọ maa ọwuẹ.

Psalm 72:10

Avbe ọba e Spen kevbe iran ni rre otọ ne amẹ lẹga gha zẹ ẹfe gie ẹe. avbe ọba avbe Arrebia kevbe Etiopia gha viọ imuohan gie ẹe.

Psalm 72:11

Avbe ọba hia gha vbẹrre vbe odaro ẹre; avbe agbọn ẹvbo hia gha ga ẹe.

Ẹksọdọs 28:36

“U ghi ya igoru ne a ma gua ru emwi itegbe ọkpa, wa ghi gbẹn yọ wẹẹ, ‘Te a ya fi ohan ne Nọyaẹnmwa.’

Itan 13:22

Ọmwa esi gha miẹn emwi sẹrae ye avbe eyẹ ọre otọ, sokpan, emwa esi ọ re ọ ra ya emwa dan emwi ru.

Itan 28:8

Adeghẹ igho isu kevbe igho ne u miẹn vbe obọ emwa ne emwi ba so ọ re u ya fe, ẹfe ruẹ gha gberra gha rrie obọ ọmwa ne ọ tohan ivbiogue.

Asan-Ibo 2:26

Osanobua ọ re ọ rhie ẹwaẹn, irẹnmwi kevbe ọyẹnmwẹ ne emwa ne ọ ru ne ọ yẹ ọre, sokpan, ọ ghi ya emwa orukhọ gha winna, iran ghi miẹn igho, iran ghi ya ẹe gbakhua hinrre, ne a miẹn ehe na viọ okhuan ne iran khuaẹn ne emwa ni ru ne ọ yẹ ọ re. Ena hia i maa, te ọ yevbe ne a khu ẹhoho khian.

Ezikiẹl 26:12

Iran ne eghian ruẹn gha tobọ iran viọ emwi ne u mwẹ kevbe atẹ ruẹ. Iran gha guọghọ ekẹn ẹvbo ruẹ gbotọ, iran ghi vbe zanzan avbe owa ẹfe kpọkua ne uwa bọlọe. Iran gha viọ avbe okuta kevbe erhan kevbe iku ni rrọ, iran ghi filo ehia ku uwu okun.

Maika 4:13

E Nọyaẹnmwa khare wẹẹ, “Wa ne ivbi e Jerusalẹm, wa ya rri avbe eghian uwa oya. I gha ya uwa wegbe zẹ vbe ẹkhuia ne ọ mwẹ igho ematọn kevbe ibata owẹ oze. Wa gha dunmwu avbe okpẹvbo nibun sẹ otọ, avbe ẹfe ne iran ye ghe ẹe rua si koko, wa ghi viọ iran gunmwẹ, mẹ ne ọ re Nọyaẹnmwa ọghe otagbọn hia.”

Zẹkaraia 14:14

Ivbi e Juda gha gbinna ne a tan obọ gue Jerusalẹm. Iran gha fu emwi avbe uhunmwu ẹvbo hia viọ, zẹ vbe emwi ne a miẹn viọ vbe okuo igoru, esiliva kevbe ukpọn nibun ẹsẹse.

Malakai 3:10

Wa viọ inu ne a ghae ye ihe igbe gele wa khin gha die Ọgua Osa, ne evbare miẹn ehe na kpọkua vbe evba. Wa ya ẹe danmwẹ mwẹ ghe, wa gha vbe miẹn wẹ I gha kie ewindo ẹrinmwi ye otọ, I ghi vbe rhurhẹ emwi ọmaa hia ku uwa gba erhan gba irri.

Matiu 25:16

Ọguọmwadia ne a mu enaira arriaisẹn isẹn na keghi wa giẹgiẹ ya ye ọghọe do ẹki, ọ kevbe miẹn enaira arriaisẹn isẹn vbe ere.

Iyẹn ne ọ Maan Ọghe Mak 3:8

Eso ke Jerusalẹm kevbe isoko Idumia, kevbe ẹvbo ni rre iyeke nọkpa ọghe Jọdan kevbe iwewe Taia kevbe Saidọn. Emwi ne ọ ya iran na hia gha dee ọrọre otiti Jesu ne iran họn ẹn.

Iyẹn ne ọ Maan Ọghe Luk 12:33

Khiẹn emwi ne u mwẹ hia ne u gha igho ẹre ne avbe ivbiogue. Wa gualọ ẹsiso ne ẹ i khian ọmaẹn, ne uwa si emwi ewe uwa koko ye ẹrinmwi, ehe ne ẹ i na dibu, rhunmwuda oyi i sẹ evba, arriukpa ẹ i rhia ẹe rua.

Iyẹn ne ọ Maan Ọghe Luk 8:3

Joana ne amwẹ Kiuza ne ọ winna vbe ẹguae Hẹrọd, kevbe Susana kevbe ikhuo ni bun ọvbehe, iran ni lo emwi ewe iran ya gha yi Jesu kevbe erhuanegbe ẹre obọ.

Iwinna 9:39

Rhunmwuda ọnii, Pita mu egbe ọ keghi lele iran gha khian. Ọ ghi sẹ evba, iran keghi rhie ẹre gha rrie nene ughugha vbe egedege. Avbe ẹgbẹe hia keghi mama rhuẹe, iran gha viẹ, iran kegha viọ ẹwu ọkotọ kevbe ọkodukhunmwu ne a sele vbe ẹghẹ ne ọ na rre agbọn ma emwa.

Galatia 6:6

Ọmwa ne a ẹre emwi ẹmwẹ iyayi Kristi, ọ kere ne ọ gha ghae vbe emwi ne ọ mwẹ ne ọmwa ne ọ ma ẹre emwi.