Aizaia 23:17 - Edo Bible (E Baibol Ẹdo) Version 1996

¹⁷ Ukpoekigbe-siyenẹ ni ghẹ ghi gberra nẹ, e Nọyaẹnmwa gha gie Taia ya dọlegbe suẹn ẹki ẹre nẹdẹ, ọ ghi gie agbọn ẹvbo ni rre otọe agbọn hia do gha rhie ẹre vbe iwinna.

Aizaia 23:17 ပူးပေါင်းရင်းမြစ်များ

Aizaia 23:15

Ẹghẹ he dee ne a gha na mianmian e Taia la ukpo ekigbesiyenẹ, omwa ẹghẹ ne ọba ọkpa gha rriọba la vbe otọ. Ẹghẹ nii ghẹ ghi gberra nẹ, e Taia ghi do yevbe ebabotu ne iran ya so ihuan vbenian wẹẹ:

Aizaia 23:16

“Mu akpata ruẹ la ẹvbo khinkhian we ne ẹwobi ne a ghi mianmian kpe akpata ne u dọlegbe so ihuan ruẹn ne u ya ẹe dọlegbe tie ikpia rri egbe.”

Jerimaia 25:11

A gha ya otọe na hia khian itowa, ọ ghi vbe gha re ughe ne ọ ye egbe ku ọmwa ohiọnhiọn, avbe uhunmwu ẹvbo ni diake ẹe, gha ya ga ọba e Babilọn la ukpo ekigbe siyenẹ.

Jerimaia 29:10

“E Nọyaẹnmwa khare wẹẹ, ‘Ukpo ekigbesiyenẹ ọghe Babilọn ghẹ ghi gba nẹ, I gha do zẹ ye ẹmwẹ uwa, I gha mu eyan mwẹ sẹ wẹ I gha viọ uwa dọlegbe gha die owa.

Ezikiẹl 16:25

U ya ose ruẹ kpolo ọrho, te uwa gha kue ne emwa hia ni rre, edẹgbedẹgbe ọ re u ya gha guẹ iwinna igberagia yọ.

Ezikiẹl 16:26

Emwa ẹdogbo ruẹ ne ọ fifi ẹre egbe ighe ivbi Igipt, u ke vbe gie iran guẹ ru emwi, u keghi ye igberagia ne u gbe gha ya ohu mu mwẹ.

Ezikiẹl 16:31

U bọlọ ivbi owa lele idunmwu hia ne u na ru ẹbọ ke ne u na gbe igberagia. Sokpan, wẹ ma gha koko igho zẹ vbene avbe igberagia kẹkan ru ẹe.

Ezikiẹl 22:13

“I gha so ekpa mwẹ yan oyi ne uwa rha kevbe izigha ne uwa de.

Maika 1:7

Avbe ẹbọ ẹre hia ne eghẹnghẹn, a gha dunmwu ẹẹn ruan, emwi ne a te hẹ ne avbe ohẹn ne ikhuoẹre, a gha ye erhẹn giẹn uan, avbe amazẹ ọre hia gha khian utete ne ọ dihoi rua. E Sameria ọ re ọ viọ avbe emwi na rre ne ọ ya dugie ne otọ ẹre miẹn ehe na gha ma emwiokọ; banbanna nian, te avbe eghian rẹn ra viọ kpao, ne iran ya gha gho ẹre vbe ehe ọvbehe.”

Maika 3:11

Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”

Nahum 3:4

A gha rri ọre oya nian ighe e Ninevi ne ọ kẹkẹẹ ua Ọ ya ose silo avbe uhunmwu ẹvbo kẹ egbe. Ọ keghi ya iran khian eviẹn.

Zẹfanaia 2:7

Iran ni ghi miẹn uhunmwu vbe ivbi e Juda ọ re ọ ra mu otọe uwa gha ye, evba iran ra na gha koko emwirri iran, iran ghi vbe gha vbiẹ owa ni rre Askẹlọn. E Nọyaẹnmwa ne Osanobua iran gha yaba iran, agbọn gha vbe dọlegbe maa iran.

Iwinna 15:14

Saimọn ta ẹe wan vbe ne Osanobua ka ya rhie maa hẹ ighẹ rẹn vbe zẹ ye iran ne ẹ i re Ju re vbe ekpa ne ọ na viọ emwa eso vbe uwu iran ya ru ọghe irẹn.

Diuteronomi 23:18

A ghẹ vbe rhie igho ne a la odẹ vberriọ khuan la ọgua osa e Nọyaẹnmwa Osanobua uwa wẹ te do ya ha osa emwi ne a ve, te avbe ebabotu ye owa ugamwẹ sọnnọ e Nọyaẹnmwa.

I Timoti 3:3

Ọ ma kei ne ọ gha re ọdayọn ra ne ọ fian ọkpannike, sokpan, ọ ghi gha re ọmẹhẹ kevbe ne ẹ i ho ẹmwẹ, ọ ma ke ne ọ gha ho ẹmwẹ igho.

I Timoti 3:8

Iran ni ru iyobọ vbe esọsi, ọ kere ne iran vbe gha mwẹ uyinmwẹ esi kevbe ne ọre ọ ghe ẹmwata, ọ ma kei ne iran gha da ayọn gbe, ra ne iran gha zuan.

I Pita 5:2

Wa gha re Ọsuohuan avbe oghẹn ohuan ne Osanobua viọ ne uwa, wa gha ye aho ne ọ ke uwu ekhọe rre gbe aro ghe iran, vbene Osanobua ho ne uwa gha ru ẹe, ẹ i re ne a gbe omaro omaro ru. U ghi gha winna iwinna ruẹn, ẹ i re rhunmwuda ne a miẹn ehe na ha ruẹ osa kẹkan, sokpan aho ne a winna ne ọ ke ekhọe rre.

Arhie Maan 19:2

Ẹmwata ne uhunmwu ẹmwẹ ọre ibuohiẹn ọnrẹn khin. Rhunmwuda rẹn bu abe gbe ẹe nẹ ighẹ ebabotu nọkhua nii ne ọ ya alama oghẹ ọre mu agbọn rhia. Osanobua rria ẹre ikhi, rhunmwuda ne ọ na gbele avbe eguọmwadia ẹre.”