Aizaia 23:11 - Edo Bible (E Baibol Ẹdo) Version 1996

¹¹ E Nọyaẹnmwa niẹn obọ rra okun, ọ keghi munọ avbe arriọba gbotọ. Ọ keghi vbe wẹ ne a guọghọ avbe ehe ne emwa e Fonisia na do ẹki sotọ.

Aizaia 23:11 ပူးပေါင်းရင်းမြစ်များ

Gẹnẹsis 9:25

Rẹn keghi wẹẹ, “Ihẹn ọre ọghe Kenan! Ọviẹn ọre ọ ra gha khin ne etiọnrẹn.

Psalm 46:6

Ohan mu avbe okpẹvbo a vbe mu avbe otọ arriọba rueghe; Osanobua van avan otọ agbọn keghi ranran an.

Psalm 71:3

Gha re ugue mwẹ ne ẹ i firaa, kevbe odin ọkhẹ nọ wegbe, ne ọ degue mwẹ. Wẹ ọrọre ugue kevbe ne ọ gbinna mẹ.

Ẹksọdọs 14:21

E Mosis keghi niẹn obọ ẹre da okun, e Nọyaẹnmwa keghi ya ẹhoho ọlarre ovẹn ne ọ wu vbe egbe bi okun werriegbe, ọ keghi hoho la asọn nii hia, ọ keghi ya okun nii khian otọ nọkae. Amẹ keghi fian egbe ye ihe eva.

Aizaia 10:6

Mẹ gie Asiria ne ọ do khọn ẹvbo dan ne ọ ya ohu mu mwẹ. I gie iran ne iran ya fu emwi viọ, ne iran ya rha, kevbe ne iran ya owẹ rrilo emwa mu otọ zẹ vbe iruẹn vbe adesẹ ore.”

Aizaia 13:13

I gha ya ẹrinmwi gha guẹ zẹzẹzẹ, a gha vbe rueghe agbọn, a ghi sua ẹre hin ihe ẹre rre vbe ẹdẹ nẹdẹrriọ, ẹdẹ ne imẹ ne e Nọyan ne Oghodua gha rhie izohu mwẹ ma.

Aizaia 14:26

Emwi ne I mwamwa ẹn vbe ekpa agbọn na ọ re ọnii khin, I niẹn obọ mwẹ ladian nẹ, ne I ya rri avbe uhunmwu ẹvbo oya.”

Aizaia 19:5

Ẹzẹ e Naẹl gha si, avbe ẹzẹ gha hẹko ka.

Aizaia 2:19

Emwa gha lẹre ye uwu avbe uvun ye uwu otọ ne iran miẹn ehe na lẹfe vbe obọ ohu e Nọyaẹnmwa, kevbe ne iran vbe lẹre hin obọ ẹtin kevbe uyi ẹre rre, vbe ẹghẹ ne ọ gha na mu agbọn rueghe.

Aizaia 23:10

Wa ya ye otọe nii mu ugbo, wa ne emwa ni rre avbe ẹvbo ne a bu ye Spen! Ọmwa ne ọ ghi tan obọ gaa uwa ighi rrọọ.

Aizaia 23:3

fian okun rra, ne iran ya gha dẹ, kevbe ne iran ya gha khiẹn avbe okọ ni rre Igipt, ke vbe ne iran ya gu avbe uhunmwu ẹvbo otọ agbọn hia ya gha do ẹki.

Aizaia 25:2

U ya avbe okpẹvbo khian itowa nẹ u keghi rẹnkhẹn ogba ikhẹgbe iran hia. Avbe ẹguae ne avbe eghian mwa bọlọe, khian ne a i ghi dọlegbe miẹn ọvbehe.

Aizaia 5:25

E Nọyaẹnmwa mu ohu emwa irẹn, rẹn vbe niẹn obọ ẹre ladian nẹ ne ọ ya rria iran ikhi. Avbe oke nekhua gha mu rueghe, a gha vbe sẹ ikun avbe emwa ni wulo rae ye adesẹ ore zẹvbe iku, Sevba, ohu e Nọyaẹnmwa i he ye fo ye evba, te ọ gha ye niẹn obọ ẹre ladian ne ọ ya rri iran oya.

Aizaia 50:2

“Vbọzẹ ne avbe emwa mwẹ ma na zẹ yọ yi vbe I yo ya miẹn iran fan? Vbọzẹ ne iran ma na khuẹnniẹn vbe I tie iran? Mẹ ma wegbe sẹ ne ọ gha miẹn iran fan ra? Mẹ gha sẹtin ye ẹmwẹ unu mwẹ si okun ka I ghi Vbe ye avbe ẹzẹ khian ato sẹrriọ wẹ avbe ehẹn ni rrọọ ghi wulo rhunmwuda iran ma miẹn amẹ.

Jerimaia 47:7

Sokpan, vbe ọ ghi ra ya hẹwẹ hẹẹ, vbe I waa iwinna ne ẹẹn ne ọ winna? Mẹ Ọ re ọ tama rẹn ne ọ dekun Askẹlọn, kevbe avbe emwa ni rre eghute.”

Ezikiẹl 26:10

Ebubẹ ne ẹsin ne iran hin khian gbe, gha gue ruẹ muotọ. Owogho ẹsin iran ni si okotọ kevbe ikẹkẹ okuo khian gha mu ekẹn ẹvbo ruẹ rueghe vbe iran a gha la onurho ẹvbo ne ọ rẹnkhuan nii gbe rra.

Ezikiẹl 26:4

Iran gha dunmwu ekẹn ne a gbe lẹga ẹvbo ruẹ, iran ghi vbe siẹn avbe owa ọkhẹ ruẹ ni yo sotọ. Ẹghẹ nii, mẹ gha do kpolo avbe ebubẹ ni rrọ hia kua, I ghi sẹ avbe okuta ne emwi rhọkpa ma degue rae.

Ezikiẹl 31:16

I gha rhie ẹre gha rrie ẹvbo iran ni wulo nẹ ulamwẹ udemwẹ ọnrẹn gha mu avbe uhunmwu ẹvbo rueghe. Avbe erhan ni rre Idẹni hia, kevbe avbe erhan esiesi ne a gbe amẹ khakha vbe Lebanọn, ni kpao gha rrie agbọn ne ọ rre uwu otọ nẹ, oha gha ghọghọ ye udemwẹ ọnrẹn.

Nahum 1:14

Ẹmwẹ ne Nọyaẹnmwa ye ẹre iyi vbe ekpa Asiria ọ re ọna khin: “Iran i ra miẹn ivbi uniẹn iran ne ọ gha khuẹnniẹn eni iran khian, I gha guọghọ ehia ighe avbe amazẹ ni rre aro ẹbọ iran. I fian idin ye otọ khẹ ivbi Asiria nẹ. Ọ ma kei ne iran di agbọn ya.”

Hagai 2:7

I gha ye avbe uhunmwu ẹvbo hia uhunmwu rhu, a ghi viọ emwi ẹfe iran gha die emwa na, Ọgua Osa ghi vuọn ne emwi ẹfe.

Zẹkaraia 14:21

Uwawa ne a ya le evbare hia vbe Jerusalẹm kevbe Juda, a gha zẹ ehia kọ ye ne a ya ga e Nọyaẹnmwa ne Oghodua. Iran ni do zọ ese gha ya ẹe le emiowo ne iran ya zọ ese. Ọ gha sẹ ẹghẹ nii, a i ghi miẹn avbe emwa ni do ẹki vbe uwu Ọgua Osa ọghe Nọyaẹnmwa ne Oghodua.

Iyẹn ne ọ Maan Ọghe Mak 11:17

Ọ keghi ma avbe emwa ni re wẹẹ, “A gbẹn ọẹn ye uwu Ebe wẹ Osanobua khare wẹẹ, ‘Owa mwẹ owa erhunmwu ọghe emwa hia ọre a gha tie ẹre re,’ sokpan wa fiẹe werriẹ khian ẹgun avbe oyi!”

Iyẹn ne ọ Maan Ọghe Jọn 2:16

Ọ keghi tama iran ni khiẹn elikhukhu wẹẹ, “Wa viọ iran hin emwa rre, wa ghẹ ya owa Erha mwẹ khian ẹki.”