Aizaia 23:1 - Edo Bible (E Baibol Ẹdo) Version 1996

¹ Uhunmwu ne a gie vbekpa Taia ọ re ọna khin. Gha go ugomwẹ akhiẹ, wa ne avbe oziguẹ ni gua vbe okun. E Taia ne eghute ẹvbo rua, a dunmwu ẹn ruan nẹ, avbe owa ni rrọ kevbe ehe ne okọ na yakọ khian itowa. Okọ uwa gha ke Saiprọs rre, wa gha họn iyẹn na.

Aizaia 23:1 ပူးပေါင်းရင်းမြစ်များ

Gẹnẹsis 10:4

Ivbie Javan kegha re ivbi Elisia, Spen, Saiprọs kevbe Rodẹs.

I Ọba 10:22

Ọ keghi vbe gha mwẹ ọgbagba okọ ne ọ lele ọgbagba okọ ọghe Hiram ye uwu ẹzẹ. Ukpo eheha ọre avbe okọ ẹre ya dunmwu, iran ghi viọ igoru rre kevbe esiliva, akọn eni ọsa kevbe emẹ.

I Ọba 22:48

E Jehosiafat ne ọba kegha mwẹ avbe okọ ni yo uwu okun, ne a kan rẹn ne ọ ya gha viọ igoru ke Ọfa rre, sokpan, ehia keghi ni vbe Eziọngeba, iran ma yo uwu ẹzẹ.

I Ọba 5:1

Ke Omuhẹn gha dee, ọse Devid ọre Hiram ne ọba Taia gha khin, ọ ghi họn wẹ e Solomọn rriọba lele Devid ne erha ẹe, ọ keghi gie ukọ bu ẹre gha khian.

II Krọnikol 9:21

Ọ kegha mwẹ ọgbagba okọ ni yo okun, ne iran vbe ọgbagba okọ ọghe Hiram gba yo okun. Ukpo eha ọre okọ ẹre ya werriegbe rri owa iran ghi vuọn ne igoru, esiliva, akọn eni, ọsa kevbe emẹ ne iran viọ gha dee.

Psalm 48:7

Zẹvbe okọ ne ogbigbi ẹhoho bi yo bi rre vbe uhunmwu ẹzẹ.

Aizaia 15:8

Urhu eve ọ re a ghi họn vbe ehe hia ne otọ e Moab lae. A họn nẹẹn vbe ẹvbo Eglaim kevbe Biarelim.

Aizaia 2:16

Avbe okọ ni kọnkọn ke ni mose sẹ, ọ gha gbele ehia ye ẹzẹ.

Aizaia 23:12

E Saidọn ne ore nọkhua, oghọghọ ruẹ sẹ ufomwẹ, emwa ruẹn khian ne a ghi wọ ẹre uhunmwu. Ọ gha khọn iran ne iran ya lẹ ku e Saiprọs, iran ma he ye fe vbe obọ ẹbe vbe evba.

Aizaia 23:6

Wa gha kporhu eve orriara, wa ne emwa e Fonisia. Wa hia ne uwa lẹ gha rrie Spen.

Aizaia 24:10

Emwi hia tighi vbe ore ẹvbo, emwa ghi khui egbe ye owa ne iran rhie uhunmwu hin ẹbe rre.

Aizaia 60:9

Avbe okọ ni ke otọ urria dee nọ. Te iran viọ emwa Osanobua die owa. Iran viọ esiliva kevbe igoru mwẹ obọ dee ne iran do ya ya ọghọ ne eni e Nọyaẹnmwa Osanobua nọhuanrẹn ọghe Izrẹl. Ne ọ ye avbe uhunmwu ẹvbo hia gha ya ọghọ ne emwa irẹn.

Jerimaia 2:10

Wa laghe odẹ orrie gha rrie Saiprọs ne uwa gie ọmwa gha rrie otọe Keda vbe odẹ ekẹn wa gha miẹn wẹ, emwi e ọ ye vbenian ma he ka sunu ẹdẹ yi.

Jerimaia 25:15

E Nọyaẹnmwa ne Osanobua Izrẹl keghi tama mwẹ wẹẹ, “Ghe ukpu ayọn ne ọ vuọn ne ohu mwẹ vbe emwa na, mu ẹẹn bu avbe uhunmwu ẹvbo ne I giọ bu hia gha khian, ne u ya ne iran da vbọ.

Jerimaia 47:4

Ẹghẹ sẹe nẹ ne a gha ya fuẹn e Filistia a, ne a ya giagia iyobọ ne ọ ghi te kẹe hin e Taia kevbe Saidọn rre. Mẹ ne Nọyaẹnmwa gha dunmwu e Filistin uan, iran hia ni ke eghute e Kret rre.

Ezikiẹl 26:1

Vbe ikpẹdẹ ne okaro, ọghe uki ne ogiowọrọ ne ima kegha rre iwe, e Nọyaẹnmwa keghi gun mwẹ guaan wẹẹ,

Ezikiẹl 26:2

“Ovbi ọmwa, ghe emwi ne ivbi e Taia wee ba. Iran gha go kha wẹ a guọghọ e Jerusalẹm nẹ! Ẹtin ẹki ne ọ te do fo. Ẹ i ghi gu ima suan ọvbehe!

Ezikiẹl 27:30

Ehia wa khiẹ ne uẹn ẹsẹse, iran zẹ ekẹn ye uhunmwu, iran kegha wunnu vbe uwu emuẹn.

Ezikiẹl 27:6

Iran ya viọ erhan okan ke Basian rre ne iran ya ru obele; iran keghi ya erhan ne ọ ke Saiprọs rre wa otọ ruẹ. A keghi ye akọn eni ru uwu ẹre.

Daniẹl 11:30

Emwa e Rom gha viọ okọ rre, ohan ghi mu ẹẹn. “Iyekọni, ohu ghi mu ẹẹn ọ ghi werriegbe, ọ ghi hia ne ọ fuọn ruan ighe ẹmwẹ ugamwẹ emwa Osanobua. Ọ ghi gha ye ude ne emwa ni mu ugamwẹ nii fua nẹ bu ẹre re ru emwi.

Jona 1:3

Sokpan, e Jona keghi mu uhunmwu da ehe ọvbehe ne ọ miẹn ehe na lẹ hin ehe ne Nọyaẹnmwa ye rre. Rẹn keghi gha rrie Jopa, ọ keghi miẹn okọ ne ọ ke evba rrie Spen. Rẹn keghi ha osa, ọ na la okọ ne ọ lele emwa ni gua ẹe gha rrie Spen, ehe ne ọ gha na wa kpa hin ehe ne Nọyaẹnmwa ye rre.

Nọmbas 24:24

Iyokuo gha ke Saiprọs gua okọ rre iran gha khọn Asiria kevbe Babilọn mu otọ, sokpan iran tobọ iran gha vbe fuẹn uan ẹdẹdẹmwẹdẹ.”

Iyẹn ne ọ Maan Ọghe Luk 10:13

“Ọ gha ba suẹ gbe Korazin! Ọ gha ba suẹ gbe Bẹtsaida! Rhunmwuda, akpawẹ a winna iwinna ọyunnuan ne a winnaẹn vbe uwu uwẹ vbe Taia kevbe Saidọn, ẹ i re eban emwa ni rrọọ gha ghi tota lele otọ, iran ghi silo osọnmwẹ ukpọn ye egbe, iran ghi gbe emuẹn ye egbe, ne iran ya rhie ma ighe iran roiro fi ekhọe werriẹ vbe orukhọ ne iran te ru.

Jọsua 19:29

Uwu keghi laghe odẹ Rama, ọ keghi ya sẹ Taia ne ẹvbo ne a gbe ekẹn gaa, ọ na ghi laghe odẹ Hosa, ọ na ya fo ye Okun Meditẹrrenian. Usun avbe ẹvbo ni rrọọ kegha re: Mabalab, Akzib.