Aizaia 22:7 - Edo Bible (E Baibol Ẹdo) Version 1996

⁷ Iya e Juda ne ọ maa emwiokọ ghi khian ne a viọ ikẹkẹ okuo vuọn, ivbiyokuo ni hin ẹsin keghi mudia vbe odaro onurho e Jerusalẹm.

Aizaia 22:7 ပူးပေါင်းရင်းမြစ်များ

Aizaia 22:6

Avbe ivbiyokuo ni ke otọe Ẹlam rre hin ẹsin dee, iran ye uhanbọ kevbe ifẹnmwẹ mu egbe igbinna. Ivbiyokuo ni ke otọ Kẹ rre vbe ye asa iran mu egbe yotọ.

Aizaia 22:8

Avbe emwi ne Juda te ya khẹ egbe hia de rẹnkhẹẹn uan. Ugbẹn vbe emwi vberriọ ghi sunu, wa keghi viọ emwi igbinna ke uwu ẹgun emwi igbinna ladian.

Aizaia 37:34

Odẹ ne ọ la rre, ọ re ọ ra vbe la gha rrie vbe ne ẹ i na fi owẹ la ore ẹvbo na. Mẹ ne Nọyaẹnmwa tae nẹ.

Jerimaia 1:15

Rhunmwuda te imẹ ghi tie avbe uhunmwu ẹvbo hia ni rre odẹ okuọ wẹ ne iran gha dee. Avbe ọba iran ghi mu ẹkete iran gbọọ ye onurho e Jerusalẹm, kevbe lẹga ekẹn ne a gbe lẹga ẹre, kevbe yan avbe ẹvbo ni dekẹe vbe Juda.

Ezikiẹl 4:2

Ne a ya rhie ma wẹ, a khọn okuo vbọ, tọnnọ uvun lelẹe, kevbe ekẹn ne a tọẹn, kevbe agọ, okọ ne ọ gbe okọ ne ihua ẹre, ne ehia lẹga ẹre.

Ezikiẹl 4:3

Mu ọkpan ematọn, ne u mu ẹẹn ye ẹkpo uwẹ vbe ẹvbo nii zẹ vbe ekẹn ne a gbe. Mu aro da ẹvbo nii. Te a wa khọn rẹn na, wẹ ọ re ọmwa ne ọ khọn ẹnrẹn. Ọna ghi gha re ama ne uhunmwu ẹvbo Izrẹl.